ۋاڭيى پەن تېخنىكىسى خەۋىرى لەگلەك تورى تەرجىمىسى

ياپونىيە ئاخبارات ۋاستىلىرىنىڭ 1-ئاينىڭ 15-كۈنىدىكى خەۋىرىگە قارىغاندا ياپونىيەدىكى بىر بانكا تىجارەت زالىدا خېرىدارنى كۈتۈۋالىدىغان ماشىنا ئادەم كىرگۈزىدىكەن. بۇ بانكا 2015-يىلى باھار پەسلىنىڭ ئالدى كەينىدە توكيو ئىچىدىكى تىجاراەت زاللىرىدا سىناق قىلىپ بېقىشنى پىلان قىلغان. ھەم مۇشۇ ئارقىلىق بۇ خىل ماشىنا ئادەمنى ھەقىقى تۈردە كىرگۈزۈش ياكى كىرگۈزمەسلىكنى ئويلىشىدىكەن. بۇ بانكا بۇ خىل ئىلغار تېخنىكىنىڭ تىجارەت زالى قاتارلىق ئورۇنلارنىڭ مۇلازىمەت سۈپىتىنى ئۆستۈرىشىنى ئۈمىد قىلىدىكەن. ئېگىلىنىشچە كىرگۈزۈش پىلانلانغىنى بولسا فىرانسىيە Aldebaran شىركىتى تەتقىق قىلىپ ياساپ چىققان « NAO» ناملىق ماشىنا ئادەم ئىكەن.

بۇ خىل ماشىنا ئادەمنىڭ ئېگىزلىكى 58 سانتىمىتىر، ئېغىرلىقى 5.4 كىلوگرام كېلىدىكەن. چىراي قىسمى ۋە سۈرەتلەرنى پەرقلەندۈرۈش ئىقتىدارىدىن باشقا يەنە 19 خىل دۆلەت تىلى ئارقىلىق پاراڭلىشالايدىكەن.

بانكا بۇ خىل ماشىنا ئادەمگە مۇناسىۋەتلىك ئىقتىدار قۇشۇشنى پىلانلاۋېتىپتۇ. مەسىلەن خېرىدار بىلەن پىكىرلىشىش ئارقىلىق كەسىپنى تۇنۇشتۇرۇش جەريانىنىڭ راۋان بولۇشى ۋە ئانالىز قىلىش تېخنىكىسى ئارقىلىق ئالدامچىلىقنبڭ ئالدىنى ئېلىش قاتارلىق ئىقتىدارلار.

2020-يىلى توكيو ئولىمپىك مۇسابىقىسى ئۆتكۈزىدۇ. بۇ خىل ئۇسۇل بەلكىم ياپونىيەگە ساياھەتكە كېلىدىغانلارنىڭ سانىنى كۆپەيتىش ئۈچۈن بولۇشى مۇمكىن. بۇنىڭدىن كېيىن بارلىق 19 خىل تىل ئارقىلىق پىكىرلىشىش ئىقتىدارىنى قوزغىتىش ياكى قوزغاتماسلىق توغرىسدا مۇنازىرە ئېلىپ بېرىۋاتقان . بۇ بانكا «NAO» نى ئىشلىتىش داۋامىدا تېخىمۇ كۆپ تىل قۇشڭشنى ئويلىشىدىكەن.