ئىيۇلنىڭ ئاخىرى ئۈرۈمچى شەھىرىدىكى تۇنجى ئەخلەت گازىدىن توك چىقىرىش تۈرى ــــ ئۈرۈمچى شەھەرلىك داپۇگۇ قاتتىق تاشلاندۇقلارنى ئۇنىۋېرسال بىر تەرەپ قىلىش مەيدانى (پاتقان گازى) توك چىقىرىش قۇرۇلۇشى ئىشقا كىرىشتۈرۈلىدۇ.

ئەخلەتلەرنى تىندۇرۇش ئارقىلىق چىققان گازدىن توك چىقىرىش تۈرىنىڭ يىللىق توك چىقىرىش مىقدارى تەخمىنەن 7 مىليون 100 مىڭ كىلوۋات سائەت بولۇپ، 6000 ئاھالىنىڭ بىر يىل ئىشلىتىشىگە يېتىدۇ.
نۆۋەتتە ئۈرۈمچى شەھىرىدە ئەخلەت بىر تەرەپ قىلىشنىڭ كۆيدۈرۈش، ئېچىتىش ۋە تىندۇرۇشتىن ئىبارەت 3 خىل ئۇسۇلى بار. ئۈرۈمچى داپۇگۇ قاتتىق تاشلاندۇقلارنى ئۇنىۋېرسال بىر تەرەپ قىلىش مەيدانى ئۈرۈمچى شەھىرىدىكى ئەڭ چوڭ ئەخلەت بىر تەرەپ قىلىش مەيدانى بولۇپ، يەر كۆلىمى بىر مىليون كىۋادرات مېتىر كېلىدۇ، ئۇنىڭدا ئۈرۈمچى شەھىرىدىكى تۇرمۇشتىن چىققان 80% ئەخلەت ۋە داۋالاشتىن چىققان 100% ئەخلەت بىر تەرەپ قىلىنىدۇ.