ھاياتنىڭ شان-شەرىپى ئۇزۇن ئۆمۈر كۆرۈشتە بولماستىن، بەلكى مەنىلىك ياشاشتا. ھاياتنىڭ گۈزەللىكى شانۇ-شەۋكەت ۋە دۆلەتمەنلىكتىن بەھرە ئېلىشتا بولماستىن، بەلكى پۈتۈن ۋۇجۇدى بىلەن ئىجاد قىلىشتا.
ئېگىز ۋە يىراق بىر نۇقتىنى كۆڭلىڭىزگە پۈككەندە، كۆز ئالدىڭىزدىكى ھەربىر تەپسىلاتقا سەل قارىماڭ، چۈنكى دەرەختىكى كىچىككىنە بىر بىخ ئەتە بۈك-باراقسان شاخ بولىدۇ. ھەركۈنى كىچىككىنە بولسىمۇ بىر ئەمىلىي ئىش قىلىڭ، شۇنىڭدا سىزنىڭ شۇ كۈنىڭىز خاتىرجەم ۋە پۇشايمانسىز ئۆتىدۇ.
ئىنسانىيەتنىڭ تەرەققى قىلىشى كۈچلۈك رىقابەتتە ئەمەس، ئۆ-ئارا ياردەم بېرىشتە.
ياشاشتىكى مەقسەت روھىي جەھەتتىن تاكامۇللۇققا ئېرىشىش ئۈچۈندۇر، لەۋزى قەدىرسىز كىشىنىڭ ئۆزىنىڭمۇ ھامان قەدىرسىز بولىدىغانلىقى ھەممىگە مەلۇم.
تۇغۇلغان يېرىگە مېھرى يوق ئادەملەر شامال ئۇچۇرتقان دېنى يوق شاكالغا ئوخشاش مەزمۇنسىز ۋە بەختسىز مەخلۇقتۇر.
سۆز قۇدرىتى پەقەت پاكلىقنى خالايدۇ، كۆز باغلايدىغان دۇنيانىڭ يالتىراقلىرىغا قىزىقىپ خاتا قەدەم باسساڭ، يەر تاسقىۋېتىدۇ، ئۇدۇمۇڭ قاچىدۇ.
