يالغۇزلىق

قاياقتىندۇر كەلگەن گۈدۈك ئاۋازىدەك ،

نەدىن كەلدىم ،مەنزىلىم قاي بىلىشىم قىيىن .

گاھى غېرىپ نەي ئاۋازى ئېپ كىتەر مىنى ،

قۇشلار كۈيى تولغان ئاشۇ قېلىن ئورماندىن.

مەيلى نەدە يۈرەي ئويناپ ، يۈرەي تەمتىلەپ ،

مەيلى ھېيتگاھ ئارا ئويناي چۈگىلەپ ساما .

شۇ بىر پەقەت ھەمرا بولدى يالغۇزلىق ماڭا ،

يوللىرىمدا قالماقتا ئىزلىرىم تەنھا .

ساھىللاردا ساچىم سىلاپ ئاداشقان شامال ،

قالسا ئەگەر ئۇپۇقلاردىن خىيال كۈتىمەن.

ھەيرانلىقتا دەيمەن ئاڭا ئاداشتىڭ شامال ،

بېرىپ شۇ تاپ ساڭا تاشنا ئاشىقنى سۆي سەن .

ئاي نۇرىدا كۆرگىنىمدە قوشماق سايىنى ،

بارخان ئارا قالغان يالغۇز ئىزىم ئىسىمدە .

دەرىزەمدىن كىرىپ قالسا تۈگىمەس ناخشا ،

يۇلتۇز بېلەن سىر دىشىمەن زۇلمەت ئىچىدە .

ئوكيانلاردا ئۈزۈپ يۈرگەن تەنھا قىيىقمەن ،

مىنى كۈتۈپ كۆز يۇرۇتقان ماياكىم يوقتۇر .

يالاڭ ئاياق قىرغاقتىكى نەم قۇم ئۈستىدە ،

تۇرۇپ يالغۇز مىنى كۈتكەن بىر كىشىم يوقتۇر .

ھەر بىر كېچە يۇلتۇز لىرىم زولمەت قوينىدا ،

تەمبۇر چالسام ئىڭەك يۆلەپ تىڭشار يېنىمدا.

كۈيلىرىمدىن تۈكۈلۈپتۇ تامچە ھەسىرەت ،

ھەسرىتىم زادى نىمە بىلمىدىم بۇندا .

يالغۇزلۇققا كۈنەلمەيدىغان ،يالغۇزلۇقتىن  قورقايدىغان ،شۇنداق بىر كۈلىرىم بولۇپتىكەن ،شۇ چالىرىمدا توۋلىغان ناخشا .

   مەنبە:   خاتىرەمدىن  

ئەمگىكىمگە ھۆرمەت قىلىڭ رۇخسەتسىز كۈچۈرمەڭ

http://baydadam.blogbus.com/

باي دادام تور خاتىرىسى