WordPress تە بىلوگ قۇرۇش ئۈچۈن :
1. WordPress سېستىمىسىنى بوشلۇققا (مەيلى ھەقلىق ياكى ھەقسىز بولسۇن ) يوللاش .
2. WordPress سېستىمىسىنى قاچىلاش (http://blog name/wp-admin/install.php)
3. WordPress تا قۇرغان بىلوگىمىز ئۈچۈن ئۇسلۇب (چاپان) قاچىلاش تولىمۇ زۈرۈر .
WordPress نى دەسلەپ قاچىلىغاندا ، سېستىمىغا قېتىپ قويۇلغان ئۈچ دانە ئۇسلۇب بىللە قاچىلىنىدۇ . مۇشۇ ئۈچ ئۇسلۇبنىڭ بىرىنى تاللاپ ئىشلەتسىڭىزمۇ ، باشقا ئۇيغۇرچە ئۇسلۇب بەتلىرىدىن ھەقلىق ۋە ھەقسىز تەمىنلەنگەن ئۇسلۇبلارنى ئۆز ئىتىياجىڭىز ۋە قۇربىتىڭىزگە قاراپ ، تاللاپ چۈشۈرۈپ ، قاچىلاپ ئىشلەتسىڭىزمۇ بولىدۇ . ئەگەر بىلوگ قۇرۇشتا باشقىچە ئالاھىدە تەلىپىڭىز بولمىسا ، ئەسلىدىكى سېستىما تەمىنلىگەن ئۈچ دانە ئۇسلۇبنى ئىشلىتىپ (خالىغان بىرى ) بىلوگ قۇرىۋىرىڭ .
WordPress سېستىمىسىنىڭ دۇنيا بويىچە كۆپلىگەن كىشىلەرنىڭ ياقتۇرۇپ ئىشلىتىشگە ئىرىشىشىدىكى ئاساسلىق سەۋەب ، ئۇنىڭ ھەقسىز بولۇشىدىن باشقا ، ئۇسلۇبلىرىنىڭ ۋە ئۇسلۇب مەنبەسىنىڭ موللۇقى ، قېستورمىلىرىنىڭ ئەمەلىي ئىشلىتىشچانلىق قىممىتىنىڭ يۇقىرلىقى ئاساسىي سەۋەب بولسا كېرەك .
شۇنداق بولغان ئىكەن ، ئەگەر بىلوگ كورۇنمە يۈزىمۇ ئۆزىڭىز ئارزۇ قىلغان شەكىلدە بولسۇن ، دېسىڭىز ؛ WordPress نىڭ مىڭلىغان ئۇسلۇبلىرى ئىچىدىن بىرنى تاللاپ ئىشلەتسىڭىزمۇ تامامەن بولىدۇ .
تۆۋەندە WordPress تە قۇرغان بىلوگلار ئۈچۈن ئۇسلۇب قاچىلاش تەپسىلى چۈشەندۈرلىدۇ .
ئۇسلۇب قاچىلاشنىڭ ئىككى تۈرلۈك ئۇسۇلى بار . بۇنىڭ بىرى بىلوگ ئارقا سۇپىسىدىن قاچىلاش ، يەنە بىرى FTP قورالى ئارقىلىق قاچىلاش .
بىز ئالدى بىلەن بىلوگ ئارقا سۇپىسىدا ئۇسلۇب قاچىلاش ئۇسۇلى بىلەن تونۇشۇپ چىقايلى :
بىلوگ ئارقا سۇپىسىغا كىرگەندىن كېيىن ، ئوڭ تەرەپ تىزىملىكلەر قاتارىدا ، «كۆرۈنۈش»دېگەن تىزىملىكنى ئۇچرىتىمىز . يەنى رەسىمدىكىدەك :

بۇ تىزىملكتىن «باشتېمىلار»دېگەن تىزىملىككە كىرىمىز . كىرسەك ، تۆۋەندىكى رەسىمدىكىدەك بىر كۆزنەك ئېچىلىدۇ .

WordPress نى دەسلەپ قاچىلىغىنىمىزدا ، باشتېمىلار قاتارىدا ئۈچ دانە ئۇسلۇب بولىدۇ . مەن ئىشلىتىدىغان ئۇسلۇبنى مۇقىملاشتۇرۇپ بولغىنىم ئۈچۈن ، ئىشلىتىدىغان ئۇسلۇبنىلا ئېلىپ قىلىپ ، سېستىما تەمىنلىگەن باشقا ئۇسلۇبلارنى ئۆچۈرۋەتتىم . شۇڭلاشقا ، باشتېما باشقۇرۇش كۆزنىكىدە پەقەت بىر تاللا ئۇسلۇب كۆرۈنىدۇ .
بىز ئۇسلۇب قاچىلىماقچى بولغىنىمىز ئۈچۈن ، باشتېما باشقۇرۇش كۆزنىكىنىڭ يان تەرىپىدىكى «باش تېما قاچىلاش»كۆزنىكىگە كېرىمىز . يەنى رەسىمدىكىدەك :

بىزنىڭ مەقسىتىمىز ، كومپىيۇتىرىمىزدا بار بولغان ئۇسلۇبنى WordPress قاچىلانغان بوشلۇقنىڭ ئۇسلۇبلار مۇندەرىجىسىگە يۈكلەشتۇر .
شۇنداق بولغان ئىكەن ، تۆۋەندىكى رەسىمدىكىدەك مەشغۇلاتنى داۋاملاشتۇرىمىز :

داۋاملاشتۇرىمىز :

داۋاملاشتۇرىمىز ، رەسىمدىكى ئېستىرىلكا كۆرسەتكەن يۆنىلىش بويىچە توختاۋسىز داۋاملاشتۇرىمىز :

داۋاملاشتۇرىمىز :

بۇ باسقۇچتىن كېيىن ، ئىشلەتكىلى بولىدىغان باش تېمىلار قاتارىدا يىڭىدىن بىز قاچىلىغان ئۇسلۇب كۆرۈنىدۇ . يەنى رەسىمدىكىدەك :

ئاندىن يىڭدىن قاچىلىغان ئۇسلۇب ئاستى قىسمىدىكى قوزغىتىش تىزىملىكىنى چىكىش ئارقىلىق ، ئۇسلۇبنى قوزغىتىپ ، ئۇسلۇبقا قارىتا تەڭشەش ئېلىپ بارساق بولىدۇ .
يۇقارقىسى بولسا ، بىلوگ ئارقا سۇپىسىدىن ئۇسلۇب قاچىلاش ئۇسۇلى ، ئەمدىكىسى بولسا .....ئەمدى بىر ئاز ئېلان چىكەيلى ، ئېلاندىن كېيىن ، ئاساسلىق مەقسەت ئوتتۇرغا قويۇلىدۇ ....
يەنە بىر ئۇسۇل بولسا FTP قورالى ئارقىلىق ئۇسلۇب قاچىلاشتۇر .
بىلوگ قۇرغانلارنىڭ FTP قورالىنى ئىشلىتىشنى بىلمەيدىغىنى يوق ، ئەگەر بىلمىسىڭىز ، «FlashFXP قورالى ئارقىلىق WordPressنى بوشلۇققا يۈكلەش» نامىلىق بۇ تېمىنى كۆرسىڭىز ، FTP قورالىنى ئىشلىتىشنى بېلىپ قالىسىز .
FTP قورالى ئارقىلىق ، ئۇسلۇبنى بوشلۇقتىكى ئۇسلۇب مۇندەرىجىسىگە قاچىلاشتا ؛ wp-content/themes/ مۇندەرىجىسى ئىچىگە ئەسلى ئۇسلۇبنى پىرىستىن يېشىپ ، ھۆججەت خالتىسى ئارقىلىق قاچىلاپ قويسىڭىز بولىدۇ . يەنى تۆۋەندىكى رەسىمدىكىدەك :

بۇ يەردە دىققەت قىلىشقا تىگىشلىك نوقتا : ئاۋۇ رەسىمدىكىدەك ، ئۇسلۇبنى ئۇسلۇب مۇندەرىجىسىگە ئۇسلۇبنىڭ ئۆزىنىڭ ھۆججەت خالتىسى بىلەن بىللە قاچىلايمىز ، ھەم قاچىلاش جەريانىدا ،ھۆججەت خالتىسى سىرتىدىكى ئاۋۇ بىر تال «index.php» ھۆججىتىنى ئۆچۈرۋىتىشتىن ساقلىنىڭ . ئاشۇ بىر تال ھۆججەت بولمىسا ، ئۇسلۇبىڭىزنى قوزغىتالمايسىز .
شۇنىڭ بىلەن بۇ يازما مۇشۇ يەردە تامام . چۈشەنمىگەن نوقتىلار بولسا ، ئىنكاس شەكلىدە قالدۇرساڭلا ، مەسلىنى بىرلىكتە ھەل قىلىشقا تىرىشىمەن .
ئەڭ ئاخىرىدا ئەسكەرتىدىغان بىر ئىش ، بەزى ئۇسلۇبلار بىلوگ ئارقا سۇپىسىدىن قاچىلاشنى قوللىماسلىقى مۇمكىن ، ئەمما كېرەك يوق ، بۇنداق جاھىل ئۇسلۇبلارنى FTP قورالى ئارقىلىق قاچىلاش ئۇسۇلىدا قاچىلاپ ئىشلەتسەك ، يەنە ئوخشاش ئۈنۈمگە ئىرىشىمىز .

بۇ ئىككىلىك كود كۆچمە ئالاقىلىشىش ئۈسكۈنىلىرى ئۈچۈن مەخسۇس تەييارلانغان !
ئىككىلىك كودنى نۇسخىلاش ئارقىلىق ، مەزكۇر يازمىنى تىلىفۇنىڭىزدىلا ئوقۇپ ، باھا يېزىڭ .