ئالتۇن زاپىسى ئەڭ كۆپ دۆلەت

           ئالتۇن - ئىنسانلار ئەڭ بۇرۇن بايقىغان ۋە پايدىلانغان مىتاللارنىڭ بىرى . ئۇ ئاز ئۇچرايدىغانلىقى ۋە يالتىراقلىقىنى ساقلاپ قالالايدىغانلىقى ئۈچۈن ئۇنىڭدىن ئاساسلىقى پۇل ۋە زىننەت بۇيۇملىرى ياسىلىدۇ ، شۇڭا ئۇ قەدىمدىن بۇيان ئىنسانىيەت بايلىقىنىڭ سىمۋولى بولۇپ كەلگەن . ھازىر پۈتكۈل دۇنيادىكى مەلۇم بولغان ئېچىش قىممىتىگە ئىگە ئالتۇن زاپىسى 31مىڭ توننىغىمۇ يەتمەيدۇ .

    جەنۇبى ئافرىقىدا ئالتۇن زاپىسى ئەڭ كۆپ بۇلۇپ ، دۇنيا ئالتۇن زاپسىنىڭ 60-65 پىرسەنتىنى ئىگلەيدۇ ، شۇڭا جەنۇبى ئافرىقا دۇنيا بويىچە ئالتۇن زاپىسى ئەڭ كۆپ دۆلەت بولۇپ قالغان .
    جەنۇبى ئافرىقىدا ئالتۇن قېزىش 1886-يىلدىن باشلاپ كەڭ كۆلەمدە ئەۋج ئالغان بولۇپ ، 1898-يىلىدىن باشلاپ ئالتۇن مەھسۇلاتى دۇنيادا ئالدىنقى قاتاردا تۇرۇپ كەلگەن .
   1970-يىلىغا كەلگەندە ، جەنۇبى ئافرىقىنىڭ يىللىق  ئالتۇن مەھسۇلاتى 1000توننىغا يىتىپ ، ئەڭ يۇقىرى رىكورىت يارىتىلغان . جەنۇبى ئافرىقىدا ھازىر چوڭ كۈلەملىك ئالتۇن كانلىرىدىن 40ى بار ، بۇلارنىڭ ئىچىدە كروكېرسدورپ كان رايۇنىدىكى ئورىنفۇسى ئالتۇن كانىنىڭ يىللىق مەھسۇلاتى 66توننىغا يىتىپ ، دۇنيا بۇيىنچە ئەڭ چوڭ ئالتۇن كانى دەپ ئاتالدى.