بىر يوتقان سودىگىرى بىلەن بىر نانچى ئادەم قەھرىتان قىشنىڭ سوغۇق بىر  كېچىسى تاشلاندۇق ئۆيدە تۈنەپتۇ.ئىككەيلەننىڭ ئۆزئارا كارى بولماپتۇ. نانچى نېنىنى يەپ قورساق تويغۇزۇپ يېپىنچىسى يوق ھالدا بىر بۇلۇڭدا تۈگۈلۈپ يېتىپتۇ . يوتقان سودىگىرى يوتقانغا پۈركىنىپ ئاچ قورساق ھالەتتە قىينىلىپ بىر بۇلۇڭدا يېتىپتۇ .

ھەر ئىككىلىسى كۆڭلىدە <ئەگەر قارشى تەرەپ ئاۋۋال مېنى ئىزدىسە مەن چۇقۇم ئۇنىڭ بىلەن ھەمكارلىشىمەن >دەپ ئويلاپتۇيۇ، لېكىن تەشەببۇسكارلىق بىلەن ئېغىزلانماپتۇ . ئاقىۋەت زىمىستان قىشتىكى شۇ سەھەردە نانچى توڭلاپ ، يوتقان سودىگىرى ئاچلىقتىن قىينىلىپ ئۆلۈپ قاپتۇ.

بىراۋنىڭ سىزنى ئاكتىپلىق بىلەن ئىزدىشى  سىزگە ھاجىتى چۈشكەنلىكتىن ئەمەس، بەلكى سىزنى قۇتقۇزۇش ئۈچۈن بولۇشى مۇمكىن . شۇڭا ھەمكارلىقنىڭ رولىغا سەل قارىماڭ ھەم ھەمكارلىشىشنى ئۇنۇتماڭ شۇنداقلا  ھەر قانداق ھەمكارلىقتا تەشەببۇسكار بولۇڭ.

مەنبە : تور دۇنياسى

2016-يىلى 11-ئاينىڭ 30-كۈنى