ئالغىن دېسە بەك ئالدىڭ خوتەنلىكنىڭ يېرىنى،

بەكمۇ ئۇز دەپ ماختاپ ھەم خوتەنلىكنىڭ قىزىنى.

بەكمۇ تاتلىق دەيتىڭغۇ خوتەنلىكنىڭ گېپىنى،

ئويلاپ باقسام بەك يەپسەن بۇ تاشچىنىڭ غېمىنى.

ساتقان بولسا تاش ساتتى،ئۇلار ئاقنى ساتمىدى

ئوغرى،قاتىل،بۇلاڭچى دەپ تۈرمىلەردە ياتمىدى.

يەنە ياخشى ئىشلاردا ئارقىلىرىغا قاچمىدى،

ھالال ئىشلەپ توغرىدا خېلى بەلەن پۇل تاپتى.

تاپقان بولسا تاش سېتىپ توغرا يولدا ئىشلەتتى،

بىنا،ساراي يەر ئېلىپ ،ئىشسىزلارنى ئازلاتتى.

پىقىر-يوقسۇل يىتىمنىڭ باشلىرىنى سىلاشتى،

ھۆكۈمەتنىڭ سىياسەت،قانۇنىغا ماسلاشتى.

ئون بارماقنىڭ ھەممىسى ئوخشىماس بىر-بىرىگە،

شۇڭلاشقىمۇ ئىنسانلار ئايرىلغان خىل،تىپىگە.

چىقىپ قالدى نەچچىسى پاتماي قالدى كىيمىگە،

شۇلار بولغاچ داغ چۈشتى تاشچىلارنىڭ يۈزىگە.

قۇملۇقتا ۋە كەپىدە ياشايدۇ دەپ ئويلايتى،

مىنىپ تۆگە،ئاتلارنى يۈرۈيدۇ دەپ بىلەتتى.

بولغاچ تاشنىڭ قىممىتى بۇ گەپلەرنى يوقاتتى.

ئاۋدى،باۋما جىق بولغاچ كۆزلىرىنى قىزارتتى.

تىجارەتچى جىق ئىدى،بىزنىڭ گۈزەل يۇرتلاردا،

قەشقەر،ئاتۇش،غۇلجا ھەم ئاقسۇ ،كورلا تۇرپاندا.

قوللىغانغۇ ھەممىمىز شۇلار يول-پۇل تاپقاندا،

تاش ساتتى دەپ تىللىساق خىلاپتۇر بۇ ۋىجدانغا.

كىم سورىدى تاشچىنىڭ،تاش كولىغان ھالىنى،

ئاڭلىغانلار،كۆرگەنلەر بىلدى پۇلنىڭ سانىنى،

ياتلار كېلىپ ئاچسۇنمۇ ئۆزىمىزنىڭ كانىنى؟

ئۇ چاغدا خەق باقامدۇ ئاتا-ئانا،بالىنى؟

بۇرۇندىنلا ئىدۇق بىز بىر ئۇلۇغ مىللەت،

سۆزلەي دېسەك بىزدە جىق ئەنئەنە-خىسلەت.

يۇقتۇرۋالدۇق نەلەردىن بۇنداق سەت ئىللەت،

بۇنداق قىلساق بىزلەرنى كۈتەر نە قىسمەت.

تاش كولاشنىڭ يولىدا زىيان تارتقان ئاز ئەمەس،

بىلمەي كۆرمەي جاپانى سۆزلەش بىزگە شەرت ئەمەس.

تاش كۆتۈرۈپ.تاش سېتىش ئانچە ئوڭاي ئىش ئەمەس،

چىشلەشمەيلى،تالاشمايلى ئۆز ئارا،ئەمدى يىتەربەس.

 مەنبە:ئاقيول ئۈندىدار سالونى

  سۈرەتلەرنىڭ مەنبەسى : تور دۇنياسى