بۈگۈنكى كۈندىكى پاي بازىرى قارىماققا 2007-يىلىدىكى بىلەن ئوپمۇ-ئوخشاش، «بارون ھەپتىلىك ژۇرنىلى» مۇشۇنداق يازدى.

2007-يىلى، ئۆي-مۈلۈك كۆپۈكى پات ئارىدا يېرىلدى، قىسقا مەزگىللىك ئۆسۈم نىسبىتى %5 كە يېقىنلاشتى. لېيمان ئاكا-ئىنى ۋە ۋاشىنگىتون ھەمكارلىق بانكىسىنىڭ كەسپى يەنىلا گۈللەنگەن ئىدى. ۋاقىت تېزلا 2015-يىلى يېتىپ كەلدى، نۆلگە يېقىنلاشقان ئۆسۈم نىسبىتى «دەلدەڭشىپ مېڭىۋاتقان» ئەمما ئاستا-ئاستا ئەسلىگە قايتىۋاتقان ئىقتىسادقا قايتا ھەممىلا يەردە مەۋجۇت بولغان جۇغراپىيەلىك ئىقتىسادى كىرزىس قوشتى، 2015-يىلىنى 2007-يىلى بىلەن سېلىشتۇرساق ئاسمان-زىمىن پەرق قىلىدۇ.

ئۇنداقتا نېمە ئۈچۈن 2015-يىلىدىكى بىر قانچە تېخنىكىلىق كۆرسەتكۈچ 2007-يىلىدىكى بىلەن شۇنداق ئوخشاش؟

       كۆڭۈلدىكىدەك بولغىنى، تېخنىكىلىق كۆرسەتكۈچنىڭ ئىشلارنىڭ نېمە ئۈچۈن مۇشۇنداق بولىدىغانلىقىنى چۈشەندۈردىغانغا سەۋەب تەمىنلىشى زۆرۈر ئەمەس. تېخنىكىلىق كۆرسەتكۈچ بىزگە پاي بازىرىنىڭ ھازىرقى ئەھۋالىنى ئېيتىپ بېرىدۇ، مەبلەغ سالغۇچىلارغا ۋاقتىنچە توختاشنى ئېيتىدۇ.

بىز بىر پارچە ئاددى بولغان ئۆلچەملىك پور 500 كۆرسەتكۈچىنىڭ ئۇزۇن مەزگىللىك سۈرىتىدىن باشلايلى. 2009-يىلى ئىتتىك بازارنىڭ ئۇچ نۇقتىسىدا پەيدا بولغان مۇقىم يۈزلىنىش سىزىقى بۈگۈنكى كۈندە ئاللىقاچان ئۈزۈلدى (سۈرەت1گە قاراڭ). بىز يۈزلىنىش سىزىقىنىڭ ئورنى ۋە سىزىقلىق ۋە لوگارىفىما شىكالىسىنىڭ ئىشلىتىلىشىنى مۇلاھىزە قىلساق بولىدۇ، ئەمما 1-سۈرەتتە پەيدا بولغىنى لوگارىفىما شىكالا سۈرىتىنىڭ قارىماققا دەرۋەقە ئىتتىك بازارنىڭ ئەڭ ياخشى ھالەتتە ئىكەنلىكىنى تەسۋىرلەپ بېرىدۇ. ئۇ 2011-يىلى ۋە 2014-يىلىدىكى تەڭشىلىشنى بېشىدىن ئۆتكۈزدى، شۇ سەۋەبتىن بىر تال توغرا شەكىللەنگەن يۈزلىنىش سىزىقى.

ئاشۇ ئىشەنمەيدىغان كىشلەرگە نىسبەتەن ئېيىتقاندا، بىز سىزىقلىق شىكالا سۈرىتىنىڭ ئۈستىدىن 2011-يىلىدىكى پاي بازىرىنىڭ تۆۋەن نۇقتىسىدىن باشلاپ بىر تال يۈزلىنىش سىزىقى سىزدۇق (بۇ يەر كۆرۈنمىگەن)، بۇ سىزىقلىق شىكالىدىكى يۈزلىنىش سىزىقىمۇ ئوخشاشلا ئۈزۈلگەن.

سىزنىڭ دىققەت قىلىشىڭىزغا تېگىشلىك بولغىنى، MACD  تەكشى پەرقلىق كۆچمە ئوتتۇرچە سىزىقنىڭ پاي يۈزلىنىش كۆرسەتكۈچى 2007-يىلىدىكى پاي بازىرى يۇقىرى دولقۇنىدىن كېيىن كېسىشىش پەيدا بولغان (1999-يىلىمۇ مۇشۇنداق بولغان). بۇ يىللىق تەكشى پەرقلىق كۆچمە ئوتتۇرچە سىزىقنىڭ كېسىشىشىمۇ 6-ئايدا كۆرۈلگەن، يەنى ئۆلچەملىك پور 500 كۆرسەتكۈچى يۇقىرى سەۋىيەگە ئۆسۈپ بىر قانچە ھەپتىدىن كېيىن كۆرۈلگەن.

بۇ پاي بازىرىنىڭ قىسقا مەزگىللىك يۈزلىنىش سىزىقىنىڭ تۆۋەنلەشكە باشلىغانلىقى، يەنى ئۇزۇن مۇددەتلىك يۈزلىنىش سىزىقىنىڭ يەنىلا ئۆسىۋاتقانلىقىدىن دېرەك بېرىدۇ. بۇ كېسىشىش بولسا پاي بازىرىدا چېكىنىش كۆرۈلگەنلىكنىڭ ئالامىتى، ئۇزۇن مەزگىللىك ئۆسۈشتىن كېيىن، بۇ كېسىشىش مەبلەغ سالغۇچىلارنىڭ چوقۇم ئېھتىيات قىلىش پوزىتسىيەسى قوللىنىشى كېرەكلىكىنى ئەسكەرتىدۇ.

يەنە بىر تېخنىكىلىق كۆرسەتكۈچ بولسا ئېنىرگىيە دولقۇنى ياكى جۇغلانما سودا مىقدارى كۆرسەتكۈچى دېيىلىدۇ. پاي بازىرىدا يۇقىرى دولقۇندىن كېيىن، بۇ كۆرسەتكۈچتىمۇ تۆۋەنلەش يۈزلىنىشى كۆرۈلۈشكە باشلىغان. SPDR ئۆلچەملىك پور 500 كۆرسەتكۈچى ھاۋالە سودا بىرژىسى فوندىغا ئالماشساق، سىز ناھايىتى ئېنىقلا بۇ تېخنىكىلىق كۆرسەتكۈچنىڭ بۇ يىل ئىزچىل تۆۋەنلەۋاتقانلىقىنى كۆرەلەيسىز، يەنى ئەڭ يېقىندا باھادا قاڭقىش پەيدا بولغان.

ئېنىرگىيە دولقۇنى كۆرسەتكۈچى داۋاملىق خاتىرلەيدىغىنى بولسا پاي بازىرى ئۆسۈش كۈنىدىكى ئالماشقان سودا مىقدارىدىن تۆۋەنلەش كۈنىدىكى ئالماشقان سودا مىقدارىنى ئېلىۋېتىش. ئېنىرگىيە دولقۇنى كۆرسەتكۈچىنىڭ نەزەرىيەسى بولسا، ناۋادا پاي بازىرىدا ئىتتىك بازار يىتەكچى ئورۇندا بولسا ئۇنداقتا پاي بازىرىدا ئۆسۈش پەيدا بولغاندا، بۇ كۆرسەتكۈچ تېخىمۇ جانلىقلىشىدۇ، كۈچلۈك ئېھتىياج ۋە كاپىتالنىڭ پاي بازىرىغا ئېقىپ كىرىۋاتقانلىقىدىن دېرەك بېرىدۇ. كۆپ قىسىم ۋاقىتتا، باھا ۋە ئېنىرگىيە مىقدارى دولقۇنى كۆرسەتكۈچى بىردەكلىكنى ساقلايدۇ، ئەمما ئىككىسى ئارىسىدا بۆلۈنۈش پەيدا بولغاندا، بىز مۇنداق بىر خىل ئالامەتكە ئېرىشىمىز، يەنى باھا يۈزلىنىشى ئۇ كۆرۈنگەندەك ئۇنداق بولمايدۇ. باشقىچە ئېيىتقاندا، سودا بىرژىسىدىكى سودا فوندى ۋەكىللىك قىلىدىغان بازار ئېھتىياجىنىڭ ئاللىقاچان ئىنتايىن ئاجىزلاشقانلىقىدىن دېرەك بېرىدۇ.

بۈگۈنكى كۈندىكى بازار كەڭلىكىدىمۇ 2007-يىلىدىكى بىلەن ئوخشاش ئورۇن پەيدا بولدى. ئۆتكەن بىر قانچە ھەپتە ئىچىدە، بىز ماقالىمىزدە كىچىك بازار قىممىتىدىكى پايدا قايتا قاڭقىش كۆرۈلمەيدىغانلىقىنى تىلغا ئالغان. بازار قىممىتى ۋەزنىدىن ئۆزگەرتىپ يېزىلغان سۈرەتتىكى ئۆلچەملىك پور500 كۆرسەتكۈچىدە، بۇ نۇقتىغا دائىم سەل قارالغان. بۇ بىر قىسىم چوڭ بازار قىممىتىدىكى پاي «بازىرى» نىڭ قارىماققا يەنىلا يامانە ئەمەسلىكىنىڭ سەۋەبىنى چۈشەندۈرىدۇ.

مەسلەن Alphabet (گۇگېلنىڭ ئانا شىركىتى) نىڭ پاي باھاسى بۇ يىل ھازىرغا قەدەر %40 ئۆستى، Home Depot نىڭ %27 دىن يۇقىرى ئۆستى، ئامازوننىڭ پاي باھاسى بىر ھەسسىدىن ئارتۇق ئۆستى. 11 ئايلىق سودىدىن كېيىن، ئۆلچەملىك پور 500 كۆرسەتكۈچى كاساتچىلىققا كىردى، سىز بۇ چوڭ بازار قىممىتىدىكى پاي  بىلەن ئۆلچەملىك پورنىڭ ئومۇمى گەۋدىسىنىڭ ئەھۋالىنى سېلىشتۇرۇپ باقسىڭىز بولىدۇ.

ئەنئەنىۋى بازا كەڭلىكى سانلىق مەلۇماتىدا، بۇ نۇقتا ئېنىق گەۋدىلەنگەن. MKM Partners شىركىتىنىڭ باش بازار ئانالىزچىسى جوناتان كرىنسكى يېقىندىكى بىر پارچە باھالاشتا مۇنداق يازغان: بىز ئۆلچەملىك پور 500 كۆرسەتكۈچىنىڭ 52 ھەپتىدىكى يۇقىرى نۇقتىسى %2 لىك دائىرىدە تۇرغان ۋاقىتتا يەنىلا %5 كە يېقىن پاينىڭ 200 كۈنلۈك كۆچمە ئوتتۇرچە سىزىقنىڭ يۇقىرىدا تۇرغانلىقىنى ناھايىتى ئاز كۆرىمىز، بۇ خىل ئەھۋال يۈز بەرگەن ۋاقىت پەقەت بىرقانچە قېتىم، 1998-2000-يىلى، 2007-يىلى 10-ئاي، بۇ يىل 7-\\8-ئاي.

بۈگۈنكى كۈندە، «بازار» يۇقىرى نۇقتىغا يېقىنلاشقاندا، ئۆلچەملىك پور 500 كۆرسەتكۈچىدىكى يېرىم پاينىڭ سودىسى ئۇلارنىڭ كۆچمە ئوتتۇرچە سىزىقىنىڭ تۆۋەن نۇقتىسىدىن ئورۇن ئالدى. بۇ مىقدارلاشقان ھالدا بازارنىڭ كەڭلىكىنىڭ ئاللىقاچان ئىنتايىن تارايغانلىقىنى ئېنىق ئىپادىلەپ بەردى. تارىخ بولسا ئەينەك، بۇنداق ئەھۋالنىڭ پەيدا بولىشى پاي بازىرىنىڭ ئىنتايىن خەتەرلىك ئەھۋالدا ئىكەنلىكىنى چۈشەندۈرۈپ بېرىدۇ.

ئەلۋەتتە، بۇنداق ئەھۋال بەلكىم بىر قانچە ھەپتە داۋاملىشىشى مۇمكىن، شۇ سەۋەبتىن بىز پاي بازىرى ئەتە ياكى بىر قانچە ھەپتە ئىچىدە ۋەيران بولىدۇ دەپ ئېيتالمايمىز. ئەمما گېنىراللار ئۇرۇشقا ئاتلانغان، لېكىن قوشۇن يىتىشەلمىگەن ۋاقىتتا بۇ ياخشىلىقتىن دېرەك بەرمەسلىكى مۇمكىن.