مۇھەررىردىن: باشقا پەسىللەرگە قارىغاندا، نەم ۋە تىنچىق ياز كۈنلىرىدە، سۈيدۈك يولى ساقلىقى تېخىمۇ كۆپ خىرىسلارغا ئۇچرايدۇ،   قانداق قىلغاندا سۈيدۈك يولىنىڭ يۇقۇملىنىشىنىڭ ئالدىنى ئالغىلى بولىدىغانلىقىغا ئائىت بىلىملەر كۆپچىلىكنىڭ  چوقۇم بىلىشىگە تىگىشلىك زۆرۈر بىلىملەردۇر. بۇ سانىمىزدا،  ئامېرىكا ياخۇ ساغلاملىق تورىنىڭ تېببىي مەسلىھەتچىسى،  ئامېرىكا ئائىلە تىببىي ئىلىم جەمئىيىتىدىن (كىرستى.لېئون)،  سۈيدۈك يولى يۇقۇملىنىشىنىڭ ئالدىنى ئېلىشتىكى سەل قارىغىلى بولمايدىغان 9 خىل نۇقتىنى تەكىتلەپ ئۆتىدۇ.

كۈندە 6~8 ئىستاكان سۇ ئىچىش كېرەك
سۇ  ھاياتلىقىنىڭ مەنبەسى،  ئۇ ئادەم تېنىدىكى ماددا ئالماشتۇرۇشتا  (مېتابولىزم) كەم بولسا بولمايدىغان ئامىل. ئىنسان سۇنى ئاساسەن ئېغىز ئارقىلىق قوبۇل قىلغىنى بىلەن،  لېكىن سۇنى سەرپ قىلىش يولى ناھايىتى كۆپ بولىدۇ. نەپەس ئېلىش،  تەرلەش،  سۈيدۈك چىقىرىش قاتارلىق ھەركەتلەرنىڭ ھەممىسى تەندىكى سۇنى خورىتىدۇ. بولۇپمۇ ياز كۈنلىرىگە كەلگەندە،  تەر تۆشۈكچىلىرىنىڭ  ئۆزلىكىدىن ئېچىلىشى سەۋەبىدىن،  سۇنىڭ تېرە ئارقىلىق سەرپ بولىشى  باشقا پەسىللەرگە قارىغاندا  تېخىمۇ تېز ھەم كۆپ بولىدۇ.  شۇڭا  كىشىلەرنىڭ سۈيدۈك چىقىرىش قېتىم سانى ۋە سۈيدۈك مىقدارى ئازلاپ،  سۈيدۈكنىڭ دوۋساقتا  ئۇزاق مەزگىل يىغىلىپ قېلىشىنى ئىلگىرى سۈرۈپ باكتېرىيەنىڭ كۆپىيىشىگە شاراھىت ھازىرلاپ بېرىدۇ،  شۇنىڭ بىلەن سۈيدۈك يولى ياللۇغىغا گىرىپتار بولۇش خەۋپىمۇ يوقىرىلايدۇ. شۇنىڭ ئۈچۈن،  ھاۋا ئىسسىق بولۇپ تەرنىڭ چىقىشى كۆپ بولغاندا،  سۇنىڭ يېتەرلىك ھالدا ئىستېمال قىلىنىپ تۇرۇشىغا كاپالەت قىلىش ئارقىلىق سۈيدۈك يولىنىڭ يۇقۇملىنىشىنىڭ ئالدىنى ئېلىش كېرەك.

كىشىلەر ھەر كۈنى ئىستېمال قىلىدىغان سۇ بىلەن چىقىرىپ تاشلايدىغان سۇ ئاساسەن ئوخشاش مىقداردا بولىدۇ،  شۇڭا ھەر كۈنى 1500-2000 مىللىلېتىر سۇنى، يەنى ھەر 250 مىللىلېتىرنى بىر ئىستاكان دەپ ھېسابلىغاندا،  جەمئىي 6~8 ئىستاكان سۇنى ئىستېمال قىلىپ،  سۈيدۈك مىقدارىغا كاپالەتلىك قىلىش كېرەك.

خوش، ئۇنداقتا كۈندە سۇ يىتەرلىك سۇ ئىچىشكە دىققەت قىلىشتىن باشقا يەنە نېمىلەرگە دىققەت قىلىشىمىز كېرەك؟ دىققىتىڭىز يازمىنىڭ داۋامىدا بولسۇن!