تۆمۈر ئوكسېگىننىڭ قانغا ئۆتۈشىگە ياردەم قىلىپ، بالىلارنىڭ چىدامچانلىقىنى ئاشۇرىدۇ. تۆمۈر كەمچىل بولغان بالىلاردا ئىممۇنىتېت كۈچى تۆۋەنلەش، نەپەس يولى يۇقۇملىنىش كېسىلىگە ئاسان گىرىپتار بولۇش، ئىچى سۈرۈش قاتارلىق كېسەللىكلەر كۆپ كۆرۈلىدۇ. ئۈچ ياشتىن تۆۋەن بولغان بالىلاردا ئۇنتۇغاقلىق، ئاسان ھاياجانلىنىش، دىققىتىنى يىغالماسلىق، ئىنكاسى ئاستا بولۇش، ئەتراپىدىكى مۇھىتقا قىزىقماسلىق قاتارلىق ئەھۋاللار كۆرۈلىدۇ.
 
تۆمۈر تولۇقلاشنىڭ ئەپچىل چارىلىرى:
   ئورۇق گۆش، تۇخۇم تۈرلىرى، بېلىق تۈرلىرى، يېشىل يوپۇرماقلىق كۆكتاتلار، مېۋە قېقى ۋە تۆمۈر ماددىسى مول يېمەكلىكلەرنى كۆپرەك يەپ بېرىش كېرەك.
   پالەكتىن سوغاق سەي تەييارلىغاندا ، مېۋە قېقى ئارىلاشتۇرۇۋەتسە بالىلارنىڭ ئىشتىھاسىنى ئېچىشقا ياردىمى بولىدۇ.
   ياغ مىقدارى تۆۋەم قېتىق ۋە سۈت ئىچكەندە تۆمۈر ماددىسىنى كۈچەيتكۈچى دانلىق ماددىلارنى قوشۇۋەتكەندە بالىلار تېخىمۇ ئاسان قوبۇل قىلالايدۇ.
   ۋىتامىن C نىڭ تۆمۈرنىڭ سۈمۈرۈلۈشىگە پايدىسى بار بولۇپ، تاماقتىن كېيىن بۆلجۈرگەن، ئاپېلسىن قاتارلىق مېۋىلەرنى يېسە بولىدۇ.