جۇڭگو ئۇيغۇرچە رادىيو تورى 6-سېنتەبىر بېيجىڭ خەۋىرى:
ئاسىيا پارتىيەلەر مەخسۇس يىغىنى 6-سېنتەبىر گۇاڭشىنىڭ نەننىڭ شەھىرىدە يېپىلدى. 26 دۆلەتتىكى 52 پارتىيە ۋە ئالاقىدار خەلقئارا پارتىيە تەشكىلاتلىرىنىڭ يۈزدىن ئارتۇق ۋەكىلى تۆت كۈنلۈك يىغىندا، «تەرەققىيات ۋە جەمئىيەت ئورتاق بەھرىمەن بولۇش، تەرەققىيات نەتىجىلىرى ئارقىلىق خەلققە نەپ يەتكۈزەيلى» دېگەن تېمىدا پىكىر ئالماشتۇردى ۋە مۇزاكىرە قىلدى. يىغىننىڭ ئاخىرىدا «نەننىڭ تەشەببۇسى» ماقۇللاندى.
تەشەببۇستا، ئاسىيادىكى ھەر قايسى دۆلەتلەرنىڭ تەرەققىياتتىكى تەكشىسىزلىك، ماسلاشماسلىق، سىجىلسىزلىقنى ھەل قىلىشنى چۆرىدەپ پائال ئىزدىنىش ۋە مول ئۈنۈملۈك كونكرېت ئەمەلىيەتتىن ئۆتكۈزۈش پائالىيىتى قانات يايدۇرۇلدى، ئاسىيادىكى ھەر قايسى دۆلەتلەر پارتىيەلىرىنىڭ تەرەققىيات مەسىلىسىگە تېخىمۇ ئەھمىيەت بېرىپ، سىغدۇرۇشچان تەرەققىياتنى كۈچلۈك ئىلگىرى سۈرۈپ، تەرەققىيات ئۇسۇلىدا بۇرۇلۇشقا ياساشقا ئەھمىيەت بېرىشى مۇراجىئەت قىلىندى. تەشەببۇستا، جۇڭگو كومپارتىيەسى رەھبەرلىكىدە جۇڭگونىڭ ئىقتىساد، جەمئىيەت تەرەققىياتىدا قولغا كەلتۈرۈلگەن تارىخىي مۇۋەپپەقىيەتلىرىى يۈكسەك مەدھىيەلەندى، جۇڭگو كومپارتىيەسىنىڭ ئادەمنى ئاساس قىلىش، ئىلمىي تەرەققىيات قارىشى ۋە ئۇنى ئەمەلىيەتتىن ئۆتكۈزۈشىگە ئاپىرىن ئوقۇلدى.
مەنبەسى:جۇڭگو ئۇيغۇرچە رادىيو تورى |
 |
سۆھبەتخانىدا ھازىر ئادەم بار | │ |
