ئۈندىدارنىڭ ۋىندوۋس 2.0 نۇسخىسى يېڭىلاشقا ئېچىۋېتىلگەن بولۇپ، ئالدىنقى قېتىمقى نەشىردىكىسىگە سېلىشتۇرغاندا بۇ قېتىملىق نەشرىدىكى ئەڭ چوڭ ئۆزگىرىش بولسا يېڭىدىن قوشۇلغان ساقلاش ئىقتىدارى ئىكەن. بۇندىن بۇرۇن ۋىندوۋس نەشرىدە دوستلار چەمبىرىكى ئىقتىدارى  قوشۇلىدىكەن دېگەن خەۋەر تارقالغان، ئەمما بۇ قېتىملىق نەشىرىدە دوستلار چەمبىرىكى ئىقتىدارى قوشۇلمىغان.

ئۈندىدار ئورگان تور بېتىنىڭ تونۇشتۇرىچە: ئۈندىدار ۋىندوۋس 2.0 نەشرىدە يېڭىدىن قېتىلغان ئىقتىدار بولسا، ئۈندىداردا ساقلاپ قويغان مەزمۇنلارنى ھەر ۋاقىت كۆرگىلى بولىدىكەن ھەمدە خاتىرە يازغىلى بولىدىكەن. كۆرۈنمە يۈزى پۈتۈنلەي يېڭىچە لايىھەلەنگەن بولۇپ، ئۇچۇر يوللىغان ۋاقىتتا ئابونتقا ھەر خىل چىراي ئىپادىلىرىنى تەۋسىيە قىلىپ چىقىرىپ بېرىدىكەن. يەنە يېڭىدىن كارخانىلار نومۇر ئىقتىدارى قوشۇلغان.

بەت يۈزى لاھىيەسىدا: مۇشتەرى بولۇش كۆزنىكىنى ئېچىش ئۇسۇلى ئۈستىدە ئۆزگەرتىش ئېلىپ بېرىلغان. مۇشتەرى بولۇش كۆزنىكىنى چەككەندىن كېيىن، ئالاقىدار  مۇشتىرى بولغان (قوشۇۋالغان سالون) نومۇرلار بەت يۈزىنىڭ ئوڭ تەرىپىدە پەيدا بولۇپ، ئابونتلارنىڭ كۆزنەكلەرنى تەكرار چېكىپ  ئېچىشىنى ئازايتىدىكەن. بۇ ئىقتىدار مۇشتەرى بولۇش كۆزنىكىنىڭ ئېچىش شەكلىگە ياردىمى چوڭ بولىدىكەن.

ئۇنىڭدىن باشقا بۇندىن بۇرۇن خەۋەردە ئېيتىلغاندەك ئۈندىدار ۋىندوۋس 2.0 نەشرىدە دوستلار چەمبىرىكى ئىقتىدارى قوشۇلغۇدەك دېگەن خەۋەر تارقالغان. ئەمما ئۇ ئىقتىدار بۇ نۆۋەتتىكى نەزىردە ئەپسۇسكى قېتىلمىغان.