رۇزىكام يازغانتى دېھقان بولماق تەس،
بەزىلەر دىيىشتى ئۇيغۇر بولماق تەس،
ئاياللار قاقشايدۇ خوتۇن بولماق تەس،
دېھقانمۇ، ئۇيغۇرمۇ،خۇتۇنمۇ ئەمەس،
دۇنيادا ھەممىدىن مۇسلىم بولماق تەس.
دېھقاننىڭ بەزىسى داچىلار سالدى،
قىشمۇ-ياز قازناققا بۇغدايلار تولدى،
باللىرى يەپ ئىچتى، قورسىقى تويدى،
دېھقانمۇ گۆش يىدى، ماشىنغا چىقتى،
دەيمەنكى دۇنيادا مۇسلىم بولماق تەس.
ئۇيغۇرمۇ نۆۋەتتە دۇنياغا باقتى،
ئىستىلى تۈز بولسا باشلىققا ياقتى،
رېستۇران دىبادا ئويناپمۇ باقتى،
پۇل ئۈچۈن بەزىسى ۋىجداننى ساتتى،
ئۇيغۇرلۇق تەس ئەمەس مۇسلىم بولماق تەس.
جاھاننىڭ ئىشلىرى تەرەققى قىلدى،
توڭلاتقۇ، كىر ئالغۇ ئۆيلەرگە كىردى،
نان يېقىش، ئۆي قېقىش ئەمدى قالمىدى،
خۇتۇنلار بىكارچى چايغا ئاتلاندى،
ئەمدىكى نۆۋەتتە مۇسلىم بولماق تەس.
مۇسۇلمان تەقۋا بوپ ياشىسا تېخى،
دىنىنى چىڭ تۇتۇپ ماڭمىسا تېخى،
يات مىللەت كۆڭلىگە ياقمىسا تېخى،
بۆلگۈنچى، تىرورچى ئاتالسا تېخى،
دۇنيادا ھەممىدىن مۇسلىم بولماق تەس.
« مۇسۇلمان رادىكال يۈرەر ھەركەتتە ،
ئېھتىيات قىلايلى ھەممە بىرلىكتە »،
ئېنتىرنىت خەۋەردە تۇقۇپ سەپسەتە،
ئەيىپىڭنى ئىزدەيدۇ دۇنيا ئۆملۈكتە،
دۇنيادا ھەممىدىن مۇسلىم بولماق تەس
مۇسۇلمان خەتەرلىك دائىم ئەسەبى،
ئوي-پىكرى بولىدۇ پەقەتلاسەلبى،
ئىدىيە زەھەرلىك رەھىمسىز قەلبى،
ھەر قاچان يۈز بېرەر خەۋىپ-خەتىرى،
دۇنيادا ھەممىدىن مۇسلىم بولماق تەس.
سۈننەتنى چىڭ تۇتقان بۇلۇر ئەسەبى،
بىدئەتنى يوقاتساڭ دەيدۇ ۋاھابى،
شىيئە بول ۋە ياكى ئىلىمسىز سوپى،
شۇندىلا خۇش بۇلار ھەممە بىدئەتچى،
دۇنيادا ھەممىدىن مۇسلىم بولماق تەس.
ھىجاپلىق ھەمشىرەم يىغلاپ بەرمەكتە،
مەلئۇنلار قول سېلىپ يىرتىپ كەسمەكتە،
مەھرەمسىز مەجبۇرى ئېلىپ كەتمەكتە،
ئۆزگىلەر يۇرتىدا تېنەپ يۈرمەكتە،
دۇنيادا ھەممىدىن مۇسلىم بولماق تەس.
مۇسۇلمان ھەريەردە ئازاپلار تارتسا،
ئۆلتۈرسە سولىسا زىنداندا ياتسا،
پەلەستىن، سۈرىيە قەتلىئام بولسا،
دۇنيانىڭ كۆزى كور گاس-گاچا تۇرسا،
ۋەللاھى دۇنيادا مۇسلىم بولماق تەس.
مۇسۇلمان ھەر دائىم سەۋرىچان بولار،
قاراڭغۇ زۇلمەتكە مەشئەللەر ياقار،
دىنىنى چىڭ تۇتۇپ ھەق يولدا ماڭار،
گوياكى بىر چوغنى قاماللاپ تۇرار،
دۇنيادا ھەممىدىن مۇسلىم بولماق تەس.
