نۇرغۇنلىغان قېنىق رەڭلىك چاپان ۋە پەلتولار ئىچىدە ، سېرىق رەڭلىك، يىلپىز تېرىسى گۈللۈك بۇ يۇڭ چاپان ئادەمنىڭ دىققىتىنى تارتاتتى . شۇ تاپتا بۇنى كىمنىڭ چاپىنى ئىكەنلىكىنى پەقەتلا بىلەلمىدىم. قېيىنئانام بىر ھەپتە ئىلگىرى دوختۇرخانىدا يېتىپ قېلىپ ، بۈگۈن چىقىدىغان بولغاچقا ئۇنىڭغا چاپان ئاپىرىپ بەرمەكچى ئىدىم .
— چاپان؟ قايسى چاپاننى دەيسىز؟ — ئېرىم بىر دۆۋە خەت –چەكلەر ئارىسىدىن بېشىنى كۆتۈرۈپ ماڭا قارىدى . ئۇنىڭغا كۆرسىتىش ئۈچۈن چاپاننى ئېگىز كۆتۈردۈم .
www.iz.la
— ھە، ئۇنى دەمسىز؟ ئاپام نۇرغۇن يىللار ئىلگىرى ئالغان ، ئۇ ۋاقىتلاردا مەن تېخى بالا ئىدىم، — دېدى ئېرىم كۈلۈپ تۇرۇپ.
مەن قېيىنئانام بىلەن تونۇشقىلى 30 يىل بولدى ، شۇڭا ئۇنى بەكمۇ چۈشىنىمەن . قېيىئانامنىڭ ماڭا بەرگەن تەسىرى ئەنئەنىۋىلىكى كۈچلۈك ، تېجەشلىك ئايال ئىدى ، ئەزەلدىن سودا-سارايلاردىن كىيىم سېتىۋالمايتتى . ئۇنىڭ كۈلرەڭ چاچلىرى دائىم رەتلىك تاراقلىق تۇراتتى . ئۆزىنى كۆرسىتىشنى خالىمايتتى، كىيىنىشى ئاددىي-ساددا ، سالاپەتلىك كۆرۈنەتتى . مەن ھېچقاچان ئۇنىڭ بۇنداق شوخ رەڭلىك، كۆزنى قاماشتۇرىدىغان كىيىملەرنى كىيگەنلىكىنى كۆرمىگەنىدىم.
www.iz.la
— ئاپام قانداق بولۇپ بۇ چاپاننى كىيىپ قالغاندۇ ؟
— مەنمۇ ئەجەپلەندىم، ئىلگىرىمۇ ئۇنىڭ بۇ چاپاننى كىيىپ سىرتلارغا چىققىنىنى كۆرمىگەنىدىم، — دېدى ئېرىممۇ.
چاپاننى ئاسقۇدىن ئېلىپ ، ئاق رەڭلىك كارىۋات ياپقۇچىنىڭ ئۈستىگە قويدۇم . كىيىمدىكى گۈل ۋە رەڭ كۆزنى قاماشتۇرۇپ ، خۇددى كارىۋات ئۈستىدىكى غەلىتە مەخلۇقتەك كۆرۈنۈپ كەتتى .مەن ئاستا چاپاننىڭ مويىنى سىلىدىم ، قولۇم بىلەن بېسىلغان ئورۇننىڭ رەڭگى ئۆزگىرىپ باراتتى .
— ئىلگىرى ئاپامنىڭمۇ چاپاننى مۇشۇنداق سىلاپ ئولتۇرغانلىقىنى كۆرگەندەك قىلىمەن، — دېدى ئېرىم يەنە.
مەن قولۇمنى چاپاننىڭ يېڭىنىڭ ئىچىگە سېلىپ باقتىم ، چاپاندىن سۇس خۇشپۇراق تاراپ تۇراتتى، شۇ تاپتا، بۇ چاپان 83 ياشلىق موماينىڭ كىيىم ئىشكابىدىكى كىيىم ئەمەس ، بەلكى لاتاپەتلىك ياش قىزنىڭ ئەتىر چېچىلغان ئېسىل كىيىملىرىدەك بىلىنىپ كەتتى . ى ئىز تورى ئىز تورى ئىز تورى ئىز تورى
— ئاپامنىڭ مۇشۇنداق چىرايلىق چاپىنى بارلىقىنى نېمىشقا بۇرۇنراق دېمىگەنسىز؟ — دەپ ئېرىمدىن نارازى بولغانلىقىمنى بىلدۈردۈم . ئۇ بولسا مەندىن ئۆزىنى قاچۇرۇپ گۈللەرنى سۇغارغىلى ماڭدى .
ناۋادا قېيىنئانام كېرەك قىلمايدىغان نەرسىلەر تىزىملىكىنى تىزىپ چىق دېگەن بولسا، مەن بۇ چاپاننى ئەڭ ئالدىغا تىزىغان بولاتتىم . ئەمما، بۇ چاپاننى كۆرگەندىن كېيىن شۇنى ھېس قىلدىمكى، مەن ئۇنى ھېچقانچە چۈشەنمەيدىكەنمەن ، ئۇنىڭ نېمىگە تەلپۈنىدىغانلىقىنى، نېمىنى ئارزۇ قىلىدىغانلىقىنى بىلمەيدىكەنمەن.
مەن چاپاننى ئېلىپ دوختۇرخانىغا قېينئانامنى ئالغىلى باردىم . ئۇ چاپاننى كۆرگىنىدە، دەسلەپتە ئازراق خىجىل بولدى ، چاپاننىڭ يۇمشاققىنا مويىنى سىلىغىنىدا بولسا يۈزلىرى خىجىللىقتىن قىزىرىپ كەتتى. مەن ئىز تورىغا بەك ئامراق
شۇنىڭدىن كېيىن ئۇنىڭ ھاياتىنىڭ ئاخىرقى ئۈچ يىلىدا، مەن ئۇنىڭغا بۇرۇنقىدەك ئىچ كىيىم ۋە ساپما كەش دېگەندەك نەرسىلەرنى ئەمەس ، بەلكى ئەتىر، تېرە سىلىقلاش سۇيۇقلۇقى ۋە ھەر خىل گىرىم بۇيۇملىرىنى سوۋغا قىلىدىغان بولدۇم .
قېيىنئانام ئىككىمىز ھەپتىدە بىر قېتىم ئۇچرىشىپ چۈشلۈك تاماقنى بىللە يەيتۇق، قېيىنئانام ھەر قېتىملىق ئۇچرىشىشقا ھېلىقى كۆزنى قاماشتۇرىدىغان چاپىنىنى ياكى باشقا ئوچۇق رەڭلىك كىيىملەرنى كىيىپ كېلەتتى . ئۇ ھەتتا بەزىدە چاچلىرىنى بۇدرە قىلدۇرۋالاتتى ، بۇ ھال ئۇنى تېخىمۇ ياش ، جۇشقۇن ھەم جەزبىدار كۆرسىتەتتى . گاھىدا بىللە ئولتۇرۇپ ئۇنىڭ ئالبومىدىن ياش ۋاقىتلىرىدا چۈشكەن سۈرەتلىرىنى كۆرەتتۇق .مەن ئالبومدىكى سۈرەتلەردىكى لەۋلىرى گۈل بەرگىدەك كۆرۈنىدىغان بىر گۈزەل قىزنىڭ قېيىنئانامغا نەقەدەر ئوخشايدىغانلىقىنى ھېس قىلدىم .
بۇ مەزمۇن ئىز تورىدىن كۆچۈرۈلگەن
ئىككى يىلدىن بۇيان ، ھېلىقى چىرايلىق موي چاپان سودا–سارايلارنىڭ كۆزنەكلىرىدە پەيدا بولۇپ ، يەنە مودا بولۇشقا باشلىدى . ھەر قېتىم مۇشۇنداق كىيىملەرنى كۆرگىنىمدە تۈگەپ كەتكەن قېينئانامنى ئەسلەپ قالىمەن . ئۇ ماڭا شۇنى ھېس قىلدۇردىكى ، ئەمەلىيەتتە ھەممە ئادەمنىڭ باشقىلاردىن يوشۇرۇن مەلۇم تەرىپى بولىدۇ، بۇ يوشۇرۇن تەرەپمۇ ئوخشاشلا مېھىر-مۇھەببەتكە ۋە قىزغىن ئىلھاملارغا مۇھتاج بولىدۇ.
‹‹يەر شارى ۋاقىت گېزىتى››دىن تەرجىمە قىلىندى
خالىدە ئوسمان تەرجىمىسى
خەتكۈچلەر:
