نىدائىي يانبىلوگى

بىر ماتېرىيالدىن كۆرۈشۈمچە، ھىندىستان كىنو ناخشىچىلىرى ئاز دېگەندە بەش-ئالتە خىل تىلدا ناخشا ئېيتالايدىكەن، ھاياتىدا نەچچە مىڭلاپ ناخشا ئېيتىدىكەن. مېنىڭچە نەچچە مىڭلاپ ناخشا ئېيتقانلار دىيارىمىزدا تېخى يوق. كىنو ئارتىسلىرى ھەر ئېيىغا بىر ياكى بىر نەچچە فىلىمدە، ھاياتىدا ئىككى-ئۈچ يۈزلىگەن فىلىمدە رول ئالىدۇ، شۇڭا ئۇلارنى كىنو ئۈچۈنلا، سەنئەت ئۈچۈنلا تۇغۇلغان دېسەكمۇ ئارتۇق كەتمەيدۇ. ھىندىستان فىلىملىرىگە نەزەر سالىدىغان بولساق، ھەرقانداق بىر فىلىمدە ھىندى خەلقىنىڭ مەدەنىيىتى، ئەنئەنە، ئۆرپ-ئادەتلىرى، قائىدە-يوسۇنلىرى، كىيىم-كېچەك، غىزالىنىش، تويلىشىش يوسۇنلىرى ھەرقاچان ئۆز ئىپادىسنى تاپىدۇ. كىنو ۋاسىتىسى ئارقىلىق ئۆز مەدەنىيەت، ئەنئەنىسىنى تەشۋىق قىلىش جەھەتتە ھېچقانداق بىر دۆلەت ۋە رايون ھىندىستانغا تەڭلىشەلىگەن ئەمەس. ھىندىستان بۇ جەھەتتە تولۇق ئۇتۇق قازانغان بىردىنبىر دۆلەت.