ئالىي مەكتەپنى ئەمدىلا پۈتكۈزگەن بىر مۇنەۋۋەر ئوقۇغۇچى داڭلىق چوڭ شىركەتكە كېلىپ باشقۇرغۇچىلىق خىزمىتىگە ئىمتىھان بېرىپ ئىشلىمەكچى بولدى .ئۇ يازما ۋە يۈزتۇرانە ئىمتىھانلاردىن مۇۋەپپەقىيەتلىك ئۆتكەندىن كېيىن ، ئادەم كۈچى بايلىقى بۆلۈمى بۇ ياشنى باش دىرېكتور بىلەن يۈزتۇرانە كۆرۈشۈش ئىمتىھانىغا ئورۇنلاشتۇردى . باش دىرېكتور بۇ ياشنىڭ ماتېرىيالىنى كۆرۈۋېتىپ ئۇنىڭ باشلانغۇچتىن تارتىپ ، ئوتتۇرا مەكتەپ ۋە ئالىي مەكتەپلەرگىچە بولغان ھەرقايسى پەندىكى نەتىجىلىرىنىڭ خېلى يامان ئەمەسلىكىنى كۆردى . باش دىرېكتور:
— ئوقۇش مۇكاپاتى ئېلىپ باققانمۇ؟ — دەپ سورىدى. يىگىت: بۇ مەزمۇن ئىز تورىدىن كۆچۈرۈلگەن
— ياق.
— ئۇنداق بولسا ئوقۇش پۇلىنى دادىڭىز تۆلىگەنمىدى؟ — دەپ سورىدى دىرېكتور.
— ياق، — دېدى يىگىت، — دادام بىر ياش چېغىمدا ئالەمدىن ئۆتكەن ، مېنى ئانام بېقىپ چوڭ قىلغان. دىرېكتور:
— ئانىڭىز نېمە خىزمەت قىلىدۇ؟
— ئۇ باشقىلارنىڭ كىيىم-كېچەكلىرىنى يۇيۇپ پۇل تاپىدۇ، — دېدى يىگىت.
باش دىرېكتور يىگىتكە قوللىرىنى سۇنۇشقا بۇيرۇدى ، ئۇنىڭ قوللىرى ئاق ھەم يۇمشاق ئىدى . دىرېكتور:
— سىز ئانىڭىزغا ياردەملىشىپ كىر يۇيۇپ باقمىغانمۇ؟ — دەپ سورىدى . يىگىت:
— ياق، ئانام دائىم مېنى ۋاقتىڭنى ئىسراپ قىلما، زېھنىڭنى چاچماي ياخشى ئۆگەن ، ئۇنىڭ ئۈستىگە كىرنى مەن سەندىن تېز يۇيىمەن دەيتتى ، — دەپتۇ .
‹‹مۇنداق دەڭ...›› دىرېكتور سەل ئويلانغاندىن كېيىن:
— مېنىڭ كىچىككىنە بىر تەلىپىم بار، بۈگۈن ئۆيگە قايتقاندىن كېيىن ئانىڭىزنىڭ قوللىرىنى يۇيۇپ قويۇڭ ، ئەتە چۈشتىن بۇرۇن كېلىپ مەن بىلەن كۆرۈشۈڭ ، — دېدى .
دىرېكتورنىڭ تەلىپى يىگىتكە بىر ئاز غەلىتە تۇيۇلغان بولسىمۇ، ئۆزىنى خىزمەتكە قوبۇل قىلىنىش مۇمكىنچىلىكى چوڭ دەپ قارىغاچقا ، ئۆيگە قايتىپ بېرىپلا ئانىسىنىڭ قولىنى يۇيۇپ قويماقچى بولدى . ئانا ئۆز ئوغلىنىڭ خىزمەتكە ئورۇنلىشىشتا ئۈمىد بارلىقىنى ئاڭلاپ ، خۇشال ھالدا بىر جۈپ قولىنى ئوغلىغا سۇندى .
يىگىت ئانىنىڭ قوللىرىغا ئۇزۇن قارىدى ، كۆزلىرىدىن ئىختىيارسىز ھالدا ياشلار قۇيۇلۇشقا باشلىدى ، بۇ ئۇنىڭ تۇنجى قېتىم ئانىسىنىڭ قوللىرىغا قارىشى ئىدى . بۇ قوللار شۇنچىلىك يىرىك بولۇپ ، يېرىلىپ ھەتتا قاداق بېسىپ كەتكەنىدى . يىگىتنىڭ يۈرىكى تارتىشقاندەك بولدى . ى ئىز تورى ئىز تورى ئىز تورى ئىز تورى
ئۇ شۇندىلا ھەممىنى چۈشەندى ، مانا مۇشۇ بىر جۈپ يىرىك ، قوپال قول ئۇنىڭ ئون نەچچە يىللىق ئوقۇش پۇلىنى تاپقان قوللار ، مانا بۇ قوللار ئوغلىنىڭ ئالىي مەكتەپنى پۈتكۈزۈپ ، ئەلا نەتىجە بىلەن خىزمەتكە ئورۇنلىشىش ۋە گۈزەل كەلگۈسىنى يارىتىشى ئۈچۈن زور بەدەل تۆلىگەن قوللار ئىدى . ئانىسىنىڭ قولىنى يۇيۇپ بولغاندىن كېيىن ، يىگىت ئاستاغىنا چىقىپ تېخى يۇيۇپ بولۇنمىغان كىيىملەرنى يۇيۇۋەتتى . كەچتە ئانا-بالا خېلى ئۇزۇنغىچە مۇڭدىشىپ چىقتى ، يىگىت ئانىسىنىڭ ئون نەچچە يىللاردىن بويانقى دەرد- ئەلەملىرىنى تۇنجى قېتىم چوڭقۇر چۈشەندى .
ئىككىنچى كۈنى يىگىت باش دىرېكتور ئىشخانىسىغا بىۋاستە كىردى . دىرېكتور يىگىتنىڭ كۆزلىرىدە ئەگىپ قالغان ياشلىرىغا دىققەت قىلىپ قالدى ۋە:
— تۈنۈگۈن ئۆيگە قايتقاندىن كېيىن نېمىلەرنى قىلغانلىقىڭىزنى ئېيتىپ بېرەمسىز؟ — دېدى.
— ئانامنىڭ قولىنى يۇيۇپ قويدۇم ، ئاندىن يۇيۇلمىغان كىرلارنى يۇيۇۋەتتىم.
— قانداق ھېسسىياتتا بولدىڭىز؟
يىگىتنىڭ كۆزىدىن بىر خىل كەسكىنلىك چىقىپ تۇراتتى ، ئۇ تولىمۇ سەمىمىيلىك بىلەن شۇنداق دېدى:
— بىرىنچىدىن ، مەن مىنەتدارلىقنى ئۆگىنىۋېلىشىم كېرەككەن ، ئانام بولمىغان بولسا ، مېنىڭ بۈگۈنۈممۇ بولمىغان بولاتتى . ئىككىنچىدىن ، ئانامنىڭ قوللىرىنى ۋە كىرلارنى يۇيۇش ئارقىلىق ئۇنىڭ ئىلگىرىكى كۈنلىرىنىڭ قانچىلىك جاپا-مۇشەققەتتە ئۆتكەنلىكىنى تونۇپ يەتتىم . ئۈچىنچىدىن ، مەن چوقۇم ئائىلە مۇناسىۋىتىنىڭ مۇھىملىقىنى ۋە ئۇنىڭ قىممىتىنى توغرا تونۇپ ، قەدىرلەيمەن .
بۇلارنى ئاڭلىغان باش دىرېكتور ئىنتايىن خۇشال بولدى ۋە شۇنداق دېدى:
— مانا بۇ شىركىتىمىزنىڭ باشقۇرغۇچى خادىملارغا بولغان تەلىپى ، ئۇزۇندىن بۇيان بىر باشقۇرغۇچى خادىم قوبۇل قىلىش ئويىمىز بار ئىدى ، ئۇ شۇنداق باشقۇرغۇچى بولۇشى كېرەك ئىدىكى ، باشقىلارنىڭ ياردىمىدىن مىنەتدار بولۇشى ، خىزمەتچىلەرنىڭ جاپالىق ئەمگەك قىلىۋاتقانلىقىنى چۈشىنىشى، مال-دۇنيانى تۇرمۇشتىكى بىردىنبىر نىشانى قىلىۋالماسلىقى كېرەك . مانا ئەمدى بۇ باشقۇرغۇچىنى تېپىۋالدىم، سىز قوبۇل قىلىندىڭىز.
خالىدە ئوسمان تەرجىمىسى ئىز تورى بەك ياخشى
