11-ئاينىڭ 28-كۈنى، ئۈرۈمچى شەھىرىدىكى تۇمانلىق ھاۋارايى تەسىرىدىن ئاقسۇدىن ئۈرۈمچىگە ماڭىدىغان نۇرغۇن نۆۋەتچى ئايروپىلانلار كېچىكتۈرۈلگەن ۋە ئەمەلدىن قالدۇرۇلغان، شۇ سەۋەبلىك قىسمەن ئوقۇغۇچىلار 11-ئاينىڭ 29-كۈنى سائەت 9 دە باشلىنىدىغان دۆلەت مەمۇرلۇق ئىمتىھانىنى قولدىن بېرىپ قويغان.«مەن 11-ئاينىڭ 28-كۈنى سائەت توققۇزنىڭ ئايروپىلان بېلىتىنى سېتىۋالغان، تور بەتنىڭ ھاۋارايىنىڭ تەسىرىدىن مەزكۇر نۆۋەتچى ئايروپىلاننىڭ ئەمەلدىن قالغانلىقىغا ئائىت ئۇچۇرىنى تاپشۇرۇۋالغاندىن كېيىن سائەت 18 نىڭ بېلىتىگە ئۆزگەرتتىم. ئايرودرومدىكى ۋاقىتتا رادىئودا ئايروپىلاننىڭ سائەت 21 گە كېچىكىدىغانلىقىنى ئۇقتۇردى، سائەت 21 گە ئاز قالغاندا ئايروپىلاننىڭ يەنە كېچىكىدىغانلىقىنى ئۇقتۇردى». ئاقسۇلۇق ئىمتىھان بەرگۈچى جىيۈەنلىنىڭ دېيشىچە، 11-ئاينىڭ 28-كۈنى پۈتۈن بىر كۈن ئايرودرومدا ئايروپىلاننىڭ ئۇچۇشىنى ساقلىغان. ئۇ پاراڭلىشىش جەريانىدا يېنىدا ئولتۇرغان ئىككىيلەننىڭمۇ ئۈرۈمچىگە ئىمتىھان بەرگىلى ماڭغانلار ئىكەنلىكىنى ئۇققان.

جىيۈەنلى ياشىن تورى مۇخبىرىغا ۋاقىت كېيىن قالغاچقا پويىز بېلىتىدىن پەقەت ئۆرە تۇرۇپ ماڭىدىغان بېلەتنىڭلا قالغانلىقى، ئاپتوبۇس بېلىتىمۇ سېتىلىپ كەتكەچكە ئامالسىز ئايروپىلان ئالغانلىقىنى ئېيتتى.ئۇ ئىمتىھاننى دەپ بۇ يىل 3-ئايدا چىڭداۋدىكى خىزمىتىدىن ئىستېپا بېرىپ ئۆيىگە قايتىپ ئىمتىھانغا تەييەرلىق قىلغانىدى. ئەمما ھاۋارايىنىڭ تەسىرىدىن ئامالسىز ئىمتىھاندىن ۋاز كېچىدىغانلىقىنى قىلچىلىك ئويلاپمۇ باقمىغانىدى.

ۋاڭ خانىممۇ بىر ئاي بۇرۇن 11-ئاينىڭ 28-كۈنىنىڭ ئايروپىلان بېلىتىنى سېتىۋالغان بولۇپ، ئايرودرومغا بارغاندىن كېيىن داۋاملىق ساقلىغان. كەينىدىن دوستلىرى بىلەن ماشىنىغا ئولتۇرۇپ مېڭىشنى ئويلاشقان بولسىمۇ ئەتىدىكى ئىمتىھانغا تەسىرى بولىدىغانلىقىنى ئويلاپ ئامالسىز ۋاز كەچكەن.