1.ئاچچىقسۇدىن 25 گرام،قارا شېكەردىن 90 گرامنى ئارلاشتۇرۇپ، ئاچچىقسۇ – شېكەر قىيامى تەييارلاپ،سامساقنى ئېزىپ ئېرىتمىگە سېلىپ بىر ھەپتە تۇرغۇزۇپ، كۈنىگە ئۈچ قېتىم بىر قوشۇقتىن ئىچىپ بەرسە، كاناي ياللۇغىغا شىپا بولىدۇ.
2. 15 گرام تەكىيە كاۋىنىڭ ئۇرۇقىغا مۇۋاپىق مىقداردا قارا شېكەر قوشۇپ، ئۇندەك سوقۇپ، قايناق سۇ بىلەن ئىچىپ بەرسە، سوزۇلما خاراكتېرلىك كاناي ياللۇغىغا مەنپەئەت قىلىدۇ.
3.بىر دانە ئامۇتنىڭ بۇرنى تەرىپىنى كېسىپ، ئۇرۇقىنى ئېلىۋېتىپ، ئامۇتنىڭ ئىچىگە ناۋاتنى سوقۇپ سېلىپ، كەسكەن ئېغىزنى ئېلىۋەتكەندىن كېيىن ئامۇتنى قاسقاندا پىشۇرۇپ، ھەر كۈنى ئاخشىمى بىر ۋاق يەپ بەرسە، سوزۇلما خاراكتېرلىك كاناي ياللۇغىغا مەنپەئەت قىلىدۇ.
4. 2كىلو500 گىرام ئەتراپىدىكى تاۋۇزنىڭ بېغى تەرىپى كېسىۋىلىپ، ئېتى مۇۋاپىق ئويۇپ ئېلىۋېتىلگەندىن كېيىن، ئىچىگە ئۇرۇقى ئېلىۋىتىلگەن 10دانە چىلان، 250 گرام خام زەنجىۋىل، 200 گرام ھەسەل، 200 گرام كەندىر يېغى، خالتىغا ئېزىپ 30 گرام ئاق قىچا، 50 گرام; ئاقمۇچ قاچىلىنىپ، تاۋۇزنى قاسقاندا 90 مىنۇت دۈملەنگەندىن كېيىن، سوزۇلما خاراكتېرلىك كاناي ياللۇغىغا گىرىپتار بولغان كىشى تاۋۇزنىڭ ئىچىدىكى دورا سۇيۇقلۇقىنى بىرلا قېتىمدا ئىچىۋىتىپ ھەمدە پىشقان زەنجىۋىلدىن بىر قانچىنى يەپ بولۇپ تەرلەنسە، ياخشى مەنپەئەت قىلىدۇ.
5.بالىلاردىكى كاناي ياللۇغىنى داۋالاشتا، يېڭى زەنجىۋىل، ھەسەل ۋە كۈنجۈت يېغىدىن تەڭ مىقداردا ئېلىنىدۇ ۋە 2-4 تال ئەمەن يوپۇرمىقى تەييارلىنىدۇ. يېڭى زەنجىۋىلنى ئېزىپ نېپىز داكىغا ئېلىپ سىقىپ، زەنجىۋىلنىڭ سۈيى چىقىرىلىدۇ. زەنجىۋىلنىڭ سۈيى بىر ئۈلۈشتىن ھەسەل ۋە كۈنجۈت يېغى بىلەن قوشۇلۇپ كۇرۇشكىغا سېلىنىدۇ ھەمدە سۇس ئوتتا قاينىتىدۇ، قاينىتىلغاندا ئارىلاشتۇرۇپ تۇرۇلىدۇ. ئاخىرىدا كۇرۇشكىغا ئەمەن يوپۇرمىقى(يۆتەل ئېغىر بولسا 3-4 تال،يەڭگىلرەك بولسا ئىككى تال)سېلىنىدۇ. كۇرۇشكا يەنە بىر ئاز قاينىتىلىپ، ئوتتىن ئېلىۋېتىلگەندىن كېيىن، كۇرۇشكىدىكى دورا ئىسىق پېتى ياكى سوۋۇغاندا ئېچىپ بېرىلسە بولىدۇ. كۇرۇشكىدىكى دورىنى ئىچىشتىن بۇرۇن ئەمەن يۇپۇرمىقىنى ئېلىۋېتىش لازىم. بۇ دورا كۈنىگە بىر قانچە قېتىم ھەمدە ئۇخلاش ئالدىدا ئىچىلىدۇ.