شئېرلار
گۇلنىسا ئىمىن
30 ياشلىق ئايال
مايسىرىغان ھارۋىدەك قەدەملىرىڭ بەك ئېغىر، كەل مۈرەمگە يۈلەنگىن 30 ياشلىق ئەي .ئايال. ئوڭشاپ قويغىن چۇۋۇلغان چاچلىرىڭنى ئاددىيلا، سۈرۈۋالغىن مەيلىڭچە،تاتلىققىنە ئوي-خىيال.
ئوتلىۋېلىپ قىزىق چاي،كۆڭلۈم سۇنغان چىنىدىن، سەز ئۆزۈڭنى خان -ئايىم.بىردەمگىنە بولسىمۇ. تەرلىرىڭنى قۇرۇتقىن،ئىتىگىڭدە يەلپۈنۈپ، مەلەڭدىكى كۆل كەبى،دەرتلىرىڭ لىق تولسىمۇ؟
ئارمانلىرىڭ ئالدىدا چەكچەيسىمۇ رىئاللىق، ئاچ مۇلايىم باغرىڭنى،ئۇئۆزگەرسۇن بەخىتكە.. ياشاۋەرگىن ئۆزۈڭنىڭ ئوردىسىدا خان بۇلۇپ، چاڭ قونمىسۇن ھەرگىزمۇ كۆڭلۈڭدىكى تەخىتكە.
يۈرگۈڭ بولسا يوللاردا يالغۇزغىنا سايلىدە، يىتىلىۋال بالاڭنى،يات نەزىرى چۈشمىسۇن. بارغۇڭ بولسا بازارغا بېرىۋەرگىن پۇلسىزمۇ، چىرايىڭدىن تەبەسسۇم كۆلكە ھەرگىز ئۆچمىسۇن.
تازا توۋلاپ يىغلىۋال چىقىپ ئۆينىڭ كەينىگە، دەرتلىرىڭنى شاماللار ئېلىپ كەتسۇن تۇزۇتۇپ، ئۇھسىنمىغىن بۇنچىلا،قوپقىن دەرتىنىڭ تىگىدىن، ئەمدى قويدۇڭ ئۆمرۈڭنىڭ ئوتتۇزىنى ئۇزۇتۇپ.
قېنىپ پۇرا ھەر سەھەر،قىزىل گۈلدەك كۆڭلۈڭنى، چاچلىرىڭدىن ئۆچمىسۇن ھال رەڭ ئەتىر پۇرىقى. لېيىمىسۇن ئازاپتىن،سۇدەك سۈزۈك ھىسلىرىڭ، بىخلاپ تۇرسۇن قەلبىڭدە مۇھەببەتنىڭ .ئۇرۇقى.
ئايرىلىش
سەن ئۇزىدىڭ بۇ قەلبىمدىن بىر سەيياھ بۇلۇپ، ئەڭ ئاخىرقى بىكەت قالدى سۇغۇقتا توڭلاپ. باھاردىكى شىرىن چۈشلەر كەتتى چېچىلىپ، ئاھ،كەچكۈزدە كىممۇ كىلەر بۇ يەرگە يوقلاپ.
يىتىم قالغان دوقمۇشلارغا چۈشمەس ھېچ نەزەر، سۈكۈت ئىچرە مىسكىن گۈگۈم قالىدۇ ئۆكسۈپ. چىغىر يوللار كۈرەلمەيدۇ ئەمدى شىرىن چۈش، ھېچكىم تەرمەس نازۇك كەتسە تۈكۈلۈپ.
ئۇزۇتۇش
كىتىۋالدىڭ ئۈن-تىنسىز ئەجەپ، بىر ئۆزۈڭلا يۈدۈپ ھەممىنى. ئارمان بىلەن ئۇزۇتۇپ قالدىم، مەن كىملەرگە ئېيتاي دەردىمنى.
پىراق چۆلى بولدى ماكانىم، سەن ئۇندىكى كۆز يەتمەس مەنزىل. نىسىپ بولماس ئەبەدىي ۋىسال، مەن ئۇنىڭدايۈرسەممۇ مىڭ يىل.
ئاسانمىكەن ئاشۇنداق كىتىش، قوللىرىڭغا يەتمىدى قولۇم، يۇلتۇزلاردەك كىتپىسەن ئۇزاپ، تۈن باغرىغا يېيىلدى ئۈنۈم.
|
