راك كېسەللىكى كۈنىمىزدە ئىنسانلارنىڭ جېنىغا زامىن بولىۋاتقان بىرىنچى نومۇرلۇق قاتىل. راك كېسەللىكى بىلەن ئۆلۈش نىسبىتىنىڭ يۇقىرىلىقىدىن، كىشىلەر راك دېگەن سۆزنى ئاڭلىسىمۇ رەڭگى ئۆڭۈپ كېتىدۇ. ئەمەلىيەتتە، بىزنىڭ بۇنچە قورقۇپ كېتىشىمىزنىڭ ھاجىتى يوق بولۇپ، كۆپلىگەن راك كېسەللىكىنىڭ ئالدىنى تامامەن ئالغىلى بولىدۇ. پەقەت بىز كۈندۈلۈك تۇرمۇش داۋامىدا ساقلىقنى ساقلاشقا، قەرەللىك تەكشۈرۈنۈپ تۇرۇشقا ئەھمىيەت بەرسەكلا، راك ئۆزگىرىشنىڭ ئېھتىماللىقىنى دەل ۋاقتىدا بايقاپ، تېگىشلىك ئالدىنى ئېلىش تەدبىرىنى قوللىنىپ، راك كېسەللىكى پەيدا بولۇش مۇمكىنچىلىكىنى زور دەرىجىدە تۆۋەنلىتەلەيمىز.

ئۇنداقتا، راكنىڭ بەدىنىمىزدىكى بىشارەتلىك سېگناللىرى قايسى؟

1. توغرا ئۈچەي (كۆتەن ئۈچەي) دىن قان كېلىش
بېشارىتى: قېرىشلىق ئۈچەي راكى

توغرا ئۈچەيدىن قان كېلىشنىڭ ئىپادىسى چوڭ تەرەتتىن قان كېلىش بولۇپ، چوڭ تەرەتتىن قان كەلگەندە ئالدى بىلەن گېمورويمۇ ئەمەسلىكىنى ئايدىڭلاشتۇرۇش كېرەك. گېمورويدا چوڭ تەرەتتىن كېيىن قان كېلىدۇ، ئۆسمىدە بولسا قان چوڭ تەرەتكە ئارىلىشىپ كېلىدۇ. توغرا ئۈچەي ئۆسمىسىنىڭ ئەڭ روشەن ئالامىتى شۇكى، ئۈچەي ئۆسمە تۈپەيلى توسۇلۇپ قالغانلىقتىن چوڭ تەرەت ناھايىتى ئىنچىكە كېلىدۇ.