ﺗﺎﺷﻠﯩﻨﯩﭙﺘﯘ ﺑﯩﺮ ﺳﯘﻧﯘﻕ ﭘﺎﻟﺘﺎﺳﺎﭖ ﻣﻪﺵ ﺋﺎﻟﺪﯨﻐﺎ ،
ﺑﯧﻠﻰ ﺳﯘﻧﻐﺎﻥ ﮬﻪﻡ ﺋﯚﺯﻯ ﻳﯧﺮﯨﻠﻐﺎﻥ ﺗﯚﺭﺕ ﭘﺎﺭﭼﯩﻐﺎ ،
ﮬﯧﺴﺪﺍﺷﻠﯩﻖ ﻗﯩﭗ ﻣﻪﻥ ﺋﯘﻧﯩﯔ ﺷﯘ ﺑﯩﭽﺎﺭﻩ ﮬﺎﻟﯩﻐﺎ ،
ﺳﻮﺭﯨﺴﺎﻡ ﺋﻪﮬﯟﺍﻟﯩﻨﻰ ﺋﯘ ﺑﺎﻳﺎﻥ ﻗﯩﻠﺪﻯ ﻣﺎﯕﺎ
ﺩﯨﮕﯩﻨﯩﻨﻰ ﻣﻪﻧﻤﯘ ﮬﻪﻡ ﺳﯚﺯﻟﻪﭖ ﺑﯩﺮﻩﻱ ﻛﻪﯓ ﺋﺎﻣﻤﯩﻐﺎ .

- ﻣﻪﻥ ﺋﻪﺳﻠﯩﺪﻩ ، – ﺩﯨﺪﻯ ﺋﯘ ، – ﻳﺎﺧﺸﻰ ﻳﺎﻏﺎﭼﻨﯩﯔ ﭘﯘﺷﺘﯩﺪﯨﻢ .
ﺋﻮﺭﻣﺎﻧﻠﯩﻘﺘﺎ ﺑﺎﺭﭼﻪ ﺩﻩﺭﻩﺥ ، ( ﺋﺎﻳﺮﯨﻤﺎﺳﺘﯩﻦ ) ﺩﻭﺳﺖ ﺋﯩﺪﯨﻢ .
ﺷﯘ ﭼﺎﻏﻼﺭﺩﺍ ﻣﻪﻥ ﺑﻪﺧﯩﺘﻠﯩﻚ ﯞﻩ ﮬﻪﻗﯩﻘﻰ ﺧﻮﺵ ﺋﯩﺪﯨﻢ .
ﭘﺎﻟﺘﯩﺒﺎﻳﻐﺎ ﺳﺎﭖ ﺑﻮﻟﯘﭖ ﺋﻪﺳﻠﻰ ﻧﻪﺳﻠﯩﻤﻨﻰ ﺋﯘﻧﺘﯩﺪﯨﻢ
( ﺋﻪﻣﺪﻯ ﺑﯩﻠﺪﯨﻢ ، ﭼﯜﺷﯜﭘﺘﯩﻤﻪﻥ ﭘﺎﻟﺘﯩﺒﺎﻳﻨﯩﯔ ﺩﺍﻣﯩﻐﺎ )

ﮬﻪﺭﻗﺎﭼﺎﻥ ﻣﯧﻨﯩﯖﺪﻩ ، – ﺩﻩﭖ ، ﭘﺎﻟﺘﯩﺒﺎﻳﻨﯩﯔ ﺗﯩﺰﮔﯩﻨﻰ
ﺭﺍﺳﺎ ﺳﯘﺭﺩﯗﻡ ﺑﯩﺮ ﻣﻪﮬﻪﻝ ، ﮬﯚﻛﯜﻣﺮﺍﻧﻠﯩﻖ ﭘﻪﻳﺰﯨﻨﻰ
ﺗﯩﯖﺸﯩﻤﯩﺪﯨﻢ ﮬﯩﭽﻘﺎﭼﺎﻥ ﺋﻪﺳﻠﻰ – ﻧﻪﺳﻠﯩﻢ ﺋﻪﺭﺯﯨﻨﻰ
ﺋﻮﺗﯘﻥ ﺑﯩﻠﯩﭗ ﺋﯚﻟﭽﯩﺪﯨﻢ ﻣﻪﻥ ﺋﯘﻻﺭﻧﯩﯔ ﯞﻩﺯﻧﯩﻨﻰ
ﺷﯘ ﺋﻮﻟﭽﻪﻣﻨﻰ ﺳﯧﻠﯩﯟﻩﺭﺩﯨﻢ ، ﻣﻪﻳﻠﻰ ﻗﺎﺭﯨﻐﺎﻱ ﺋﺎﺭﭼﯩﻐﺎ .

ﭼﻮﯓ ﺑﯩﻠﯩﭗ ﻣﻪﻥ ﻣﻪﺭﺗﯩﯟﻩﻣﻨﻰ ﮬﻪﺗﺘﺎ ﺟﺎﮬﺎﻧﻐﺎ ﭘﺎﺗﻤﯩﺪﯨﻢ ،
ﻛﯩﻢ ﻣﺎﯕﺎ ﺗﯩﺰﻻﻧﻤﯩﺴﺎ ﺋﺎﯕﺎ ﺋﺎﺩﺍﯞﻩﺕ ﺳﺎﻗﻠﯩﺪﯨﻢ
ﺋﻪﺳﻠﻰ – ﻧﻪﺳﻠﯩﻢ ، ﺋﻪﺟﺪﺍﺩﯨﻢ ، ﺋﻪﯞﻻﺩﯨﻤﻐﺎ ﺑﺎﻗﻤﯩﺪﯨﻢ ،
ﺧﯘﺩﺩﻯ ﻳﯩﺮﺗﻘﯘﭺ ﮬﺎﻳﯟﺍﻧﺪﻩﻙ ﮬﻪﻣﻤﻪ ﻳﺎﻗﻘﺎ ﭼﺎﭘﭽﯩﺪﯨﻢ ،
ﺋﯧﻠﯩﭗ ﺑﺎﺭﺩﯨﻢ ﻣﻪﻥ ﺋﯘﻻﺭﻧﻰ ﻳﻮﻗﯘﻟﯘﺵ ﮔﯩﺮﺩﺍﺑﯩﻐﺎ .

ﻗﺎﻟﻤﯩﺪﻯ ﻣﻪﻥ ﻳﯩﻘﯩﺘﻤﯩﻐﺎﻥ ﺗﺎﻏﻼﺭﺩﺍ ﻗﺎﺭﯨﻐﺎﻱ – ﭼﯩﻨﺎﺭ ،
ﻗﯘﺗﯘﻟﻤﯩﺪﻯ ﻣﻪﻧﺪﯨﻦ ﺗﯩﺮﯨﻚ ، ﺑﺎﻏﻼﺭﺩﺍ ﺋﺎﻟﻤﺎ – ﺋﺎﻧﺎﺭ ،
ﺋﯘﭼﺮﯨﻐﺎﻧﻨﯩﯔ ﮬﻪﻣﻤﯩﻨﻰ ﭼﺎﭘﺘﯩﻢ ، ﺑﻮﻟﯘﭖ ﺯﻩﺭﺑﯩﺪﺍﺭ ،
ﻛﯚﺯﻟﯩﺮﯨﻤﺪﯨﻦ ﺷﻪﭘﻘﻪﺗﺴﯩﺰﻟﯩﻚ ، ﻗﻮﻟﻠﯩﺮﯨﻤﺪﯨﻦ ﻗﺎﻥ ﺗﺎﻣﺎﺭ …
ﺋﯩﻜﻜﯩﻠﻪﻧﻤﻪﻱ ﺯﺍﻣﯩﻦ ﺑﻮﻟﺪﯗﻡ ، ﺋﯘﭼﺮﯨﻐﺎﻧﻨﯩﯔ ﺟﺎﻧﯩﻐﺎ .

ﺋﻪﺗﯩﮕﻪﻥ ﺋﻮﺭﻣﺎﻧﻐﺎ ﻛﯩﺮﺳﻪﻡ ، ﺗﯘﺭﯗﭘﺘﯘ ﻗﺎﺭﯨﻐﺎﻱ ﮔﯩﺪﯨﻴﯩﭗ ،
ﻣﻪﻧﺴﯩﺘﻤﻪﺳﺘﯩﻦ ﺋﯘ ﻣﯩﻨﻰ ﻣﻪﺳﺨﯩﺮﻩ ﻗﯩﻠﺪﻯ ﮬﯩﺠﯩﻴﯩﭗ
ﻛﻪﺗﻜﯩﻠﻰ ﺗﺎﺱ – ﺗﺎﺳﻼ ﻗﺎﻟﺪﯨﻢ ﻏﻪﺯﯨﯟﯨﻤﺪﯨﻦ ﻳﯧﺮﯨﻠﯩﭗ
ﺷﯘ ﺋﺎﭼﭽﯩﻘﻘﺎ ﭘﺎﻳﻠﯩﻤﺎﻱ ﺑﺎﺭﺩﯨﻢ ﺷﯘﺋﺎﻥ ﺋﯧﺘﯩﻠﯩﭗ ،
ﻏﻪﺯﻩﭖ ﺑﯩﻠﻪﻥ ﭘﺎﻟﺘﯩﺒﺎﻳﻨﻰ ﺷﯩﻠﺘﯩﺪﯨﻢ ﻣﻪﻥ ﻗﺎﺭﻧﯩﻐﺎ .

ﻣﻪﻥ ﺑﯧﺮﯨﭗ ﺗﻪﮔﺪﯨﻢ ﺋﺎﯕﺎ ، ﭘﺎﻟﺘﯩﺒﺎﻱ ﺗﻪﮔﻤﻪﻱ ﻗﯧﻠﯩﭗ ،
( ﻛﻪﺗﺘﻰ ﺷﯘ ﺋﺎﻥ ﻛﯚﺯﻟﯩﺮﯨﻤﮕﻪ ﻗﺎﺭﺍﯕﻐﯘﻟﯘﻕ ﺗﯩﻘﯩﻠﯩﭗ )
ﺳﯘﻧﯘﭘﺘﯩﻤﻪﻥ ﻣﻪﻥ ﺑﯧﻠﯩﻤﺪﯨﻦ ﺋﻪﻣﺪﻯ ﻗﺎﻟﺪﯨﻢ ﺗﺎﺷﻠﯩﻨﯩﭗ ،
ﺋﺎﺧﯩﺮ ﻛﯚﻳﯘﭖ ﺗﯘﮔﻪﺭﻣﻪﻧﻤﯘ ﻣﯘﺷﯘ ﻣﻪﺷﻜﻪ ﻗﺎﻟﯩﻨﯩﭗ ؟
ﺋﺎﻗﯩﯟﯨﺘﻰ ﻣﯘﺷﯘ ﺑﻮﻟﺪﻯ ، ﺳﺎﭖ ﺑﻮﻟﻐﺎﻧﻨﯩﯔ ﭘﺎﻟﺘﯩﻐﺎ .

ﭘﺎﻟﺘﯩﺒﺎﻱ ﺗﺎﺷﻠﯩﺪﻯ ﻣﯩﻨﻰ ، ﻧﺎﻟﻪ ﺯﺍﺭﯨﻤﻐﺎ ﻗﺎﺭﯨﻤﺎﻱ .
ﻳﯧﯖﻰ ﺳﺎﭘﻘﺎ ﺷﯩﻨﺎ ﺑﻮﻻﻱ ، ﺩﯨﺴﻪﻣﻤﯘ ﮬﯩﭻ ﺋﯘﻧﯩﻤﺎﻱ
ﺋﻮﺗﯘﻥ ﻗﯩﻠﺪﻯ ﭘﺎﺭﭼﯩﻼﭖ ، ﻳﯩﻠﯩﻨﺴﺎﻣﻤﯘ ﺋﺎﯕﻠﯩﻤﺎﻱ
ﻧﻪﭼﭽﻪ ﻳﯩﻠﻼﺭ ﺳﺎﭖ ﺑﻮﻟﯘﭖ ، ﺋﺎﺧﯩﺮ ﺷﯩﻨﺎﻏﺎ ﻳﺎﺭﯨﻤﺎﻱ ،
ﺋﻮﺗﯘﻥ ﺑﻮﻟﯘﭖ ﺗﺎﺷﻼﻧﺪﯨﻢ ، ﻣﯘﺷﯘ ﻣﻪﺷﻨﯩﯔ ﺋﺎﻟﺪﯨﻐﺎ .

ﭘﺎﻟﺘﺎﺳﺎﭖ ﺷﯘﻧﯩﯔ ﺑﯩﻠﻪﻥ ﺗﺎﻣﺎﻣﻠﯩﺪﻯ ﺳﯚﺯﯨﻨﻰ
ﮬﻪﺳﺮﻩﺕ ﻳﯧﺸﻰ ﻗﺎﭘﻠﯩﺪﻯ ﺋﯘﻧﯩﯔ ﺧﯘﻧﯘﻙ ﻛﯚﺯﯨﻨﻰ
ﺑﯩﺮ ﭼﺎﻏﻼﺭﺩﺍ ﺋﯘ ﻛﯚﺭﻩﯕﻠﻪﭖ ﺑﯩﻠﻪﻟﻤﯩﮕﻪﭺ ﺋﯚﺯﯨﻨﻰ
ﻣﺎﻧﺎ ﺑﯜﮔﯜﻥ ﻗﯩﻠﻤﯩﺸﯩﺪﯨﻦ ﻛﯚﺗﯜﺭﻩﻟﻤﻪﻱ ﻳﯜﺯﯨﻨﻰ
ﭘﯩﭽﯩﺮﻟﯩﺪﻯ ﮬﻪﺳﺮﻩﺕ ﺑﯩﻠﻪﻥ – ﻣﻪﻧﺪﯨﻦ ﺋﯩﺒﺮﻩﺕ ، ﺑﺎﺭﭼﯩﻐﺎ !!!

ﻏﻪﺯﯨﯟﯨﻢ ﻛﻪﻟﺪﻯ ﻣﯧﻨﯩﯔ ، ﭘﺎﻟﺘﺎﺳﺎﭘﻨﯩﯔ ﺋﯩﺸﯩﻐﺎ
ﻧﯩﻤﻪ ﻛﯜﻧﻠﻪﺭ ﺳﺎﻟﻤﯩﺪﻯ ﺋﯘ ﺩﻩﺭﻩﺧﻠﻪﺭ ﺑﯧﺸﯩﻐﺎ ؟
ﻗﺎﻧﭽﻪ ﻟﻪﻧﻪﺕ ﺋﻮﻗﯘﻱ ﺩﯨﺪﯨﻢ ﺋﯘﻧﯩﯔ ﺑﯘ ﻗﯩﻠﻤﯩﺸﯩﻐﺎ ،
ﺑﻮﻟﺪﻯ ﻗﯩﻠﺪﯨﻢ ﺗﻪﮔﻤﻪﻱ ﺩﻩﭖ ، ﺑﺎﺷﻘﺎ < ﺳﺎﭖ > ﻻﺭ ﭼﯩﺸﯩﻐﺎ ،
ﺋﺎﺧﯩﺮﻯ ﺧﯘﻻﺳﯩﻠﻪﭖ ﺑﯩﺮ ﺟﯜﻣﻠﻪ ﺳﯚﺯ ﻗﯩﻠﺪﯨﻢ ﺋﺎﯕﺎ ،
- ﻳﺎﻧﺘﺎﻳﺎﻕ ﺑﻮﻟﺴﺎﯓ ﻳﺎﻣﺎﻧﻐﺎ ، ﻳﺎﺧﺸﻰ ﻛﯜﻥ ﻳﻮﻗﺘﯘﺭ ﺳﺎﯕﺎ – . . .

مەنبە : ئىزدىنىش .