فېليەتون بلوگى

ﻣﻪﻧﻤﯘ ﺑﯩﺮ ﻗﯧﺘﯩﻢ ﭼﯩﺮﯨﻜﻠﻪﺷﺘﯩﻢ
ﻳﻰ ﺟﯜﻧﻤﯩﯖﺠﯘ

ﺋﺎﺧﯩﺮﻯ ﺋﻪﻣﻪﻟﺪﺍﺭ ﺑﻮﻟﺪﯗﻡ.
ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﺋﯩﺸﻠﯩﺮﯨﻢ ﺷﯘﻧﺪﺍﻕ ﺋﻮﯕﻐﺎ ﺗﺎﺭﺗﺘﻰ. ﺑﯘ ﺋﺎﻱ، ﺑﯘ ﻛﯜﻧﻠﻪﺭﺩﻩ، ﺧﻮﺗﯘﻧﻨﯩﯔ ﮔﯧﭙﯩﻨﻰ ﺋﺎﯕﻼﭖ ﻗﻮﻳﻐﺎﻧﻨﯩﯔ ﭘﺎﻳﺪﯨﺴﻰ ﺑﺎﺭﻛﻪﻥ، ﺋﯘﻧﯩﯔ ﺑﯩﺮ ﺋﯧﻐﯩﺰ: " ﺋﯚﻱ ﺳﯧﺘﯩﯟﺍﻟﯩﺪﯨﻐﺎﻥ ﭘﯘﻟﻐﺎ ﺑﺎﺷﻘﯩﻼﺭﺩﻩﻙ ﺑﯩﺮﻩﺭ ﺋﻪﻣﻪﻝ ﺳﯧﺘﯩﯟﺍﻟﻐﺎﻥ ﻳﺎﺧﺸﻰ." ﺩﯦﮕﻪﻥ ﮔﯧﭙﻰ ﻣﯧﻨﻰ ﺳﻪﮔﯩﺘﺘﻰ. ﻳﯘﺭﺗﯩﻤﯩﺰﺩﯨﻜﻰ ﺋﯘﺩﯗﻝ ﺧﻮﺷﻨﯩﻤﯩﺰﻧﯩﯔ ﺑﯩﺮ ﺷﯩﺮﻩﻡ ﺗﯘﻏﻘﯩﻨﻰ ﺋﻪﺳﻘﺎﺗﺘﯩﻤﯘ، ﻳﺎﻛﻰ ﺋﯚﻱ ﺳﯧﺘﯩﯟﯦﻠﯩﺸﻘﺎ ﺗﻪﻳﻴﺎﺭﻻﭖ ﻗﻮﻳﻐﺎﻥ ﻳﯜﺯﻣﯩﯔ ﻳﯜﻩﻥ ﭘﯘﻟﯩﻤﯩﺰ ﺋﻪﺳﻘﺎﺗﺘﯩﻤﯘ ﺋﯩﺶ ﻗﯩﯩﭗ ﺑﯘﻧﯩﯔ ﻛﺎﺭﺍﻳﯩﺘﻰ ﭼﺎﻏﻠﯩﻘﻘﯘ، ﻣﯘﻫﯩﻤﻰ ﺋﻪﻣﺪﻯ ﺋﯩﺪﺍﺭﯨﺪﺍ ﻣﯧﻨﯩﯔ ﺩﯦﮕﯩﻨﯩﻢ ﻫﯧﺴﺎﭖ ﺑﻮﻟﯩﺪﻏﺎﻥ ﺑﻮﻟﺪﻯ.
ﻧﯧﻤﻪ، ﺋﻪﻣﻪﻟﻨﻰ ﺳﯧﺘﯩﯟﯦﻠﯩﺸﺘﯩﻦ ﻗﻮﺭﻗﻤﯩﺪﯨﯖﯩﺰﻣﺎ ﺩﻩﭖ ﺳﻮﺭﯨﺪﯨﯖﯩﺰﻣﺎ؟ ﻗﯩﺰﯨﻖ ﮔﻪﭖ ﺑﻮﻟﺪﯨﺪﻩ. ﺋﻪﻣﻪﻝ ﺳﯧﺘﯩﭗ ﺋﺎﺷﻜﺎﺭﯨﻠﯩﻨﯩﭗ ﻗﯧﻠﯩﭗ ﺗﺎﺭﺗﯩﭗ ﭼﯩﻘﯩﺮﯨﻠﻐﺎﻧﻨﻰ ﻛﯚﺭﮔﻪﻧﻤﻪﻥ، ﺋﻪﻣﻤﺎ ﺋﻪﻣﻪﻝ ﺳﯧﺘﯩﯟﯦﻠﯩﭗ ﭼﺎﺗﺎﻕ ﭼﯩﻘﯩﭙﺘﯘ، ﺩﯦﮕﻪﻧﻨﻰ ﺋﺎﯕﻼﭖ ﺑﺎﻗﻤﺎﭘﺘﯩﻜﻪﻧﻤﻪﻥ. ﺟﺎﯓ ﮔﻪﻳﭙﯩﯖﺪﯨﻦ ﺋﻪﻣﻪﻝ ﺳﯧﺘﯩﯟﺍﻟﻐﺎﻧﻼﺭ ﻧﻪﭼﭽﻪ ﺋﻮﻧﻐﺎ ﻳﯧﺘﯩﭙﺘﯘ، ﺩﻩﭖ ﭘﯜﺗﯜﻥ ﻣﻪﻣﻠﯩﻜﻪﺗﻜﻪ ﭘﯘﺭ ﻛﻪﺗﻜﻪﻧﻨﻰ ﺋﺎﯕﻠﯩﻐﺎﻥ، ﺋﻪﻣﻤﺎ ﺋﺎﺧﯩﺮﻗﻰ ﻫﯧﺴﺎﭘﺘﺎ ﭘﻪﻗﻪﺕ ﺋﯜﭼﻼ ﺋﺎﺩﻩﻣﻨﻰ ﻧﻪﺱ ﺑﺎﺳﺘﯩﻐﯘ؟  ﻣﯧﻨﯩﯔ ﺑﯘ ﻛﯩﭽﯩﻜﻜﯩﻨﻪ ﺋﯩﺸﯩﻢ ﻗﺎﻧﭽﯩﻠﯩﻜﺘﻰ ﺩﻩﻳﺴﯩﺰ. ﺋﯘﻧﯩﯔ ﺋﯜﺳﺘﯩﮕﻪ ﺋﯧﻠﯩﻢ-ﺳﯧﺘﯩﻢ ﺩﯦﮕﻪﻥ ﺑﯩﺮ ﺗﯩﺠﺎﺭﻩﺕ ﺗﯘﺭﺳﺎ، ﺗﯩﺠﺎﺭﻩﺕ ﺩﯦﮕﻪﻧﺪﻩ ﺧﻪﯞﭖ ﺧﻪﺗﻪﺭ ﺑﻮﻟﯩﺪﯗﺩﻩ ﺋﻪﻟﯟﻩﺗﺘﻪ. ﺯﯨﻴﺎﻧﻨﯩﻼ ﺋﻮﻳﻠﯩﺴﺎ ﻗﺎﻧﺪﺍﻗﻤﯘ  ﺗﯩﺠﺎﺭﻩﺕ ﻗﯩﻠﻐﯩﻠﻰ ﺑﻮﻟﯩﺪﯗ؟
ﻣﻪﺑﻠﻪﻍ ﺳﺎﻟﻐﺎﻧﺪﯨﻜﻪﻥ ﺋﺎﻟﺪﻯ ﺑﯩﻠﻪﻥ ﺩﻩﺳﻤﺎﻳﯩﻨﻰ ﻗﺎﻳﺘﯘﺭﯗﯞﯦﻠﯩﺶ ﻛﯧﺮﻩﻙ، ﺋﺎﻧﺪﯨﻦ ﭘﺎﻳﺪﯨﻐﺎ ﻳﯜﺯﻟﯩﻨﯩﺪﯨﻐﺎﻥ ﮔﻪﭖ، ﺋﯘﻧﺪﺍﻕ ﺑﻮﻟﻤﯩﺴﺎ ﻗﺎﻧﺪﺍﻗﻤﯘ ﺗﯩﺠﺎﺭﻩﺕ ﺩﯦﮕﯩﻠﻰ ﺑﻮﻟﺴﯘﻥ. ﺑﯘﻧﯩﯖﻐﺎ ﺋﺎﻣﺎﻝ ﺗﺎﭘﺘﯩﭗ، ﺋﻪﻣﻪﻟﯩﻴﻪﺗﺘﻪ ﺑﯘ ﺋﺎﻣﺎﻟﻨﻰ ﻣﻪﻥ ﺗﺎﭘﻘﺎﻥ ﺋﻪﻣﻪﺱ، ﻫﻪﻣﻤﻪﻳﻠﻪﻥ ﺷﯘﻧﺪﺍﻕ ﻗﯩﻠﯩﺪﯨﻐﺎﻥ ﺗﯘﺭﺳﺎ، ﻣﯘﯞﻩﭘﭙﯩﻘﯩﻴﻪﺗﻠﯩﻚ ﺗﻪﺟﯩﺮﯨﺒﻪ ﺩﯦﮕﻪﻧﻨﻰ ﻗﻮﺑﯘﻝ ﻗﯩﻠﯩﺶ ﻛﯧﺮﻩﻛﺘﻪ. ﺋﺎﻟﺪﻯ ﺑﯩﻠﻪﻥ ﺋﻮﺗﺘﯘﺭﺍ ﻗﺎﺗﻼﻡ ﺭﻩﻫﺒﻪﺭﻟﻪﺭ ﺑﯩﻠﻪﻥ ﻣﯘﺋﺎﯞﯨﻨﻼﺭﻧﻰ ﺑﯩﺮ ﻗﯘﺭ ﺗﻪﯕﺸﻪﺵ ﻛﯧﺮﻩﻙ. ﺭﺍﺳﺘﯩﻤﻨﻰ ﺋﯧﻴﺘﺴﺎﻡ  ﺑﯘﺭﯗﻧﻘﻰ ﺑﯚﻟﯜﻡ ﺑﺎﺷﻠﯩﻘﯩﻤﯩﺰﻧﻰ ﻛﯚﺭﺳﻪﻣﻼ ﺧﯘﻳﯘﻡ ﺗﯘﺗﯩﺪﯗ، ﺋﯘﻧﯩﯔ ﺋﯩﺸﻠﯩﺮﻧﻰ ﺑﯩﻠﻤﻪﻱ ﻗﺎﻻﺗﺘﯩﻤﻤﯘ، ﺳﻮﯞﻏﺎ ﺳﺎﻻﻣﻼﺭﻧﻰ ﺑﯧﺮﯨﯟﯦﺮﯨﭗ، ﺋﺎﻟﺪﯨﻐﯩﻨﯩﻨﯩﯔ ﺗﺎﻳﯩﻨﻰ ﺑﻮﻟﻤﯩﻐﺎﭼﻘﯩﻼ ﺋﺎﭼﭽﯩﻘﯩﻨﻰ ﺑﯩﺰﺩﯨﻦ ﭼﯩﻘﯩﺮﺍﺗﺘﻰ، ﻫﯧﭽﮕﻪﭘﺘﯩﻦ ﻫﯧﭽﮕﻪﭖ ﻳﻮﻕ ﺑﯩﺰﻧﻰ ﺗﯩﻠﻼﭖ ﻛﯧﺘﻪﺗﺘﻰ. ﺋﻪﻣﺪﯨﺪﯨﭽﯘ، ﻣﻪﻥ ﻗﺎﻧﺪﺍﻕ ﺋﻪﺩﯨﭙﯩﻨﻰ ﺑﯧﺮﯨﻤﻪﻧﻜﻰ ﺋﯘﻧﯩﯔ. ﺋﺎﻟﺪﻯ ﺑﯩﻠﻪﻥ ﺑﯩﺮ ﻻﻳﯩﻬﻪﻧﻰ ﺋﻮﺗﺘﯘﺭﻏﺎ ﻗﻮﻳﯘﭖ ﺋﯩﺶ ﺋﻮﺭﻧﯩﻐﺎ ﻗﺎﻳﺘﯩﺪﯨﻦ ﺭﯨﻘﺎﺑﻪﺗﻠﯩﺸﯩﭗ ﭼﯩﻘﯩﺮﯨﻤﻪﻥ. ﻫﺎﺯﯨﺮﻗﻰ ﺋﻮﺭﻧﯩﻨﻰ ﺳﺎﻗﻼﭖ ﻗﺎﻟﻤﺎﻗﭽﯩﻤﯘ؟ ﻳﺎﻛﻰ ﺋﯩﺪﺍﺭﯨﻐﺎ ﻗﺎﺭﺍﺷﻠﯩﻖ ﺋﻮﺭﯗﻧﻐﺎ ﺑﺎﺷﻠﯩﻖ ﺑﻮﻟﻤﺎﻗﭽﯩﻤﯘ؟ ﻫﻪﻣﻤﯩﺴﯩﮕﻪ ﻣﺎﻗﯘﻝ، ﺑﯘﻧﯩﯖﺪﺍ ﺋﻪﻟﯟﻩﺗﺘﻪ ﻛﯩﻤﻨﯩﯔ "ﺋﯩﭙﺎﺩﯨﺴﻰ"ﻧﯩﯔ ﻳﺎﺧﺸﯩﻠﯩﻘﯩﻐﺎ ﻗﺎﺭﺍﻳﻤﻪﻧﺪﻩ.
ﺋﺎﺭﻗﯩﺪﯨﻨﻼ ﺑﺎﺭﻟﯩﻖ ﺧﺎﺩﯨﻤﻼﺭﻧﻰ ﺗﻪﻛﻠﯩﭗ ﺑﯩﻠﻪﻥ ﺋﯩﺸﻠﯩﺘﯩﺸﻨﻰ ﻳﻮﻟﻐﺎ ﻗﻮﻳﯩﻤﻪﻥ. ﻫﺎﺯﯨﺮﻗﻰ ﯞﺍﻗﯩﺘﺘﺎ ﻣﯘﻗﯩﻢ ﺑﯩﺮ ﺧﯩﺰﻣﻪﺗﻨﯩﯔ ﺑﻮﻟﯩﺸﻰ ﺋﺎﺳﺎﻥ ﺋﯩﺶ ﺋﻪﻣﻪﺱ، ﺑﻮﻟﯘﭘﻤﯘ ﺑﯩﺰﻧﯩﯔ ﺋﯩﺪﺍﺭﯨﺪﻩﻙ ﻣﯘﺷﯘﻧﺪﺍﻕ ﺑﺎﺷﻘﯩﻼﺭﻧﯩﯔ ﻛﯚﺯﻯ ﻗﯩﺰﯨﺮﯨﺪﯨﻐﺎﻥ ﺋﯩﺪﺍﺭﯨﻼﺭﺩﺍ ﺗﯧﺨﯩﻤﯘ ﺷﯘﻧﺪﺍﻕ. ﺋﯩﻠﮕﯩﺮﻯ ﻫﻪﺭ ﻗﯧﺘﯩﻢ ﺗﻪﻛﻠﯩﭗ ﻗﯩﻠﯩﺶ ﺑﺎﺷﻼﻧﻐﺎﻧﺪﺍ ﻫﯧﻠﻰ ﺋﯘ ﺑﺎﺷﻠﯩﻘﻨﯩﯔ، ﻫﯧﻠﻰ ﺑﯘ ﺑﺎﺷﻠﯩﻘﻨﯩﯔ ﺋﯚﻳﯩﮕﻪ ﻗﺎﺗﺮﺍﯞﺍﺗﻘﺎﻥ، ﻳﯩﻞ ﺋﺎﺧﯩﺮﯨﺪﺍ ﺋﺎﺗﺎ-ﺋﺎﻧﺎﻣﻐﺎ ﯞﺍﭘﺎﺩﺍﺭﻟﯩﻘﯩﻤﻨﻰ ﺑﯩﻠﺪﯛﺭﯛﺵ ﺋﯜﭼﯜﻥ ﻳﯩﻐﯩﭗ ﻗﻮﻳﻐﯩﻨﯩﻤﻨﯩﻤﯘ ﺑﺎﺷﻠﯩﻘﻼﺭﻏﺎ ﺳﻮﯞﻏﯩﻐﺎ ﺑﯧﺮﯨﯟﯦﺘﯩﭗ ﺑﺎﺭﻏﺎﻥ. ﺋﻪﻣﺪﻯ ﻳﺎﺧﺸﻰ ﺑﻮﻟﺪﻯ، ﻧﯚﯞﻩﺕ ﻣﺎﯕﯩﻤﯘ ﻛﻪﭖ ﻗﺎﻟﺪﻯ، ﻣﻪﻧﻤﯘ ﺑﺎﺷﻘﯩﻼﺭﺩﻩﻙ "ﺧﺎﺩﯨﻤﻼﺭﻧﻰ ﻗﯩﺴﻘﺎﺭﺗﯩﭗ، ﺋﯜﻧﯜﻣﻨﻰ ﺋﺎﺷﯘﺭﯗﺵ" ﺗﻪﺩﺑﯩﺮﯨﻨﻰ ﻳﻮﻟﻐﺎ ﻗﻮﻳﺎﻳﭽﯘ. ﻧﻪﭼﭽﻪ ﻳﯩﻠﻨﯩﯔ ﺋﺎﻟﺪﯨﺪﺍ ﺧﯧﺒﯧﻲ ﺋﯚﻟﻜﯩﺴﻰ ﺑﺎﯞﺩﯨﯔ ﺷﻪﻫﺮﯨﻨﯩﯔ ﭼﯜﻳﺎﯓ ﻧﺎﻫﯩﻴﯩﺴﻰ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﺑﺎﺷﯩﻠﯩﻘﻰ ﺗﻪﻛﻠﯩﭗ ﻗﯩﻠﯩﺸﻨﻰ ﻳﻮﻟﻐﺎ ﻗﻮﻳﯘﭖ 16ﻛﯜﻧﺪﻩ 600 ﻣﯩﯔ ﻳﯜﻩﻥ ﻗﻮﺑﯘﻝ ﻗﯩﻠﯩﭗ ﺯﻭﺭ ﺑﺎﻳﻠﯩﻘﻘﺎ ﺋﯧﺮﯨﺸﯩﺶ ﺑﯩﻠﻪﻥ ﺑﯩﺮﮔﻪ ﺋﯘﻧﯩﯔ "ﺭﯨﻘﺎﺑﻪﺗﻠﻪﺷﺘﯜﺭﯛﭖ ﺋﯩﺶ ﺋﻮﺭﻧﯩﻐﺎ ﻗﻮﻳﯘﺵ" ﺋﯩﺶ-ﺋﯩﺰﻟﯩﺮﻯ ﺑﯩﺮ ﻣﻪﺯﮔﯩﻞ ﺑﺎﯞﺩﯨﯔ ﺷﻪﻫﺮﯨﺪﻩ ﺋﯜﻟﮕﯩﻠﯩﻚ ﺋﯩﺶ ﺋﯩﺰﻻﺭ ﻗﺎﺗﺎﺭﯨﺪﺍ ﺋﯚﮔﯩﻨﯩﺸﻜﻪ ﭼﺎﻗﯩﺮﯨﻖ ﻗﯩﻠﯩﻨﻐﺎﻧﯩﺪﻯ. ﺋﯩﺶ ﺋﻮﯕﻐﺎ ﺗﺎﺭﺗﯩﭗ ﻗﺎﻟﺴﺎ ﻣﻪﻧﻤﯘ ﺋﯩﺴﻼﻫﺎﺗﻨﯩﯔ ﺋﯜﻟﮕﯩﺴﻰ ﺑﻮﻟﯘﭖ ﻗﺎﻟﺴﺎﻡ ﺋﻪﺟﻪﭖ ﺋﻪﻣﻪﺱ. ﺋﯘﻧﺪﺍﻕ ﺑﻮﭖ ﻗﺎﻟﺴﺎ ﻧﺎﻡ-ﺋﻪﻣﻪﻝ، ﭘﺎﻳﺪﺍ ﻣﻪﻧﭙﯩﺌﻪﺕ ﻗﻮﺷﻼﭖ ﭘﺎﻳﺪﺍ ﺑﻮﻟﯩﺪﯗﺩﻩ، ﺋﻪﻣﻪﻟﺪﺍﺭ ﺑﻮﻟﺴﺎ ﻧﯧﻤﻪ ﺩﯦﮕﻪﻥ ﻳﺎﺧﺸﻰ.
ﺋﯩﺪﺍﺭﯨﻨﯩﯔ ﺧﯩﺰﻣﻪﺕ ﺑﯩﻨﺎﺳﯩﻤﯘ ﻛﻮﻧﯩﺮﺍﭖ ﻗﺎﻟﺪﻯ، ﺋﺎﻣﺎﻝ ﻗﯩﻠﯩﭗ ﻳﯧﯖﯩﻼﺵ ﻛﯧﺮﻩﻙ. ﺋﺎﺯﺭﺍﻕ ﻧﻪﺗﯩﺠﻪ ﻳﺎﺭﺍﺗﻤﯩﺴﺎﻡ ﺑﻮﻟﻤﺎﺱ، ﺑﯘ ﺩﯦﮕﻪﻥ ﺋﻮﺭﮔﺎﻧﻨﯩﯔ ﺋﻮﺑﺮﺍﺯﯨﻐﺎ ﺗﺎﻗﯩﻠﯩﺪﯨﻐﺎﻥ ﺋﯩﺶ ﺗﯘﺭﺳﺎ. ﺋﯘﻧﯩﯔ ﺋﯜﺳﺘﯩﮕﻪ ﻣﯘﻧﺪﺍﻕ ﺋﻪﺳﻜﻰ ﺧﯩﺰﻣﻪﺕ ﺑﯩﻨﺎﺳﯩﺪﺍ ﺋﯩﺸﻠﻪﯞﻩﺭﺳﻪﻙ ﺑﯘ ﻳﻪﺭﮔﻪ ﺋﯩﺶ ﺑﯧﺠﯩﺮﮔﯩﻠﻰ ﻛﻪﻟﮕﻪﻥ ﭘﯘﻗﺮﺍﻻﺭﻏﯩﻤﯘ ﻳﺎﺧﺸﻰ ﺗﻪﺳﯩﺮ ﺑﻪﺭﻣﻪﻳﺪﯗ-ﺩﻩ.  ﭘﯘﻝ ﻳﻮﻕ، ﺩﯦﺪﯨﯖﯩﺰﻣﺎ؟ ﺋﯜﭼﯩﻨﭽﻰ ﻛﻪﺳﭙﺘﯩﻜﯩﻠﻪﺭ ﻧﯧﻤﻪ ﺋﯩﺶ ﻗﯩﻠﯩﺪﯗ، ﻗﻮﻝ ﺋﺎﺳﺘﯩﻤﯩﺰﺩﯨﻜﻰ ﺋﻮﺭﯗﻧﻼﺭﭼﯘ؟ ﻗﻮﻟﺪﯨﻜﻰ ﻫﻮﻗﯘﻗﻨﻰ ﻧﯧﻤﯩﮕﻪ ﺋﯩﺸﻠﯩﺘﻪﺗﺘﯩﻢ؟ ﭘﯘﻝ ﺑﻮﻟﻤﯩﺴﯩﻤﯘ ﻫﯚﺩﺩﯨﮕﻪﺭﻟﻪﺭ ﺗﺎﻟﯩﺸﯩﭗ ﻗﯩﻠﯩﯟﯦﺮﯨﺪﯗ. ﺋﺎﻟﺘﻪ ﻣﯩﻠﻴﻮﻥ ﻳﯜﻩﻥ ﻣﻪﺑﻠﻪﻍ ﺳﯧﻠﯩﻨﯩﺪﯨﻐﺎﻥ ﻗﯘﺭﯗﻟﯘﺵ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯘﻧﯩﯖﻐﺎ ﻳﯩﮕﯩﺮﻣﻪ ﭘﯩﺮﺳﻪﻧﺖ ﭼﺎﻱ ﭘﯘﻟﻰ ﻛﯧﻠﯩﺪﯗ، ﺩﯦﮕﻪﻥ ﮔﻪﭖ! ﺑﻮﻟﺪﻯ ﻗﯩﻼﻱ ﻫﻪﻣﻤﯩﻨﻰ ﺩﻩﭖ ﻗﻮﻳﺴﺎﻡ ﺑﻮﻟﻤﺎﺱ.
ﺗﺎﭘﻘﺎﻥ ﭘﺎﻳﺪﯨﻨﯩﯔ ﻫﻪﻣﻤﯩﻨﻰ ﺑﺎﻧﻜﯩﻐﺎ ﻗﻮﻳﻐﯩﻠﻰ ﺑﻮﻟﻤﺎﻳﺪﯗ، ﭼﯜﻧﻜﻰ ﻫﺎﺯﯨﺮ ﺑﺎﻧﻜﯩﻼﺭﺩﺍ ﻫﻪﻗﯩﻘﯩﻲ ﺋﯩﺴﯩﻢ ﺑﯩﻠﻪﻥ ﺋﺎﻣﺎﻧﻪﺕ ﻗﻮﻳﯘﺵ ﺗﯜﺯﯛﻣﻰ ﻳﻮﻟﻐﺎ ﻗﻮﻳﯘﻟﯩﺪﯗ، ﺋﯘﻧﺪﺍﻕ ﻗﻮﻳﻐﺎﻧﺪﺍ ﻛﯧﻴﯩﻦ ﭼﺎﺗﺎﻕ ﭼﯩﻘﯩﭗ ﻗﺎﻟﯩﺪﯨﻐﺎﻥ ﮔﻪﭖ. ﺑﯩﺮﻧﻪﭼﭽﻪ ﺗﯘﻗﻘﺎﻧﻨﯩﯔ ﻧﺎﻣﯩﻐﺎ ﻛﯚﭘﺮﻩﻙ ﺋﯚﻱ ﺳﯧﺘﯩﯟﺍﻟﻐﺎﻥ ﻳﺎﺧﺸﻰ، ﺑﻪﺭﯨﺒﯩﺮ ﺋﯚﻱ-ﻣﯜﻟﯜﻙ ﻛﯧﻨﯩﺸﻜﯩﺴﻰ ﻗﻮﻟﺪﺍ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯘﻻﺭﻧﯩﯔ ﺗﯧﻨﯩﯟﯦﻠﯩﺸﯩﺪﯨﻦ ﻗﻮﺭﻗﯘﺷﻨﯩﯔ ﻫﺎﺟﯩﺘﻰ ﻳﻮﻕ. ﺋﯘﻻﺭﻧﯩﯔ ﺧﯩﺰﻣﻪﺕ ﺋﯩﺸﻠﯩﺮﯨﻨﻰ ﺋﺎﺯﺗﻮﻻ ﻫﻪﻝ ﻗﯩﻠﯩﭗ ﺑﻪﺭﺳﻪﻣﻼ ﺋﯘﻻﺭ ﻛﺎﺗﺘﺎ ﺧﻮﺵ ﺑﻮﻟﯘﭖ ﻣﺎﯕﺎ ﺑﺎﺵ ﻗﻮﻳﯩﺪﯗ، ﺋﯘﻧﺪﺍﻕ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﺎﯞﺍﺭﯨﭽﯩﻠﯩﻖ ﺗﯧﭙﯩﭗ ﺑﻪﺭﻣﻪﻳﺪﯗﺩﻩ. ﻗﺎﻟﻐﺎﻥ ﭘﯘﻟﻨﻰ ﺧﻮﺗﯘﻧﻐﺎ ﺳﺎﻗﻼﺷﻘﺎ ﺑﯧﺮﯨﻤﻪﻥ، ﺑﯘ ﺧﻮﺗﯘﻥ ﺩﯦﮕﻪﻥ ﺑﯩﻠﻪﻥ ﻛﯜﻥ ﺋﯚﺗﻜﯜﺯﯛﺷﻜﻪ ﺧﯧﻠﻰ ﭘﯘﺧﺘﺎ، ﺑﻪﺗﺨﻪﺟﻠﯩﻚ ﻗﯩﻠﻤﺎﻳﺪﯗ.
ﺋﯩﺸﺨﺎﻧﯩﺪﯨﻜﻰ ﺷﺎﯞﺟﺎﯞ ﺧﯧﻠﻰ ﺑﻮﻟﯩﺪﯨﻐﺎﻥ ﻗﯩﺰ، ﻗﺎﻧﺪﺍﻕ ﻗﺎﺭﯨﺴﯩﯖﯩﺰ 《ﺋﻪﺭﺵ ﺋﻪﺟﺪﯨﻬﺎﺳﻰ》ﻓﯩﻠﯩﻤﯩﺪﯨﻜﻰ ﯞﺍﯓ ﻳﯜﺟﯜ ﮔﯩﻼ ﺋﻮﺧﺸﺎﻳﺪﯗ، ﺋﺎﺩﻩﺗﺘﻪ ﭼﺎﻗﭽﺎﻕ ﻗﯩﻠﯩﭗ ﻗﻮﻳﺴﺎﻣﻤﯘ ﻛﯚﺯﻟﯩﺮﯨﻨﯩﯔ ﭘﺎﺧﺘﯩﺴﯩﻨﻰ ﭼﯩﻘﯩﺮﯨﭗ ﻫﻮﻣﯩﻴﺎﺗﺘﻰ. ﺭﺍﺳﺖ ﺋﻪﻣﻪﺳﻤﯘ ﺋﯘ ﺩﯦﮕﻪﻥ ﺋﺎﻟﺪﯨﻐﺎ، ﻳﯘﻗﯘﺭﯨﻐﺎ ﺗﯩﻜﯩﻠﯩﺪﯨﻐﺎﻥ، ﺋﺎﻛﺘﯩﭙﻠﯩﻖ ﺑﯩﻠﻪﻥ ﺋﺎﻟﻐﺎ ﺑﯧﺴﯩﺸﻘﺎ ﺋﯩﻨﺘﯩﻠﯩﯟﺍﺗﻘﺎﻥ ﺗﯘﺭﺳﺎ ﻣﺎﯕﺎ ﻗﺎﺭﺍﻳﺘﺘﯩﻤﯘ. ﺋﻪﻣﺪﻯ ﺑﯘﻧﯩﯖﻐﺎ ﺋﺎﻣﺎﻝ ﻗﯩﻠﯩﺶ ﻛﯧﺮﻩﻙ. ﺋﺎﻟﺪﻯ ﺑﯩﻠﻪﻥ ﺋﯘﻧﯩﯔ ﺗﻮﻣﯘﺭﯨﻨﻰ ﺗﯘﺗﯘﭖ ﺑﯧﻘﯩﺶ ﻛﯧﺮﻩﻙ، ﺑﯩﺮﻩﺭ ﻛﯩﭽﯩﻚ ﻣﻪﻧﺴﻪﭖ ﺑﻪﺭﺳﻪﻣﻤﯘ ﺑﻮﻟﯩﺪﯗ،  ﭘﻪﻗﻪﺕ ﺑﻮﻟﻤﯩﺴﺎ ﺋﯚﺯﯛﻣﮕﻪ ﻳﺎﺭﺩﻩﻣﭽﻰ ﻗﯩﻠﯩﯟﺍﻟﺴﺎﻣﻤﯘ ﺑﻮﻟﯩﺪﯗ، ﺑﯘﻧﯩﯖﻐﺎ ﺋﯘﻧﯩﻤﺎﻱ ﻫﻪﺩﺩﯨﻤﯘ. ﺋﺎﭘﻼ، ﺧﻮﺗﯘﻥ ﺑﯩﻠﯩﭗ ﻗﺎﻟﺴﺎ ﻗﺎﻧﺪﺍﻕ ﻗﯩﻠﻐﯘﻟﯘﻕ، ﺑﯘﻧﯩﯖﻐﺎ ﺯﯨﺨﻤﯘ ﻛﯚﻳﻤﻪﻳﺪﯨﻐﺎﻥ، ﻛﺎﯞﺍﭘﻤﯘ ﻛﯚﻳﻤﻪﻳﺪﯨﻐﺎﻥ ﺑﯩﺮ ﺋﺎﻣﺎﻟﻨﻰ ﺗﯧﭙﯩﺶ ﻛﯧﺮﻩﻙ.
ﻳﯧﻘﯩﻤﻠﯩﻖ 《ﺋﯜﭺ ﮔﯚﯞﻫﻪﺭ》ﻧﺎﺧﺸﺎ ﺳﺎﺩﺍﺳﻰ ﺗﻮﺳﺎﺗﺘﯩﻦ  ﻳﺎﯕﺮﺍﭖ ﻛﻪﺗﺘﻰ، ﺳﯩﻠﻜﯩﻨﮕﯩﻨﯩﻤﭽﻪ ﻛﯚﺯﯛﻣﻨﻰ ﺋﺎﭼﺴﺎﻡ ﺋﻪﺳﻠﻰ ﻗﻮﻝ ﺗﯧﻠﯧﻔﻮﻧﯘﻣﻨﯩﯔ ﻗﻮﯕﻐﯘﺭﯨﻘﻰ ﺳﺎﻳﺮﺍﯞﯦﺘﯩﭙﺘﯘ، ﻣﺎ ﺋﯩﺸﻨﻰ ﻛﯚﺭﯛﯓ، ﺗﺎﺱ ﻗﺎﭘﺘﯩﻤﻪﻥ ﺋﯘﺧﻼﯞﯦﺮﯨﭗ ﺋﯩﺸﻘﺎ ﻛﯧﭽﯩﻜﻜﯩﻨﻰ. ﺩﻩﺱ ﺋﻮﺭﻧﯘﻣﺪﯨﻦ ﺗﯘﺭﺩﯗﻣﺪﻩ، ﻳﯜﺯ-ﻛﯚﺯﻟﯩﺮﯨﻤﻨﻰ ﻳﯘﻳﯘﭖ ﭼﯩﺸﻠﯩﺮﯨﻤﻨﻰ ﭼﻮﺗﻜﯩﻼﭖ، ﭼﺎﻻ-ﺑﯘﻻ ﻧﺎﺷﺘﺎ ﻗﯩﻠﺪﯨﻤﺪﻩ ﻫﺎﭘﺎﻻ-ﺷﺎﭘﯩﻼ ﺋﯩﺸﻘﺎ ﻣﺎﯕﺪﯨﻢ. ﺗﯧﺰ ﺭﻩﻙ ﻣﯧﯖﯩﺸﯩﻢ ﻛﯧﺮﻩﻙ، ﻛﯩﭽﯩﻜﯩﭗ ﻗﺎﻟﺴﺎﻡ ﺑﯚﻟﯜﻡ ﺑﺎﺷﻠﯩﻘﯩﺪﯨﻦ ﺗﯩﻞ ﺋﯩﺸﯩﺘﯩﺪﯨﻐﺎﻥ ﮔﻪﭖ.
_ ﺋﯩﺸﺘﯩﻦ ﭼﯜﺷﻜﻪﻧﺪﻩ ﻛﺎﺭﺗﯩﻐﺎ ﻣﺎﺋﺎﺵ ﻛﯩﺮﺩﯨﻤﯘ ﺩﯨﻘﻘﻪﺕ ﻗﯩﻠﯩﯔ، ﻣﺎﺋﺎﺵ ﻛﯩﺮﮔﻪﻥ ﺑﻮﻟﺴﺎ ﻣﯘﺷﯘ ﺋﺎﻳﻠﯩﻖ ﻗﺎﻳﺘﯘﺭﯨﺪﯨﻐﺎﻥ ﺋﯚﻱ ﻗﻪﺭﺯﯨﻨﻰ ﺗﯚﻟﯩﯟﯦﺘﯩﯔ.
ﭘﻪﻟﻪﻣﭙﻪﻳﺪﯨﻦ ﭼﯜﺷﯜﯞﺍﺗﺴﺎﻡ ﺋﺎﻳﺎﻟﯩﻤﻨﯩﯔ ﺟﯧﻜﯩﻠﯩﮕﻪﻥ ﺋﺎﯞﺍﺯﻯ ﺋﺎﯕﻼﻧﺪﻯ.

ﺟﯘﯕﮕﻮ ﻓﯧﻠﻴﻪﺗﻮﻥ ﺗﻮﺭﯨﺪﯨﻦ ﺋﺎﺑﺪﯗﺷﯜﻛﯜﺭ ﺋﺎﺑﺪﯗﻛﯧﺮﯨﻢ ﺋﺎﺭﻏﯘ ﺗﻪﺭﺟﯩﻤﯩﺴﻰ