يېقىنقى يېڭى تەتقىقاتلاردىن مەلۇم بولۇشىچە، ھاراق ئىچىش زىققىنى قوزغايدىكەن ۋە ئېغىرلاشتۇرۇۋېتىدىكەن. تەتقىقاتچىلار كانايچە  زىققىسى بار بىمارلاردىن 36 نەپەر ئەر ۋە 42 نەپەر ئايالنى تەكشۈرۈپ تەتقىق قىلىش ئارقىلىق، ھاراقنى ھەر قانچە ئاز ئىچكەن تەقدىرىدىمۇ كانايچە زىققىسى بىمارلىرى ئۈچۈن ناھايىتى پايدىسىز ئىكەنلىكىنى بايقىغان. بولۇپمۇ ھورمونغا تايىنىدىغان %22 كانايچە زىققىسى بىمارلىرىنىڭ ئىچكەن ھارىقى 20 گىرام ئېتىل ئىسپىرتقا يەتكەندە زىققىنى بىۋاسىتە قوزغىغان ياكى زىققىنى ئېغىرلىتىۋەتكەن. بۇندىن باشقا يەنە زىققىنى پەسەيتىش دورىسىنىڭ داۋالاش ئۈنۈمىنى تۆۋەنلىتىۋەتكەن.

ھاراق ئاساسىي تەركىبى ھېسابلانغان ئېتىل ئىسپىرت ھاراقنى كۆپ ئىچىدىغانلاردا نەپەسلىنىش سىستېمىسىنىڭ خىزمىتىدە نۇرغۇن ماسلاشماسلىقنى پەيدا قىلىدۇ ۋە توقۇلمىلارنىڭ ماددا ئالمىشىشىنى تورمۇزلاپ، قان تەركىبىدە نورمالسىزلىق پەيدا قىلىپ، كىسلاتا ۋە ئىشقارنىڭ تەڭپۇڭلۇقىنى بۇزۇپ، ئاخىردا بۆرەك ئۈستى بېزى پوستىلىقىنىڭ ئىقتىدارىنى ئاجىزلاشتۇرۇپ، پوستىلاقنىڭ ھورمون ئاجرىتىشىنى ئازايتىپ زىققىنى قوزغايدۇ ياكى ئېغىرلاشتۇرۇۋېتىدۇ. بۇ خىل مېخانىزم ھاراق ئىچىشىنىڭ ھورمونغا تايىنىدىغان كانايچە زىققىسى بىمارلىرىغا تېخىمۇ زىيانلىق ئىكەنلىكىنى چۈشەندۈرۈپ بېرىدۇ.
ئەلداۋا ساغلاملىق تورى كانايچە زىققىسى بىمارلىرىنى ھاراق ئىچمەسلىككە، بولۇپمۇ ھاراق خۇمارى بار، ھورمونغا بېقىنىدىغان كانايچە زىققىسى بىمارلىرىنى دەرھال ھاراقنى تاشلاشقا، بىراقلا  تاشلىۋېتەلمىگەن تەقدىرىدە ئىچىدىغان ھاراقنىڭ مىقدارىنى ئازايتىشقا ۋە تەدرىجى تەلتۆكۈس تاشلاشقا دەۋەت قىلىدۇ.