كۈز نەپەس يولى سىستېمىسى كېسەللىكلىرى كۆپ كۆرۈلىدىغان مەزگىل، بىراق نۇرغۇن كىشى يۆتىلىنىڭ نېمە سەۋەبتىن بولغانلىقىنى پەرقلەندۈرەلمەيدۇ.

   قۇرۇق ئىسسىقتىن بولغان يۆتەل. بۇ كۆپىنچە كېچىسى قوزغىلىدۇ، گال قىچىشىپ، بەلغەم چىقمايدۇ. بۇنى داۋالاشتا ئۈجمە يىلتىزىنىڭ ئاق پوستى، ئۆرۈك مېغىزى، شىقىلداق، سوغىگۈل، چارتال يوپۇرمىقى قاتارلىق ئۆپكىنى سىلىقلاپ، يۆتەلنى پەسەيتىدىغان دورىلارنى ئىشلىتىش كېرەك.

   ھۆل سوغۇقتىن بولغان يۆتەل. بۇ جىددىي، ئاستا خاراكتېرلىك كېكىردەك ياللۇغى قاتارلىق كېسەللىكلەرنى كەلتۈرۈپ چىقىرىدۇ. بۇ خىل يۆتەل ئادەتتە ئەتىگىنى ئورنىدىن تۇرغاندا قوزغىلىدۇ، بەلغەم كۆپ، شىلىمشىق بولىدۇ. يۆتەلنى چوقۇم مىزاجنى توغرا ئايرىپ، شۇنىڭغا ئاساسەن داۋالاش كېرەك.