— سەن كىم ؟ — دەپ سوراپتۇ.
جۇشقۇنلۇقتىن ئەسەرمۇ يوق ، ھارغىنلىقتا گومۇشقىلا ئوخشاپ قالغان يىگىت:
— مەن... مەن قايغۇ، — دەپ جاۋاب بېرىپتۇ ئارانلا ئاڭلانغۇدەك ھالدا.
— ھە قايغۇ دېگەن سەن ئىكەنسەن-دە، — دەپتۇ موماي خۇددى كۆرۈشمىگىلى ئۇزۇن بولغان دوستىنى كۆرگەندەك . ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
— مېنى تونۇمسىز ؟ — قايغۇ سەل ھەيران بوپتۇ .
— ئەلۋەتتە تونۇيمەن. يول بويى ماڭا ھەمرا بولۇپ كەلدىڭ.
— بىراق، — دەپتۇ قايغۇ بىر ئىشىنىپ ، بىر ئىشەنمەي، — سىز نېمىشقا مەندىن ئايرىلمىدىڭىز؟ ئەجەبا قورقمىدىڭىزمۇ؟
— قەدىرلىكىم، نېمىشقا سەندىن ئايرىلغۇدەكمەن. سەن ئۆزۈڭنى ئەڭ ياخشى چۈشىنىسەن، سېنىڭدىن قۇتۇلۇپ كەتمەكچى بولغانلارنى قوغلاپ يۈرىسەن . ئەمما سەندىن سورايدىغىنىم ، سەن نېمىشقا قايغۇرۇپلا يۈرىسەن ؟ — دەپ سوراپتۇ موماي .
— چۈنكى مېنىڭ ئىسمىم قايغۇ، — قايغۇنىڭ كارنىيى يىرتىلىپ كەتكىلى تاس قاپتۇ . موماي ئۇنىڭ يېنىدا ئولتۇرۇپ: بۇ مەزمۇن ئىز تورىدىن كۆچۈرۈلگەن
— قېنى ئېيتقىنا، سېنى ئازابلاۋاتقان زادى نېمە؟ — دەپ سوراپتۇ.
قايغۇ چوڭقۇر نەپەس ئېلىۋالغاندىن كېيىن ، كۆڭلىدە ‹‹ئەجەبا راستىنلا بىرەرسىنىڭ مېنىڭ يۈرەك سۆزۈمنى ئاڭلىغۇسى بار ئوخشايدۇ ›› دەپ ئويلاپتۇ ، ئۇنىڭ بۇنداق پۇرسەتنىڭ كېلىشىنى كۈتكىلى ئۇزۇن بولغانىكەن.
— سىز بىلىسىز، — دەپ سۆزىنى باشلاپتۇ قايغۇ ھەم دىلىغۇل ، ھەم ھەيران بولغان ھالدا، — ئەمەلىيەتتە مېنى ھېچكىم ياخشى كۆرمەيدۇ ، مانا بۇ مېنىڭ قىسمىتىم بولسا كېرەك . مەن كىشىلەر ئالدىدا شۇنداقلا پەيدا بولسام ئۇلار مەندىن ۋابادىن قاچقاندەك قاچىدۇ .
ئىز تورىدا ئىزلىرىمىز قالسۇن!
قايغۇ يىغلاپ تۇرۇپ دەردىنى تۆككىلى تۇرۇپتۇ .
— كىشىلەر مېنى چەتكە قېقىپلا تۇرىدۇ . مەسىلەن ، ‹‹بىلجىرلىما ، مەن ئازراقمۇ قايغۇرمىدىم، تۇرمۇشۇم خاتىرجەم ۋە شاد-خۇراملىققا تولغان ›› دېيىشىدۇ . ئەمەلىيەتتە ئۇلارنىڭ ساختا كۈلكىسىدە يۈزلىرىمۇ تارتىشىپ كېتىدۇ . يەنە بەزىلەر ‹‹ماختاشلار بىزنى تېخىمۇ غەيرەتلىك قىلىدۇ ›› دېيىشىدۇ ، ئەمەلىيەتتە ئۇلار ئازابلانغانلىقىدىن نەپەس ئېلىشىمۇ تەسكە توختاۋاتقان بولىدۇ . يەنە بەزىلەر ‹‹ئاجىزلارلا كۆز يېشى قىلىدۇ ، مەن كۆز يېشى قىلمايمەن ›› دېيىشىدۇ ، ئەمەلىيەتتە ئۇنىڭ مېڭىسى چارچاپ ئېتىلىپ كېتەيلا دەپ قالىدۇ .يەنە بەزىلەر ئىسپىرت ۋە زەھەرلىك چېكىملىكلەر بىلەن ئۆزىنى مەست قىلىۋېلىپ ، مېنىڭ مەۋجۇتلۇقۇمنى ھېس قىلماسلىققا ئۇرۇنىدۇ . بۇ مەزمۇن ئىز تورىدىن كۆچۈرۈلگەن
— شۇنداق، — دەپتۇ موماي ئۇنىڭ سۆزلىرىنى تەستىقلاپ ، — ئىلگىرى مەنمۇ شۇنداق كىشىلەرنى كۆرگەن.
قايغۇ تېخىمۇ قايغۇرۇشقا باشلاپتۇ .
— ئەمەلىيەتتە مېنىڭ كىشىلەرگە ياردەم بەرگۈم كېلىدۇ ، ئۆزىگە توغرا قارايدىغان كىشىلەرگە يېقىنلاشقىنىمدا ئۇلار ئۈچۈن پاناھ جاي تېپىپ بېرىپ ، شۇ يەردە يارىسىنى داۋالىسا دەيمەن .قايغۇرۇپ يۈرگەن كىشىلەرنىڭ تېرىسى نېپىز ھەم يۇمران بولىدۇ ، يارىنىڭ ۋاقتى ئۇزارغانسېرى ئۇ ئاسان پۈتمەي ، ئادەمنى تېخىمۇ نابۇت قىلىدۇ . ئەمما كىممۇ ئۆز-ئۆزىگە توغرا قارىيالايدۇ ؟ كىشىلەر مېنىڭ ياردەم قىلىشىمنى خالىمايدۇ ، ئۇلارنى قەيسەر قىلىشقا ئۇرۇنسام ، ئۇنىڭ ئورنىغا يالغان كۈلكىلىرى بىلەن ئۆز يارىسىنى يۇشۇرۇشىدۇ ياكى تولىمۇ ئېغىر ھەم قېلىن دۇبۇلغا-ساۋۇت كىيىشىۋالىدۇ. بۇ مەزمۇن ئىز تورىدىن كۆچۈرۈلگەن
بىر ئاز سۈكۈتتىن كېيىن، قايغۇنىڭ يىغىسى بارغانچە كۈچىيىپ ، ئاخىرى ئەسەبىيلىشىپ كېتىپتۇ.
موماي ئۇنى باغرىغا باسقىنىچە باش-كۆزلىرىنى سىلاشقا باشلاپتۇ ۋە:
— يىغلىۋال قايغۇ، پۇخادىن چىققۇچە يىغلىۋال، — دەپتۇ مۇلايىم ھالدا، ئاندىن، — ئازراق ئارام ئېلىۋالغىن ، تازا كۈچ يىغمىساڭ بولمايدۇ . ھازىردىن باشلاپ يالغۇز سەپەر قىلمايسەن ، مانا مەن ساڭا ھەمرا بولىمەن ، بۇنىڭدىن كېيىن ئۈمىدسىزلىك ۋە چۈشكۈنلۈك سېنى كونتىرول قىلالمايدۇ، — دەپتۇ.
قايغۇ يىغىدىن توختاپ يېنىدىكى يېڭى ھەمراھىغا ھاڭۋاققىنىچە قاراپ تۇرغاندىن كېيىن: copyright by www.iz.la
— رەھمەت سىزگە، بىراق ئۆزىڭىز كىم؟ — دەپ سوراپتۇ.
— مەن؟ — موماي چىرايىدىكى كۈلكىنى قىلچە يوشۇرماي، — مېنىڭ ئىسمىم ئۈمىد، قايغۇغا توغرا قارىغان ، ئۈمىدۋار كىشىلەرلا داغدام يولدا تېخىمۇ يىراققا بارالايدۇ، — دەپتۇ.
‹‹يەر شارى ۋاقتى گېزىتى››دىن تەرجىمە قىلىندى.
خالىدە ئوسمان تەرجىمىسى
خەتكۈچلەر:
