جۇڭگو ئاخبارات تورى 11-يانۋار تېلېگراممىسى : چەت ئەل ئاخبارات ۋاستىلىرىنىڭ 10-يانۋار خەۋەر قىلىشىچە، ئامېرىكا گوۋۇيۈەنىنىڭ باياناتچىسى Newland مۇنۇلارنى بىلدۈرگەن: ئامېرىكىنىڭ يەمەن ھۆكۈمىتى ماقۇللىغان سالىھقا قارىتىلغان كەچۈرۈم قىلىش قانۇنىنى قوللايدىغانلىقى يەمەندىكى بىر قىسىم زاتلارنىڭ نارازىلىقىغا ئۇچرىغان.
ئۇ يەنە تولۇقلاپ مۇنداق دېدى : ‹‹ بۇ بەلگىلىمىنىڭ مەزمۇنى يەمەننىڭ تارىخنى ئاخىرلاشتۇرۇپ، تېخىمۇ دېموكراتىك بولغان كەلگۈسىگە يۈزلىنىشىگە ياردەم بېرىدۇ ›› .
يەمەن ئۆتكۈنچى ھۆكۈمىتى 8-يانۋار زۇڭتۇڭ سالىھقا كەچۈرۈم قىلىش ھوقۇقى بېرىشكە قوشۇلۇپ، يەمەننىڭ دېڭىز قولتۇقى ئەرەب ئەللىرى ھەمكارلىق كومىتېتى بىلەن ھاسىل قىلغان ياراشتۇرۇش كېلىشىمىنى ئەمەلىيلەشتۈرۈش ئۈچۈن ئاساس سالغان.
ئۆتكۈنچى ھۆكۈمەت شۇ كۈنى بىر تۈرلۈك قانۇن لايىھەسىنى ماقۇللىغان بولۇپ، بۇنىڭدا سالىھ ۋە ئۇ ھاكىمىيەت يۈرگۈزگەن مەزگىلدىكى ئەمەلدارلارغا كەچۈرۈم قىلىش ھوقۇقى بېرىش تەلەپ قىلىنغان. يەمەن مىللىي ئىتتىپاق ھۆكۈمىتىنىڭ چۈشەندۈرۈشىگە قارىغاندا، بۇ قانۇن لايىھەسى ‹‹ ئېلان قىلىنىشتىن بۇرۇنقى بارلىق قىلمىشلارغا تەدبىقلىنىدىكەن›› ھەمدە پارلامېنتنىڭ تۈزىتىش كىرگۈزۈشىگە سۇنىلىدىكەن.
ئەمما، يەمەننىڭ شىمالىدىكى نۇرغۇن ۋىلايەتلەردە نەچچە مىڭ نامايىشچى شۇ كۈنى پايتەخت سانادا قارشىلىق نامايىشى ئۆتكۈزۈپ، زۇڭتۇڭ سالىھنى سوراق قىلىشنى تەلەپ قىلغان.
