ئىككى كىشىنىڭ ئارىسىغا دۈشمەنلىك چۈشۈپ، ھەمشە ماجىرالىشىپ تۇراتتى. مەغرۇرلۇقتا بىر شىر بولسا، بىرى يولۋاس ئىدى. بىر-بىرىنىڭ دىدارىغا قاراشقۇسى يوق بولۇپ، گويا ئۇلارغا بۇ جاھانمۇ تار كېلەتتى.
ئۇلانىڭ بىرىگە ئەجەل ئوقى تېگىپ ئالەمدىن ئۆتتى، يەنە بىرى ئۇنىڭ ئۆلگىنىگە خۇشال بولۇپ كەتتى.
بىركۇنى ئۇ مازارلىقىتىن ئۆتۈپ كېتىۋىتىپ، ئۆز ۋاقىتىدا ئالتۇندىن ھەل بىرىلگەن ئۇچما سارايدا ياتقان ھېلىقى كىشىنىڭ قارا يەردە ياتقىنىنى كۆرۈپ، ئېغىزى قۇلىقىغا يەتكۈدەك كۈلۈمسىرەپ، ئىچىدە مۇنداق دېدى:
<دۇشمنى ئۆلۈپ، دوستى بىلەن ئىچقۇيۇن-تاشقۇيۇن بولۇپ ياشىغان كىشى نەقەدەر بەختلىك! دۇشمىنىڭىدىن كېيىن بىر كۈن بولسىمۇ ياشىغان كىشىنىڭ ئۆلۈمىگە يىغلاشنىڭ ھاجىتى يوق>. كېيىن ئۇ ئۆچمەنلىك ۋە ئاداۋەت بىلەن مىڭ تەسلىكتە قەبرىنىڭ ئاغىزىنى ئېچىپ قارىسا، بىر چاغلاردا تاج كىيگەن ھىلىقى كىشى ئەمدى گۆردە ياتاتتى، دۇنيانى كۆرگەن كۆزلىرىنى توپا باسقانىدى. تېنى قەبرە زىندانىدا قۇرت-قوڭغۇزلارغا يەم بولۇپ، چۈمۈلىلەر تالان-تاراج قىلىشىۋاتاتتى. تولۇن ئايدەك چىرايى ھىلال ئايدەك سوغۇلۇپ،ۋۇجۇدى قىلتىرىقتەك بولۇپ قالغان، كۈچلۈك قوللىرى بوغۇملىرىدىن ئاجراپ كەتكەنىدى. بۇ كىشنىڭ ئۆلۈككە رەھىمى كىلىپ، كۆز ياشلىرى ئىختىيارسىز تۆكۈلدى، قىلمىشىغا ۋە ئەسكى مىجەزىگە پۇشايمان قىلىپ، قەبرە تېشىغا مۇنداق يازدۇردى.
ئىز تورى بەك ياخشى
<باشقىلارنىڭ ئۆلۈمىگە خۇش بولۇپ كەتمە، ئۇنىڭ كەينىدىن سەنمۇ ئۇزۇنغا بارمايسەن.>
<بىر كۈنى بىزنىڭ تېنىمىزمۇ مۇشۇنداق بولىدۇ ۋە دۈشمەنلىرىمىزنىڭمۇ يۈرىكى ئۆرتىلىدۇ.>
<دۇشمىنىڭمۇ ماڭا ئېچىنغانلىقىنى كۆرگەن دوستۇممۇ ھەر ھالدا ماڭا رەھىم قىلار.>
كۈنلەرنىڭ بىرىدە، بىشىمىزغا شۇنداق كۈنلەر كېلىدۇكى، < بۇ باشتا كۆزمۇ بارمىدى؟> دېيىشكە توغرا كېلىدۇ.
مەنبەسى: روھى ساغلامىلىق دۇردانىلىرى(سەئىدى، نەۋائىي ھېكمەتلىرى)دېگەن كىتابتىن ئېلىندى. ئىز تورى بەك ياخشى
