فېليەتون بلوگى

版权声明：转载时请以超链接形式标明文章原始出处和作者信息及本声明
logs/40716400.html

ﻳﯧﯖﻰ ﺋﻪﺳﻜﻪر
[ﺋﺎﻣﯧﺮﯨﻜﺎ] ﮔﯧﺮﯨﮕﻮرى ﻛﺮﯨﺴﺘﯩﻴﺎﻧﻮ

1942_ﻳﯩﻠﻰ ﻛﯜز، ﮔﯧﻨﯩﺮال دوﮔﻼس ﻣﺎﻛﺎرﺗﻮرﻧﯩﯔ ﺑﯩﺮ ﻗﯩﺴﻤﻰ ﻳﯧﯖﻰ ﮔﯩﯟﯨﻨﯩﻴﯩﺪە ﻳﺎﭘﻮن ﺋﺎرﻣﯩﻴﯩﺴﻰ ﺑﯩﻠﻪن ﺗﯘﺗﯘﺷﯘپ ﻗﺎﻟﺪى. ﻳﺎﭘﻮﻧﻼرﻧﯩﯔ ﻗﻮرال ﺟﺎﺑﺪۇﻗﻠﯩﺮى ﺳﻪرﺧﯩﻞ ﺑﻮﻟﯘپ، ﺋﺎﻳﺮۇﭘﻼن، ﺗﺎﻧﻜﺎ، زەﻣﺒﯩﺮەك دﯦﮕﻪﻧﺪەﻛﻠﻪرﻧﯩﯔ ﮬﻪﻣﻤﯩﺴﻰ ﺑﺎر ﺋﯩﺪى. ﺋﻪﻣﻤﺎ ﺑﯘ ﻳﻪردﯨﻜﻰﺋﺎﻣﯧﺮﯨﻜﺎ ﺋﺎرﻣﯩﻴﯩﺴﻰ ﺑﻮﻟﺴﺎ ﻳﯧﯖﻰ ﺋﻪﺳﻜﻪرﻟﻪردﯨﻦ ﺗﻪﺷﻜﯩﻠﻠﻠﻪﻧﮕﻪن ﻗﯩﺴﯩﻢ ﺋﯩﺪى! ﺋﯜﭼﯩﻨﭽﻰﺑﻪﻧﻨﯩﯔ ﻛﻮﻣﺎﻧﺪﯨﺮى ﺳﯧﺮژاﻧﺖ ﻻرى ﺗﺎك ﻛﻪﺳﭙﯩﻲ ﮬﻪرﺑﻰ ﺑﻮﻟﻐﺎﭼﻘﺎ ﻛﯜچ ﺳﯧﻠﯩﺸﺘﯘرﻣﯩﺴﻰ زور ﭘﻪرﻗﯩﻠﯩﻖ ﺑﻮﻟﻐﺎن ﺑﯘ ﺋﯘرۇﺷﺘﺎ ﭘﻪﻗﻪت ﻗﯩﺴﯩﻤﻨﻰ ﭼﯧﻨﯩﻘﺘﯘرۇش ﻣﻪﻗﺴﯩﺘﯩﮕﯩﻼ ﻳﻪﺗﻜﯩﻠﻰﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺑﺪان ﺑﯩﻠﻪﺗﺘﻰ.
ﺋﯜﭼﯩﻨﭽﻰ ﺑﻪن ﻗﯧﻠﯩﻦ ﺋﻮرﻣﺎﻧﻠﯩﻖ ﺋﯩﭽﯩﺪە ﻳﺎﭘﻮﻧﻼر ﺑﯩﻠﻪن دوﻗﯘرۇﺷﯘپ ﻗﺎﻟﺪﯨﺪە، ﻳﺎﭘﻮﻧﻼر ﺑﯩﻠﻪن ﻳﯧﻘﯩﻦ ﺋﺎرﯨﻠﯩﻘﺘﺎ ﺋﯘرۇش ﻗﯩﻠﯩﺸﻘﺎ ﻣﻪﺟﺒﯘر ﺑﻮﻟﺪى.
ﺳﯧﺮژاﻧﺖ ﻗﻮرﻗﻘﯩﻨﯩﺪﯨﻦ دﯦﻠﯩﻐﯘﻟﺪى ﺑﻮﻟﯘپ ﺗﯘرﻏﺎن ﺑﯩﺮ ﻳﯧﯖﻰ ﺋﻪﺳﻜﻪرﮔﻪ ﺋﯜﻧﻠﯜك ﺋﺎۋازدا ﺗﻪﻧﺒﯩﮫ ﺑﯧﺮﯨﯟاﺗﺎﺗﺘﻰ.
_ ﺳﻮﻟﺘﻪك، ﻳﺎ ﻳﺎﭘﻮﻧﻼر ﺑﯩﻠﻪن ﺟﺎن ﺗﯩﻜﯩﭗ ﺋﯧﻠﯩﺶ، ﻳﺎﻛﻰ ﻣﻪن ﺑﯩﻠﻪن ﺗﯘﺗﯘش، ﺋﻮﻳﻠﯩﺸﯩﭙﺮاق ﺋﯩﺶ ﻗﯩﻼرﺳﻪن، _ دﯦﺪى ﺋﯘ ﻳﯧﯖﻰ ﺋﻪﺳﻜﻪرﻧﯩﯔ ﻳﺎﻗﯩﺴﺪﯨﻦ ﺗﯘﺗﯘپ ﺗﯘرۇپ.
ﺳﯧﺮژاﻧﺖ ﺗﺎك ﺋﻪﺳﻜﻪرﻟﯩﺮﯨﮕﻪ ﺑﻪك ﻗﺎﺗﺘﯩﻖ ﺗﻪﻟﻪپ ﻗﻮﻳﺎﺗﺘﻰ، ﺋﯘ ﺋﻪﺳﻜﻪرﻟﻪرﻧﻰ ﭼﯩﯔ ﺗﯘﺗﯘپ ﺗﻪﻟﯟﯨﻠﻪﺷﺘﯜرﯨﯟەﺗﺴﻪم، دۈﺷﻤﻪﻧﻠﻪردﯨﻦ ﻗﻮرﻗﻤﯩﻐﯘدەك ﺑﻮﻟﺴﯩﻜﻪن دەﻳﺘﺘﻰ.
_ ﻳﺎﭘﻮن ﺋﻪﺳﻜﻪرﻟﯩﺮى ﻛﯧﭽﯩﺪە ﻗﯘۋﻟﯘق ﻗﯩﻠﯩﺸﯩﺪۇ، ﺋﯘﻻر ﺋﯚزﻟﯩﺮﯨﻨﻰ ﻳﺎرﯨﻼﻧﻐﺎن ﺋﺎﻣﯧﺮﯨﻜﺎﺋﻪﺳﻜﯩﺮى دەۋﯦﻠﯩﭗ، ﺑﯩﺰدﯨﻦ ﻳﺎردەم ﺗﻪﻟﻪپ ﻗﯩﻠﯩﺪۇ. ﺑﯘ ﺋﻪﺑﻠﻪﺧﻠﻪر ﺋﻮﻳﯘن ﻗﻮﻳﯘﺷﻘﺎ ﺑﻪك ﻣﺎﮬﯩﺮ، ﮬﻪرﮔﯩﺰﻣﯘ ﺋﺎﻟﺪﯨﻨﯩﭗ ﻗﺎﻟﻤﺎ... ﺋﺎﻛﻮﭘﺘﯩﻦ ﭼﯩﻘﺘﯩﯖﻤﯘ، ﺋﯚﻟﮕﯩﻨﯩﯔ ﺷﯘ، ﺋﻪﻟﯟەﺗﺘﻪﻳﺎﭘﻮﻧﻠﯘق ﺋﻮﻗﯩﻨﻰ ﺗﻪﻛﻜﯜزەﻟﻤﯩﺴﻪ ﺋﯘ ﺳﯧﻨﯩﯔ ﺗﻪﻟﯩﻴﯩﯔ، ﻛﯧﺴﯩﭗ ﺋﯧﻴﺘﺎﻻﻳﻤﻪﻧﻜﻰ، ﺋﯘﻻرﻧﯩﯔﮬﻪﻣﻤﯩﺴﻰ ﻣﻪرﮔﻪن.
ﻗﺎراﯕﻐﯘ ﻛﯧﭽﻪ ﻳﯧﯖﻰ ﺋﻪﺳﻜﻪرﻟﻪرﮔﻪ ﻧﯩﺴﺒﻪﺗﻪن ﺋﻪڭ ﻗﺎﺑﺎﮬﻪﺗﻠﯩﻚ ﭼﺎﻏﻼر ﮬﯧﺴﺎﺑﻠﯩﻨﺎﺗﺘﻰ، ﺋﯘﻻر ﭘﻪﻗﻪت ﺋﺎزراق ﻣﻪﺷﻘﻠﻪﻧﺪۈرۈﻟﯜﭘﻼ ﺑﯘ ﺟﻪڭ ﻣﻪﻳﺪاﻧﯩﻐﺎ ﺋﻪۋەﺗﯩﻠﮕﻪن ﺋﯩﺪى.
ﺗﺎﻛﻨﯩﯔ ﺋﯧﻴﺘﻘﯩﻨﻰ ﺗﻮﻏﺮا ﭼﯩﻘﺘﻰ، ﻛﯧﭽﯩﺪە ﻳﯩﺮاﻗﺘﯩﻦ ﻳﺎردەم ﺗﻪﻟﻪپ ﻗﯩﻠﻐﺎن ﺋﺎۋاز ﺋﺎﯕﻼﻧﺪى. ﻳﺎﭘﻮﻧﻼر ﺋﺎﻣﯧﺮﯨﻜﺎ ﺗﻪﻟﻪﭘﭙﯘزﯨﺪا ﻗﯩﻠﭽﻪ ﭼﺎﻧﺪۇرﻣﺎي ﺳﯚزﻟﻪﻳﺘﺘﻰ، ﺳﯧﺮژاﻧﺖ ﺗﺎك ﺗﯚۋەن ﺋﺎۋازدا ﺋﻪﺳﻜﻪرﻟﯩﺮﯨﻨﻰ ﺟﺎﻳﯩﺪا ﻣﯩﺪﯨﺮ ﻗﯩﻠﻤﺎﺳﻠﯩﻘﻘﺎ ﺑﯘﻳﺮﯨﺪى. ﮬﻪر ﻗﯧﺘﯩﻢ ﻳﺎﻟﻐﺎﻧﺪﯨﻦﺋﺎﻣﯧﺮﯨﻜﯩﻠﯩﻖ ﻳﺎرﯨﺪار ﺋﻪﺳﻜﻪر ﺑﻮﻟﯩﯟاﻟﻐﺎن ﻳﺎﭘﻮن ﺋﻪﺳﻜﯩﺮى ﻛﯧﻠﯩﺸﯩﮕﯩﻼ ﺋﯘ ﮔﺮاﻧﺎﺗﺘﯩﻦ ﺑﯩﺮﻧﻰﺋﺎۋاز ﻛﻪﻟﮕﻪن ﺗﻪرەﭘﻜﻪ ﺋﺎﺗﺎﺗﺘﻰ.
_ ﺗﺎك ﺋﯘﻻرﻧﯩﯔ ﻳﺎﭘﻮن ﺋﻪﺳﻜﯩﺮى ﺋﯩﻜﻪﻧﻠﯩﻜﯩﻨﻰ ﺋﯘ ﻗﺎﻧﺪاق ﺑﯩﻠﯩﺪۇ، _ دەپ ﻏﯘدۇرﯨﺪى ﺑﯩﺮﺋﻪﺳﻜﻪر. ﺳﯧﺮژاﻧﺖ ﺋﯘﻧﯩﯖﻐﺎ ﻗﺎراپ ﺑﯩﺮﻧﻰ ﺋﺎﻟﯩﻴﯩﭗ ﻗﻮﻳﺪى.
ﺑﺎﺷﻠﯩﻖ ﺋﻪﺳﻜﻪرﻟﯩﺮﯨﮕﻪ ﺋﯚزﻟﯩﺮﯨﻨﻰ ﺋﺎﺷﻜﺎرﯨﻼپ ﻗﻮﻳﻤﺎﺳﻠﯩﻖ ﺗﻮﻏﺮﯨﺴﺪا ﺗﻮﺧﺘﯩﻤﺎي ﺋﻪﺳﻜﻪرﺗﯩﭗﺗﯘردى، ﺋﺎﻧﺪﯨﻦ ﺑﯩﺮ ﺋﻪﺳﻜﻪرﮔﻪ ﺋﯧﻐﯩﺮ ﭘﯩﻠﻤﯘﺗﻨﻰ ﺗﻪﻗﻠﻪﺷﻜﻪ ﺑﯘﻳﺮﯨﺪى.
_ ﺳﻮﻧﻰ، ﺳﻪن ﺗﻮﺧـﺘﯩﻤﺎﺳﺘﯩﻦ ﺋﺎﻟﺪﯨﻐﺎ ﻳﯜﮔﯜر، _ دﯦﺪى ﺳﯧﺮژاﻧﺖ ﺳﻮﻧﯩﻐﺎ ﻗﺎراپ _ ﮬﻪر ﻗﺎﻧﺪاق ﺋﯩﺶ ﻳﯜز ﺑﯧﺮﯨﺸﯩﺪﯨﻦ ﻗﻪﺗﺌﯩﻴﻨﻪزەر ﮬﻪرﮔﯩﺰ ﺗﻮﺧﺘﺎپ ﻗﺎﻟﻤﺎ! ﻗﺎﺗﺘﯩﻖ ﺋﻮت ﻛﯜﭼﻰ ﺑﯩﻠﻪن ﺳﯧﻨﻰ ﻗﻮﻏﺪاﻳﻤﯩﺰ، _ﺋﯘ ﺋﯘﻧﯩﯔ دوﻟﯩﺴﯩﻐﺎ ﺋﯘرۇپ ﺗﻮۋﻟﯩﺪى _ ﻳﯜﮔﯜر!
ﺳﻮﻧﻰ ﻳﯜﮔﯜرۈپ ﻳﯩﺮاﻗﻘﺎ ﺑﺎرﻣﺎﻳﻼ ﺋﺎﻟﺪﯨﻐﺎ ﻳﯩﻘﯩﻠﺪى. ﺋﻪﮔﻪر ﺋﯘﻧﻰ ﻗﯘﺗﯘﻟﺪۇرﻣﯩﺴﺎﺋﺎﻟﯟاﺳﺘﯩﻼرﻧﯩﯔ ﺋﯘﻧﻰ ﮬﯚﺗﻤﻪ_ﺗﯚﺷﯜك ﻗﯩﻠﯩﯟﯦﺘﯩﺸﻰ ﺳﯧﺮژاﻧﺘﻘﺎ ﺋﺎﻳﺎن ﺋﯩﺪى. ﺳﯧﺮژاﻧﺖ ﺗﺎك ﻣﯩﻼدﺷﻰ ﺳﯧﺮژاﻧﺖ ﺋﺎﻟﻠﯧﻨﻐﺎ ﻗﺎراپ ﻣﯘﻧﺪاق دﯦﺪى:
_ ﻣﯩﻼدﺷﻰ ﺳﯧﺮژاﻧﺖ ﺋﺎﻟﻠﯧﻦ، ﺋﻪﮔﻪر ﻣﻪن ﻗﺎﻳﺘﯩﭗ ﻛﯧﻠﻪﻟﻤﯩﺴﻪم ﭘﯜﺗﯜن ﺑﻪﻧﮕﻪ ﺳﻪن ﻗﻮﻣﺎﻧﺪاﻧﻠﯩﻖﻗﯩﻞ!
ﺋﯘ ﺷﯘﻧﺪاق دەﭘﻼ ﺳﻮﻧﻰ ﺗﻪرەﭘﻜﻪ ﻗﺎراپ ﻳﯜﮔﯜرۈپ، ﭘﯩﻠﯩﻤﯘﺗﻨﯩﯔ ﺳﻮل ﺗﻪرﯨﭙﯩﮕﻪ ﺋﯚزﯨﻨﻰﺗﺎﺷﻠﯩﺪى. ﺋﯘ ﻳﺎﭘﻮن ﺋﻪﺳﻜﯩﺮى ﺳﻮﻧﯩﻨﻰ ﻗﺎرﯨﻐﺎ ﺋﯧﻠﯩﯟاﺗﻘﺎن ﭘﻪﻳﺘﺘﻪ، ﭼﺎﻗﻘﺎﻧﻠﯩﻖ ﺑﯩﻠﻪن ﺋﺎﻟﯟاﺳﺘﯩﻼرﻧﯩﯔ ﻳﺎن ﺗﻪرﯨﭙﯩﮕﻪ ﺋﯚﺗﯜﭘﻼ ﺋﯘﻻرﻏﺎ ﮔﺮاﻧﺎت ﺋﺎﺗﺘﻰ. ﺋﯩﻜﻜﻰ ﻧﻪﭘﻪر ﻳﺎﭘﻮن ﺋﻪﺳﻜﯩﺮى ﭘﺎرﺗﯩﻠﯩﺘﯩﯟﯦﺘﯩﻠﺪى، ﺋﻪﻣﻤﺎ ﭘﯩﻠﯩﻤﯘﺗﻤﯘ ﭘﺎرﺗﻼپ ﻛﻪﺗﺘﻰ. دەل ﺷﯘ ﭼﺎﻏﺪا ﺑﯩﺮ ﻳﺎﭘﻮن ﺋﻪﺳﻜﯩﺮى ﺗﺎﭘﺎﻧﭽﯩﺴﯩﻨﻰ ﺳﯧﺮژاﻧﺖ ﺗﺎﻛﻨﯩﯔ ﭼﯧﻜﯩﺴﯩﮕﻪ ﺗﯩﺮەپ ﺑﻮﻟﻐﺎن ﺋﯩﺪى.ﺑﻪن ﻛﻮﻣﺎﻧﺪﯨﺮى ﺋﻪﺳﯩﺮﮔﻪ ﭼﯜﺷﯜپ ﻗﺎﻟﺪى، ﺗﺎﻛﻰ ﻣﯩﻼدﺷﻰ ﻟﯧﻴﺘﯧﻨﺎﻧﺖ ﺧﺎز ﺑﯘﻳﻪردﯨﻜﻰ ﺋﻮق ﺋﺎۋازﯨﻨﻰ ﺋﺎﯕﻼپ ﻳﯧﺘﯩﭗ ﻛﻪﻟﮕﯩﭽﻪ ﻣﯩﻼدﺷﻰ ﺳﯧﺮژاﻧﺖ ﺋﺎﻟﻠﯧﻦ ﭘﯜﺗﯜن ﺑﻪﻧﮕﻪ ﻗﻮﻣﺎﻧﺪاﻧﻠﯩﻖ ﻗﯩﻠﺪى.
_ ﻻرى ﺗﺎﻛﺘﯩﻦ ﺋﺎﻳﺮﯨﻠﯩﭗ ﻗﺎﻟﻐﺎﻧﻠﯩﻘﯩﻤﯩﺰ ﺑﯩﺰ ﺋﯜﭼﯜن ﺑﯩﺮ ﺋﺎﭘﻪت. ﺋﻪﻣﺪى... ﺗﯧﺨﯩﻤﯘ ﮬﯘﺷﺘﺎر ﺗﯘرﻣﯩﺴﺎق ﺑﻮﻟﻤﺎﻳﺪۇ، ﻳﺎﭘﻮﻧﻼرﻧﯩﯔ ﺗﺎﻧﻜﯩﺴﻰ ﺑﺎر، ﻧﺎۋادا ﺋﯘﻻر ﮬﯘﺟﯘم ﻗﯩﻠﯩﭗ ﻛﻪﻟﺴﻪ، ﮔﯩﺮاﻧﺎﺗﺎﻣﯩﻴﯘت ﺑﯩﻠﻪن ﺗﺎﻗﺎﺑﯩﻞ ﺗﯘرۇﺷﯩﻤﯩﺰ ﻛﯧﺮەك، _ ﻣﯩﻼدﺷﻰ ﺳﯧﺮژاﻧﺖ ﺋﺎﻟﻠﯧﻨﮕﻪ ﻗﺎراپ ﺳﯚزﯨﻨﻰ داۋاﻣﻼﺷﺘﯘردى:
_ ﮔﯩﺮاﻧﺎﺗﺎﻣﯩﻴﯘﺗﭽﻰ ﻛﯩﻢ؟
_ ﻓﻠﻮﻳﺪ، ﺑﺎﺷﻠﯩﻖ. ﺋﻪﻣﻤﺎ ﺑﯩﺰ ﺗﯧﺨﻰ ﮔﯩﺮاﻧﺎﺗﺎﻣﯩﻴﯘﺗﻨﻰ ﺋﯩﺸﻠﯩﺘﯩﭗ ﺑﺎﻗﻤﯩﺪۇق،_ ﺟﺎۋاپ ﺑﻪردى ﺋﺎﻟﻠﯧﻦ.
_ ﺟﻪﯕﮕﺎھ دوﺧﺘﯘرﺧﺎﻧﯩﺴﻰ ۋە ﺋﻮق دورا ﺋﯩﺴﻜﯩﻼﺗﻰ ﺑﯩﺰﻧﯩﯔ ﻛﻪﻳﻨﯩﻤﯩﺰدﯨﻼ، ﺋﻪﮔﻪر ﻳﺎﭘﻮﻧﻼرﻧﯩﯔﺗﺎﻧﻜﯩﺴﻰ ﺑﯚﺳﯜپ ﺋﯚﺗﯜپ ﻛﯧﺘﯩﭗ ﻗﺎﻟﺴﺎ ﭼﺎﺗﺎق ﺑﻮﻟﯩﺪۇ، ﻣﻪﻳﻠﻰ ﻗﺎﻧﺪاق ﺋﻪﮬﯟال ﻳﯜز ﺑﯧﺮﯨﺸﯩﺪﯨﻦﻗﻪﺗﺌﯩﻴﻨﻪزەر ﺋﯘﻻرﻧﯩﯔ ﺗﺎﻧﻜﯩﺴﯩﻨﻰ ﺋﯚﺗﻜﯜزﻣﻪﺳﻠﯩﻜﯩﻤﯩﺰ ﻛﯧﺮەك،_ دﯦﯩﺪى ﻣﯩﻼدﺷﻰ ﺳﯧﺮژاﻧﺖ.
_ ﺧﻮ...پ ...ﺑﺎﺷﻠﯩﻖ، _ دەپ دۇدۇﻗﻠﯩﻐﯩﻨﯩﭽﻪ ﺟﺎۋپ ﺑﻪردى ﺋﺎﻟﻠﯧﻦ.
ﻣﯩﻼادﺷﻰ سېرژاﻧﺖ B روﺗﺎ ﺑﯩﻠﻪن ﺋﺎﻻﻗﯩﻠﯩﺸﯩﺶ ﺋﯜﭼﯜن ﺋﯘ ﺗﻪرەﭘﻜﻪ ﻛﯧﺘﯩﭗ ﻗﺎﻟﺪى.ﺑﯩﺮ دەﻣﺪﯨﻦﻛﯧﻴﯩﻦ ﻳﺎﭘﻮﻧﻼرﻧﯩﯔ ﺗﺎﻧﻜﯩﻠﯩﺮى ﮔﯜﻟﺪۈرﻟﯜﺷﯜپ ﺋﻮرﻣﺎﻧﻨﻰ ﻛﯧﺴﯩﭗ ﺋﯚﺗﯜپ ﺋﯘﻻر ﺗﻪرەﭘﻜﻪ ﻗﺎراپ ﻛﯧﻠﯩﺸﻜﻪ ﺑﺎﺷﻠﯩﺪى، ﻳﯧﻘﯩﻨﻼﺷﻘﺎﻧﺴﯧﺮى ﻗﺎراس_ﻗﯘرۇس ﻗﯩﻠﻐﺎن ﺋﺎۋازﻻر ﺋﺎﯕﻠﯩﻨﯩﺸﻘﺎ ﺑﺎﺷﻠﯩﺪى.
_ ﺋﺎﯕﻼپ ﺗﯘرۇش، _ دﯦﺪى ﻓﻠﻮﻳﺪ ﺑﻪﺗﻠﻪﻧﮕﻪن ﮔﯩﺮاﻧﺎﻣﯩﻴﯘﺗﻨﻰ دوﻟﯩﺴﯩﻐﺎ ﺋﯧﻠﯩﯟﯦﺘﯩﭗ،_ ﻣﻪن ﺑﯘﻧﻪرﺳﯩﻨﻰ ﺑﯩﺮ ﻗﯧﺘﯩﻤﻤﯘ ﺋﯧﺘﯩﭗ ﺑﺎﻗﻤﯩﻐﺎن ﺟﯘﻣﯘ.
_ ﺋﯧﺴﯩﯖﺪە ﺑﻮﻟﺴﯘﻧﻜﻰ، ﺟﻪﯕﮕﺎھ دوﺧﺘﯘرﺧﺎﻧﯩﻤﯩﺰ ۋە ﺋﻮق دورا ﺋﯩﺴﻜﯩﻼﺗﻰ ﺑﯩﺰﻧﯩﯔﻛﻪﻳﻨﯩﻤﯩﺰدﯨﻼ، ﻳﺎﺧﺸﯩﺮاق ﻗﺎرﯨﻐﺎ ﺋﯧﻠﯩﭗ ﺋﺎﺗﻘﯩﻦ،_ دەپ ۋارﻗﯩﺮﯨﺪى ﺗﺎم.
دۈﺷﻤﻪﻧﻨﯩﯔ ﺑﺎش ﺗﺎﻧﻜﯩﺴﻰ ﻗﺎراﺳﻠﯩﺘﯩﭗ ﺷﺎخ_ﺷﯘﻣﺒﯩﻼرﻧﻰ ﻳﺎﻧﭽﯩﭗ ﻓﻠﻮﻳﺪﻧﯩﯔ ﺋﺎﻟﺪﯨﻐﺎ ﻛﯧﻠﯩﭗﻗﺎﻻي دﯦﺪى.
_ ﻓﻠﻮﻳﺪ، ﺋﺎت! _ دەپ ﺑﯘﻳﺮۇق ﻗﯩﻠﺪى ﺋﺎﻟﻠﯧﻦ.
_ ﻣﻪن ... ﺋﺎﺗﺎﻟﻤﺎﻳﻤﻪن، _ ﺗﻮۋﻟﯩﺪى ﻓﻠﻮﻳﺪ.
ﻏﯘۋا ﺋﺎي ﻧﯘرﯨﺪا ﺋﯘﻻر ﺗﺎﻛﻨﯩﯔ ﺑﻪدﯨﻨﯩﻨﯩﯔ ﺋﯜﺳﺘﻰ ﻳﺎﻟﯩﯖﺎچ ﮬﺎﻟﺪا زەﻧﺠﯩﺮ ﺑﯩﻠﻪن ﺗﺎﻧﻜﯩﻨﯩﯔﺋﺎﻟﺪﯨﻐﺎ ﺑﺎﻏﻼاﻧﻐﺎﻧﻠﯩﻘﯩﻨﻰ ﻛﯚردى.
_ ﺋﺎت ! ﻓﻠﻮﻳﺪ ﺑﯘ دﯦﮕﻪن ﺑﯘﻳﺮۇق،_ ﻗﺎﺗﺘﯩﻖ ﺗﻮۋﻟﯩﺪى ﺳﯧﺮژاﻧﺖ ﺗﺎك.
_ ﺋﺎﺗﺴﺎم ﺳﯩﺰﻣﯘ ﭘﺎرﺗﻼپ ﻛﻪﺗﻤﻪﻣﺴﯩﺰ؟
ﻓﻠﻮﻳﺪ ﻗﺎرﻏﺎ ﺋﯧﻠﯩﭗ ﮔﯩﺮاﻧﺎﺗﺎﻣﯩﻴﯘﺗﻨﯩﯔ ﺗﻪﭘﻜﯩﺴﯩﻨﻰ ﺑﺎﺳﺘﻰ. ﮔﯩﺮاﻧﺎﺗﺎﻣﯩﻴﯘت ﺋﻮﻗﻰ ﺗﺎﻧﻜﺎ زەﻣﺒﯩﺮﯨﻜﻰ ﺋﯘﺳﺘﯩﺪﯨﻜﻰ دۈﺷﻤﻪن ﻗﻮﻣﺎﻧﺪاﻧﯩﻨﯩﯔ ﺑﯧﺸﯩﻨﯩﯔ ﺋﯜﺳﺘﯩﺪﯨﻦ ۋﯨﮋﻻ ﻗﯩﻠﯩﭗ ﺋﯚﺗﯜپ ﻛﻪﺗﺘﻰ، ﻗﻮرﻗﯘپ ﻛﻪﺗﻜﻪن ﻗﻮﻣﺎﻧﺪان ﺷﯘ ﮬﺎﻣﺎن ﺗﺎﻧﻜﺎ ﺋﯩﭽﯩﮕﻪ ﺑﯧﺸﯩﻨﻰ ﺗﯩﻘﺘﻰ.ﻓﻠﻮﻳﺪ ﻗﻮﻟﯩﺪﯨﻜﻰﮔﯩﺮاﻧﺎﺗﺎﻣﯩﻴﯘﺗﻨﻰ ﺗﺎﺷﻠﭙﻼ ﮔﯜﻟﺪۈررﻟﻪپ ﻛﯧﻠﯩﯟاﺗﻘﺎن ﺗﺎﻧﻜﯩﻐﺎ ﻗﺎراپ ﭼﺎﭘﺘﻰ. ﺋﯘ ﻳﺎن ﺗﻪرەﭘﺘﯩﻦ ﺳﻪﻛﺮەﭘﻼ ﺗﺎﻧﻜﯩﻐﺎ ﭼﯩﻘﺘﯩﺪە دۈﺷﻤﻪن ﻗﻮﻣﺎﻧﺪاﻧﻰ ﺗﺎﻧﻜﺎ ﻗﺎﭘﻘﯩﻘﯩﻨﻰ ﻳﺎﭘﻘﯩﭽﻪﺑﻮﻟﻐﺎن ﺋﺎرﯨﻠﯩﻘﺘﺎ ﺗﺎﻧﻜﺎ ﺋﯩﭽﯩﮕﻪ ﮔﺮاﻧﺎﺗﺘﯩﻦ ﺑﯩﺮﻧﻰ ﺗﺎﺷﻠﯩﺪى. ”ﮔﯜم“ ﻗﯩﻠﻐﺎن ﺋﺎۋاز ﺑﯩﻠﻪن ﺗﻪڭ ﺗﺎﻧﻜﺎﺋﯩﭽﺪﯨﻜﻰ دۈﺷﻤﻪﻧﻠﻪرﻧﯩﯔ ﮬﻪﻣﻤﯩﺴﻰ ﺋﯚﻟﮕﻪن ﭼﯧﻐﻰ ﺗﯚﻣﯜر ﻣﻪﺧﻠﯘق ﺗﻮﺧﺘﺎپ ﻗﺎﻟﺪى.
ﺋﻪﺳﻜﻪرﻟﻪرﻧﯩﯔ ﮬﻪﻣﻤﯩﺴﻰ ﺋﯧﺘﯩﻠﯩﭗ ﻛﯧﻠﯩﺸﯩﭗ ﺳﯧﺮژاﻧﺖ ﺗﺎﻛﻨﻰ ﻳﯧﺸﯩﯟاﻟﺪى.
ﺳﯧﺮژاﻧﺖ ﺗﺎك ﻓﻠﻮﻳﺪﻧﻰ ﻣﺎﺧﺘﺎپ ﻛﻪﺗﺘﻰ:
_ ﻳﺎراﻳﺴﻪن ﻳﯩﮕﯩﺖ! ﻳﯧﻘﯩﻦ ﺋﺎرﯨﻠﯩﻘﺘﯩﻦ ﻳﺎﻟﻐﺎﻧﺪﯨﻦ ﻗﺎرﯨﻐﺎ ﺋﯧﻠﯩﭗ ﺋﻮت ﺋﯧﭽﯩﭗ، ﭘﯘرﺳﻪﺗﺘﯩﻦﭘﺎﻳﺪﯨﻠﯩﻨﯩﭗ ﮔﺮاﻧﺎت ﺑﯩﻠﻪن دۈﺷﻤﻪﻧﻠﻪرﻧﻰ ﺑﺎﭘﻠﯩﺪﯨﯔ، ﺑﯘ ﻗﺎﻟﺘﯩﺲ ﺗﺎﻛﺘﯩﻜﯩﻠﯩﻖ ﻣﺎﮬﺎرەت ﺑﻮﻟﺪى. ﻣﻪن ﺗﯧﺨﻰ ﺳﯧﻨﻰ ﺋﯘدۇﻟﻼ ﺗﺎﻧﻜﯩﻐﺎ ﻗﺎرﯨﺘﯩﭗ ﺋﺎﺗﺎﻣﺪﯨﻜﯩﻦ دەﭘﺘﯩﻜﻪﻧﻤﻪن.
_ ﺑﺎﺷﻠﯩﻖ ﻣﻪن راﺳﺘﯩﻨﻼ ﺗﺎﻧﻜﯩﻐﺎ ﻗﺎرﯨﺘﯩﭗ ﺋﺎﺗﻘﺎﻧﯩﺪﯨﻢ، ﺑﯘﻳﺮۇﻗﻘﺎ ﺑﻮﻳﺴﯘﻧﻤﯩﺴﺎم ﺑﻮﻟﻤﺎﻳﺪۇ_دە، ﺷﯘﻧﺪاق ﺋﻪﻣﻪﺳﻤﯘ؟
ﻓﻠﻮﻳﺪ ﺷﯘﻧﺪاق دەپ ﮬﯩﺠﺎﻳﺪى، ﺑﯘﻧﻰ ﺋﺎﯕﻠﯩﻐﺎن ﺗﺎﻛﻨﯩﯔ ﻳﯜزﯨﺪﯨﻦ ﺳﻮﻏﯘق ﺗﻪر ﻗﯘﻳﯘﻟﯘپ ﻛﻪﺗﺘﻰ.

<ﺗﻪرﺟﯩﻤﯩﻠﻪر. ﺗﻪرﻣﯩﻠﯩﺮى> ژۇرﻧﯩﻠﻰ 2007_ﻳﯩﻠﯩﻠﯩﻖ 4_ﺳﺎﻧﯩﺪﯨﻦ ﺋﺎﺑﺪۇﺷﯜﻛﯜر ﺋﺎﺑﺪۇﻛﯧﺮﯨﻢ ﺋﺎرﻏﯘ ﺗﻪرﺟﯩﻤﯩﺴﻰ