25-ئىيۇن مۇخبىرنىڭ شىنجاڭ ئادەم كۈچى بايلىقى ۋە ئىجتىمائىي كاپالەت نازارىتىدىن ئىگىلىگەن ئۇچۇرىغا ئاساسلانغاندا، 2015-يىلى شىنجاڭ مەمۇرلار ئىمتىھانىغا 150791 ئادەم تىزىملاتقان، 81633 ئادەم «بوغدا كۆلى پىلانى» غا قاتناشقان. 

ئىگىلىنىشىچە، شىنجاڭ ئۇيغۇر ئاپتونوم رايونلۇق تۈرمە باشقۇرۇش ئىدارىسى قەشقەر ئاياللار تۈرمىسى تۈرمە مەمۇرىيىتىنى باشقۇرۇش بۆلۈمىنىڭ بۆلۈم ئەزالىق ئورنىغا ئەڭ كۆپ ئادەم تىزىملاتقان بولۇپ، 8 نەپەر بۆلۈم خادىمى قوبۇل قىلىدىغان ئورۇنغا 557 ئادەم تىزىملاتقان، شىنجاڭ ئۇيغۇر ئاپتونوم رايونلۇق تۈرمە باشقۇرۇش ئىدارىسى ئاياللار تۈرمىسى تۈرمە مەمۇرىيىتىنى باشقۇرۇش بۆلۈمى بۆلۈم ئەزالىق ئورنىغا 544 ئادەم تىزىملاتقان بولۇپ، تىزىملاتقان ئادەم سانى ئىككىنچى ئورۇندا تۇرغان. ئۇنىڭدىن باشقا، ئەڭ ئالقىشقا ئېرىشكەن ئورۇن ئۈرۈمچى ئىقتىسادىي تېخنىكا تەرەققىيات رايونى مائارىپ ئىدارىسىنىڭ بۆلۈم ئەزاسى ئورنى بولۇپ، بىر ئادەم ئالىدىغان ئورۇنغا 509 ئادەم تىزىملاتقان.

19-ئىيۇن بېيجىڭ ۋاقتى سائەت 18:30 گىچە 228 ئورۇنغا ھېچقانداق ئادەم تىزىملاتمىغان.