كۈنلەر ئالدىراشلىق ئىچىدە بىر-بىرىنى قوغلىشىپ ئۆتتى. يىلدا ئاران بىرنەچچە رەت كۆرۈشۈشمۇ، تىلفۇندا سۆزلىشىشلەرمۇ سېغىنىشنىڭ ئوتلىرىنى باسالمايتى.
كۆرەي دېسەممۇ كۆرىشەلمەيمەن. بەزىدە جىمجىت ئولتۇرۇپ ئىلگىرىكى ئىشلارنى ۋە ھازىرقىنى ئويلاپ سېلىشتۇرغىنىمدا قەلبىمنى بىر خىل مەۋھۇملۇق ئۆز ئىسكەنجىسگە ئالىدۇ. بۇنداق چاغلاردا ئىچىم ئاچچىق بۇلۇپ قەلبىم ئېيىتقۇسىز ئىزتىراپلىق ئىچىگە چۈكىدۇ.
ھەممىمز ئۆز ئىشىلىرىمىز بىلەن ئالدىراش، ئۆز نىشانلىرىمىز ئۈچۈن كۆرەش قىلىماقتىمىز.
مانا كۆزنى يۇمۇپ ئاچقوچە يەنە بىر باھار پەسلى يىتىپ كەلمەكتە ئىدى. ئەتىراپىمدىكىلەر ھەيرانلىق ۋە قىزىقىش ئىلكىدە ئەتىراپىمىزدىكى بۇ ئۆزگىرىشلەرگە سەپسېلىشماقتا. لىكىن مەن ئەتىراپىمدىكى ئۆزگىرىشلەرگە بىر خىل ئىپادىسىز ھالەتتە تىكىلمەكتىمەن. تۈگىمەس ئالدىراشلىق مىنى ئەنە شۇنداق ئەتىراپىمدىكى ئۆزگىرشلەرگە پەرۋاسىز قارايدىغان قىلىپ قويغاندەكلا.
قاراپ باقسام ئەتىراپىمدىىكى ھەممە ئادەم شۇنچە ئالدىراش، ھەر بىر ئادەم پۈتمەس-تۈگىمەس باھانىسى باردەكلا ئالدىرىشىپلا يۈرگەن، خۇددى نىمىشقا داۋاملىق مۇشۇنداق ئالدىراش يۈردىغىنىنى، بۇ ئالدىراشلىقنىڭ ئەھمىيىتىنى نىمە ئىكەنلىكىنى ئۇقماي قېلىشىۋاتقاندەك؟
بىراق بۇنى بىلسەك، بۇنىڭ مەنىسىنى بىلىپ يەتسەك يەنە قانداق بولماقچىدى، يەنە شۇ پۈتمەس-تۈگىمەس ئالدىراشلىق ئىچىگە غەرىق بۇلماي ئامال يوق. ئالدىراشلىقتىن ئىبارەت بۇ كۈرۈنمەس تورنىڭ ئىسكەنجىسىدىن قۇتۇلۇشقا بىز يەنىلا ئامالسىز. خۇددى چۈمۈلىلەردەك ئالدىراش ئۆتكىنىمىز ئۆتكەن.
بىراق دوستۇم شۇنى ئۇنۇتماڭ، ئالدىراشلىق ئىچىدە قايمۇقۇپ ئۈزىڭىزنى يۇقۇتۇپ قۇيۇشتىن ئاۋال يىراقتىكى ئاتا-ئانىڭىزغا، قېرىنداشلىرىڭىزغا تىلفۇن قىلىپ تىنىچلىق-ئامانلىق سوراپ قۇيۇڭ (گەرچە بۇ تىلفۇن ئاشۇ سېغىنىشلارنى باسالمىسىمۇ)، ھەرقانچە ئالدىراش بولسڭىزمۇ دوسلىرىڭلىرىڭىزغا قىسقا ئۇچۇر يوللاپ قۇيۇڭ. چۈنكى بۇ كىشىلەر ھاياتىڭىزدىكى ھەمسەپەرداشلىرىڭىز (ئۇلارنىڭ سىزگە قانچىلىك مەنزىلگىچە ھەمرا بولسشى مۇھىم ئەمەس)
جاھاندا ئالدىراشلىقتىن باشقا نەرسە چۇقۇم بار، ھەرقانچە ئالدىراش بولسىڭىزمۇ، ئاشۇ ئالدىراشلىق ئىچىدىن ئازغىنە ۋاقىت چىقىرىپ ئۆزىڭىزگە كۆڭۈل بۈلۈپ قۇيۇشنى، دېرىزڭىزنىڭ كەڭ ئېچىۋىتىپ كەڭ ئاسمانغا نەزەر سېلىشنى چارچىغان نېرىپلىرىڭىزنى ئازراق بولسىمۇ ئارام ئالدۇرۇشنى ھەرگىز ئۇنتۇپ قالماڭ.
باھار يىتىپ كەلدى، ھەممىز دېھقانلاردەك ئالدىراشلىق ئىچىگە كۈمۈلمەكتىمىز، ھەممىزگە كۈزدە دېھقانلاردەك مول-ھۇسۇل شادلىقىغا چۈمۈلۈش نسىپ بولغاي.
(بۇ يازمامنى ماڭا ئوخشاش چەت-يىراق يېزىلاردىكى ئاساسى قاتلامدىن ئىبارەت ئاشۇ پىچتا تاۋلىنىش نىسىپ بولغان «تەلەيلىك»لەرگە ئاتاپ يازدىم. كۆپچىلىكنىڭ تىنىنىڭ سالامەت كۈنلىرنىڭ ئەھمىيەتلىك ئۆتىشىنى تىلەيمەن)