قىزىم مونىكا قۇم ئويناشنى ياخشى كۆرەتتى.ھە كۈنى چۈشتىن كېيىن دوستلىرى بىلەن مەھەللە باغچىسىدىكى قۇم كۆلچىكىدە ئوينايتتى.ئۇ ھەر قېتىم ئوينىغىلى بارغاندا ئۆيدىكى قىزىل چېلىكىنى ئېلىۋېلىشىنى ئۇنتۇمايتتى. ئەمدىلا يەتتە ياشقا كىرگەن مونىكاغا بۇ چوڭ چېلەكتە قۇم كۆتۈرۈش ئېغىر كېلىپ ھېرىپ قالاتتى، مەن ئۇنىڭىغا كىچىكرەك چېلىكىنى ئىشىلىتىڭ دىسەم ئۇنمايتتى.
قۇياش نۇرى يەر جاھاننى ئىللىتقان كۈنلەرنڭى بىرىدە،مەن ئۆيلەرنى سەرەمجانلاشتۇرۇپ بولۇپ قىزىمنىڭ ئويناۋاتقان يېرىگە باردىم.باغچىنىڭ كەچلىك مەنزىرىسى ئىنىتايىن گۈزەل ھەم جىمجىت ئىدى.كەچكى قۇياش ئەتراپىنى قىزغۇچ رەڭگە كىرگۈزۈگەنىدى.مەن يىراقتىن قىزىمىنىڭ بىر توپ بالىلار بىلەن خۇشال ئويناۋاتقانلىقىغا قاراپ تۇردۇم. ئۇلارنىڭ كۈمۈش قوڭغۇراقتەك ئاۋازى ئىلەڭگۈچنىڭ ئۇچۇشى بىلەن بىرىلىشىپ كەتكەنىدى. ئۇشتۇمتۇت مېنىڭ نەزىرىم بىر سىما پۈتۈن ۋۇجۇدى بىلەن چېلەككە قۇم تۇشقۇزۇۋاتاتتى. ئۇ دەل مېنىڭ قىزىم ئىزىم ئىدى. مەن قىزىمىنىڭ يېنىغا ئاستا بېرىپ.
-مونىكا ،سىز نېمىشىقا كىچىك دوستىلار بىلەن بىللە ئىلەڭگۈچ ئۇچمايسىز؟چېلەككە بۇنداق جىق قۇمنى تولدۇرۇپ نېمە قىلىسىز،-دەپ سورىدىم.مونىكانىڭ تەرلەپ كەتكەن يۈزىگە قۇم ئۇۋاقلىرى چاپلىشىپ كەتكەنىدى.ئۇ ماڭا تىكىلىپ ھەيران قالغان ھالدا؛
-ئاپا،سىز نېمىشىقا كەلدىڭىز؟-دەپ سورىدى.مەن كۈلۈپ تۇرۇپ؛
-بولدى بالام ئەمدى ئاۋۇ بالىلار بىلەن بىرىگە ئويناڭ،-دېدىم.مونىكا؛
-بولمايدۇ ئاپا-دەپ بېشىنى چايقىدى-دە، چېلىكىگە قۇمنى توشقۇزىۋەردى ۋە؛-ئاپا.لېيدىمۇ قۇم ئويناشنى بەك ياخشى كۆرىدۇ.مەن ئۇنىڭ بىلەن بىرگە ئوينايمەن،-دېدى.
-بالام،لېدى كىم بولىدۇ،-دېدىم قىزىمىنىڭ سۆزىگە قىزىقىپ،-ئۇ دوستىڭىزنى چاقىرىپ كەلمەمسىز،ئۇ قەيەردىرەك؟
www.iz.la
-ئاپا،ئۇ نەدە ئاۋۇ يەردە،-مەن قىزىمىنىڭ قول ئىشارىسى بىلەن يىراقلارغا نەزەر سېلىپ نېرىراقتىكى گۈللۈكتە چاقلىق ئورۇندۇقتا ئولتۇرغان بىر ئوغۇل بالىنى كۆردۈم.
-ئاپا،لېيدىمۇ ماڭا ئوخشاشلا قۇم ئويناشنى ياخشى كۆرىدۇ،ئەمما ئۇنىڭ بىر پۇتى يوق...-قىزىمنىڭ ئۈنى ئىچىگە چۈشۈپ كەتتى.
مەن قىزىمغا ياردەملىشىپ قۇم قاچىلانغان چېلەكنى لېدىنىڭ يېنىغا ئاپىرىشىپ بەردىم،زەڭگەر كۆزلۈك،سۇس قوڭۇر چاچلىق بۇدرۇققىنە بۇ ئوغۇل بالا خىجىللىق بىلەن ماڭا؛
-ھەدە،قىزىڭىز مونىكا پەرىشتىگە ئوخشايدۇ،ئۇ ھەر كۈنى مەن ئۈچۈن مۇشۇ يەرگە قۇم كۆلچىكى ياساپ بېرىدۇ،-دېدى ۋە ئېڭىشىكىنىچە چېلەكتىكى قۇمنى ئۇچۇملاپ ئېلىشىقا باشلىدى.ئۇنىڭ چىرايىدا خۇشاللىق جىلىۋىلىنەتتى.
ئىز تورىدا ئىزلىرىمىز قالسۇن!
كەچكى شەپەق ۋە ئىككى بالىنىڭ سەبى كۈلكە سادالىرى ئىچىدە ئۇشىشاق قۇملار گويا ئايدىڭ بەزمىسىگە چۈشكەندەك ئالتۇن رەڭدە جىلىۋىنەتتى.
مەنبە؛شىنىجاڭ ئاياللىرى
