WordPress يىڭى نەشىرلىرىنى ئىشلىتىڭ

ئەسسالامۇ ئەلەيكۇم ، مۇئەللىم بىلوگىغا كىرگەن ئەزىز ئوقۇرمەن ، كەلگەن قەدىمىڭىز قۇتلۇق بولسۇن !

2013-يىلدا بىز WordPress نىڭ 3.5 ، 3.6 ۋە 3.7 نەشىرلىرىنى ئىشلىتىش شەرىپىگە مۇيەسسەر بولدۇق ، 12-ئاينىڭ 12-كۈنى ئېلان قىلىنماقچى بولغان 3.8 نەشىرىنىمۇ ئۆمىرىمىز يار بەرسە ئىشلىتەلىشىمىز مۇمكىن .
WordPress نىڭ يىڭى نەشىرلىرىنىڭ ئارقا-ئارقىدىن چىقىشى WordPress تە قۇرۇلغان بىلوگلارنىڭ بىخەتەرلىك دەرىجىسىنى يۇقىرى كۆتۈرۈپلا قالماي ، ئىقتىدارى ، قولايلىشىشى ۋە ئېچىلىش جەھەتتىكى تىزلىكىنى ئىشقا ئاشۇردى .
WordPress نىڭ 3.5.1 گىچە مۇرشىدى ئۇستاز ۋە ئالىم ئەھەد مۇئەللىم قاتارلىق يولباشچىلار ئۇيغۇرچىلاشتۇرۇش خىزمەتلىرىنى ئىشلىگەن . WordPress نىڭ 3.5.1 نەشىرىدىن كېيىن WordPress نى ئۇيغۇرچىلاشتۇرۇش ئىشلىرى تاشلىنىپ قالدى ، ئارىلىقتا تەدبىركار ئۇستازنىڭ قول تىقىشى بىلەن ، WordPress ئارقا بېتىنى ئۇيغۇرچىلاشتۇرۇش قىستۇرمىسى تارقىتىلىش بىلەن ، 3.7نەشىرىگىچە ئارقا بەتنى نۇرمال ئۇيغۇرچىلاشتۇرۇپ ئىشلىتىشكە بولسىمۇ ، ئەمما يىڭىدىن قېتىلغان بىر قاتار ئاتالغۇلارنىڭ ئۇيغۇرچە ئىىزاھاتى ئىشلەنمىگەن بولغاچ ، WordPress ئارقا بىتىدە ئۇيغۇرچە ۋە ئېنگىلىسچە ئارىلىشىپ كەتكەن ئەھۋاللارمۇ مەۋجۇت ، ئەمما بۇ قىسمەن مەسىلە .
WordPress نىڭ يىڭى نەشىرىنىڭ ئارقا-ئارقىدىن چىقىشى ئىشلەتكۈچىلەرنىڭ يىڭى نەشىرىنى ئىشلىتىپ بىقىش ئېستىكىنى كۈچەيتىۋەتتى ، بۇنى بەزەن بىلوگ ۋە مۇنبەرلەردىكى «WordPress نىڭ يىڭى نەشىرىنى ئۇيغۇرچە ئىشلەتكىلى بولامدۇ ؟ ئىشلەتكەنلەر بارمىدۇ ؟» دېگەن سادالاردىن بىلىۋىلىش مۇمكىن ......ئەمەلىيەتتە WordPress نىڭ نۆۋەتتە چىقىۋاتقان بارلىق يىڭى نەشىرلىرىنى تەدبىركار ئەپەندىمنىڭ «WP-beFont»قىستۇرمىسى ئارقىلىق تامامەن ئۇيغۇرچىلاشتۇرۇپ ئىشلەتكىلى بولىدۇ . ئۇسۇل ۋە باسقۇچلار تۆۋەندىكىچە :

نەشىرىنى يۇقىرلىتىپ ئىشلەتكۈچىلەر

WordPress نىڭ 3.4.1 نەشىرىدىن باشلاپ تەدىرىجى نەشىرىنى يۇقىرى كۆتۈرۈپ ئىشلىتىۋاتقانلار پەقەت «WP-beFont»قىستۇرمىسىنى قاچىلاپ قوزغۇتۇپ قويسىلا ، WordPress نۆۋەتتىكى 3.7.1 نەشىرىنىمۇ بىمالال ئۇيغۇرچە ئىشلىتەلەيدۇ . سەۋەبى «WP-beFont»قىستۇرمىسى تارتىپ ئىشلىتىدىغان تىل بولىقى ۋە يېزىق ۋە ئىئوت ھۆججەتلىرى WordPress نىڭ 3.5نەشىرىدىن بۇرۇنقىلىرىدا بار ، شۇڭا نەشىرىنى يۇقىرلىتىش ئۇسۇلى ئارقىلىق نەشىرىنى يىڭىلاپ ، «WP-beFont»قىستۇرمىسىنى قاچىلاپ قوزغىتىپ قويسىلا كۇپايە . WordPress نىڭ نەشىرىنى ئۆستۈرۈش توغۇرلۇق كۆپ توختالمىدىم ، سەۋەبى بۇ توغۇرلۇق يازما خىلى كۆپ بىلوگلاردا بار ، نەشىرىنى يىڭىلاشقا كۆزى قورۇققان ياكى يىڭىياچىلار بولسا ، ئۆزۈم بىر قوللۇق قىلىپ بېرىمەن .....

يىڭى نەشىرىنى بىۋاستە قاچىلاپ ئىشلەتكۈچىلەر

WordPress نىڭ 3.7 نەشىرلىرى ئۇيغۇرچىغا تەرجىمە قىلىنمىدى ، بۇنى قاچىلاپ ، ھەمدە «WP-beFont»قىستۇرمىسىنى قاچىلاپ قوزغۇتۇپ قويسىلا 3.7 نەشىرىنىڭ ئارقا سۇپىسى ئۇيغۇرچە كۆرۈنمىدى ، قانداق قىلىمەن ؟
سەۋەبى «WP-beFont»قىستۇرمىسى ئىشلىتىدىغان ئۇيغۇرچە تىل بولىقى ۋە يېزىق ھۆججەتلىرى WordPress نىڭ 3.7 نەشىرىنىڭ تىل بولاق ھۆججەت قىسقۇچى ئىچىدە بولمىغاچ ، قىستۇرما ئارقا بەتنى ئۇيغۇرچىلاشتۇرۇشتىكى تىل بولىقى ۋە يېزىق ھۆججەتلىرىنى تاپالمىدى ، شۇڭا ، ئارقا بەت ئۇيغۇرچىلاشمىدى . ئامالى :

1. تىل بولىقى ۋە يېزىق ھۆججەتلىرىنى يۇقىرقى ئادرستىن چۈشۈرۈپ ، بولاقتىن يېشىپ ، بوشلۇقىڭىزنىڭ wp-content مۇندەرىجىسى ئىچىگە تاشلاپ قويۇڭ .
2 . «WP-beFont»قىستۇرمىسىنى چۈشۈرۈپ قاچىلاڭ ھەمدە قوزغۇتۇپ قويسىڭىزلا كۈپايە .....

شۇنىڭ بىلەن سىز WordPress نۆۋەتتىكى ھەرقانداق نەشىرىنى بىمالال ئۇيغۇرچىلاشتۇرۇپ ئىشلىتەلەيسىز .....
ئەگەر قىلالمىسىڭىز ياكى قېيىنچىلىققا ئۇچىرىسىڭىز ، مىنىڭ ئالاقىلىشىش ئۇچۇرلىرىم بىلوگنىڭ ھەر قايسى ئورۇنلىرىدا بار ، مەسىلەن : يان سىتۇندا ۋە بەت ئاستىدىكى «بىكەت ھەققىدە» قاتارلىق جايلاردا بار . ئالدىراش بولمىساملا ، سىز ئۈچۈن ھەر ۋاقىت ياردەمدە بولىمەن .....
ئىنكاس-پىنكاسلار ئەجەپ ئازلاپ كەتتى ، دېسە ، خەت ئوقۇيالايدىغان ئەمما يازالمايدىغان ساۋاتسىزلار كۆپىيىپ كېتىپ بارامدۇ ،نېمە ؟!