ﺑﯩﺰ ھﺎﺯﯨﺮﻗﻰ ﺋﯩﻘﺘﯩﺴﺎﺩﻧﻰ ھﻪﺭﯨﻜﻪﺕ ﻧﻮﻗﺘﯩﺴﯩﺪﯨﻦ ﺋﯧھﺘﯩﻴﺎﺝ ﺋﯩﻘﺘﯩﺴﺎﺩﻯ، ﻳﯧﺘﻪﺭﻟﯩﻚ ﺋﯩﻘﺘﯩﺴﺎﺩ، ﺋﯧﺸﯩﻨﭽﻪ ﺋﯩﻘﺘﯩﺴﺎﺩ ﯞﻩ ھەشەمەت ﺋﯩﻘﺘﯩﺴﺎﺩﯨﺪﯨﻦ ﺋﯩﺒﺎﺭﻩﺕ ﺗﯚﺕ ﺗﯜﺭﮔﻪ ﺋﺎﻳﺮﯨﺴﺎﻕ ﺑﻮﻟﯩﺪﯗ.

ﺩﯗﻧﻴﺎ ﺑﻮﻳﯩﭽﻪ ﺋﯜﭼﺘﯩﻦ ﺋﯩﻜﻜﻰ ﻗﯩﺴﯩﻢ ﺋﺎﻫﺎﻟﻪ ﻳﯧﺘﻪﺭﻟﯩﻚ ﺋﻮﺯﯗﻗﻘﺎ ﺋﯧﺮﯨﺸﻪﻟﻤﻪﻳﯟﺍﺗﻘﺎﭼﻘﺎ، ﺋﯧﻬﺘﯩﻴﺎﺝ ﺋﯩﻘﺘﯩﺴﺎﺩﯨﺪﺍ ﻳﺎﺷﺎﯞﺍﺗﯩﺪﯗ. ﺩﯗﻧﻴﺎ ﺋﺎﻫﺎﻟﯩﺴﯩﺪﯨﻜﻰ ﺑﺎﻱ- ﻧﺎﻣﺮﺍﺗﻠﯩﻖ ﺳﯧﻠﯩﺸﺘﯘﺭﻣﯩﺴﻰ 1960- ﻳﯩﻠﻰ 1ﺩﻩ 30 ﻧﯩﺴﺒﻪﺕ ﺋﯩﺪﻯ، ﺑﯜﮔﯜﻧﻜﻰ ﻛﯜﻧﺪﻩ ﺑﻮﻟﺴﺎ 1ﺩﻩ 80 ﻧﯩﺴﺒﻪﺗﻜﻪ ﻳﻪﺗﺘﻰ. ﻣﯩﯖﻠﯩﻐﺎﻥ- ﻣﯩﻠﻴﻮﻧﻠﯩﻐﺎﻥ ﺋﺎﻫﺎﻟﻪ ﺋﯚﺯﻟﯩﺮﯨﻨﯩﯔ ﺋﻮﺯﯗﻗﻠﯘﻕ، ﺋﯩﭽﯩﻤﻠﯩﻚ، ﺳﯘ، ﺳﺎﻻﻣﻪﺗﻠﯩﻚ ﯞﻩ ﺋﻮﻟﺘﯘﺭﺍﻕ ﺋﯚﻳﮕﻪ ﺑﻮﻟﻐﺎﻥ ﺋﻪﯓ ﺗﯚﯞﻩﻥ ﺋﯧﻬﺘﯩﻴﺎﺟﯩﺪﯨﻦ ﺗﯧﺨﻰ ﺋﺎﺭﺍﻧﻼ ﭼﯩﻘﺎﻻﻳﺪﯗ. ﺋﯘﻻﺭﻧﯩﯔ ﺑﯩﺮﻩﺭ ﺧﯩﺰﻣﻪﺕ ﺗﯧﭙﯩﯟﯦﻠﯩﺸﻰ ﯞﻩ ﺋﻮﻗﯘﻳﺎﻟﯩﺸﻰ ﺋﯘﻻﺭ ﺋﯜﭼﯜﻥ ﭼﻮﯓ ﺑﻪﺧﺖ- ﺋﺎﻣﻪﺕ ﻫﯧﺴﺎﺑﻠﯩﻨﯩﺪﯗ. ﺋﺎﻣﺎﻟﻨﯩﯔ ﻳﻮﻗﯩﺪﯨﻦ ﻛﯚﭼﯜﭘﻼ ﻳﯜﺭﯨﺪﯨﻐﺎﻥ ﺑﯘ ﻗﯘﯞﻣﻼﺭﺩﯨﻦ ﻫﻪﺭ ﻛﯜﻧﻰ ﺩﯦﮕﯜﺩﻩﻙ ﺗﻪﺧﻤﯩﻨﻪﻥ 24 ﻣﯩﯔ ﺋﺎﺩﻩﻡ ﺋﺎﭼﭽﯩﻘﻠﯩﻘﺘﯩﻦ ﺋﯘ ﺋﺎﻟﻪﻣﮕﻪ ﺳﻪﭘﻪﺭ ﻗﯩﻠﯩﺪﯗ. ﺑﯘﻧﯩﯔ ﺋﯩﭽﯩﺪﻩ ﻳﻪﻧﻪ ﻧﻪﭼﭽﻪ ﻣﯩﯔ ﺋﯚﺳﻤﯜﺭ ﺑﺎﻟﯩﻤﯘ ﺑﺎﺭ.

ﺗﻪﯕﺴﯩﺰﻟﯩﻚ ﺋﺎﺯﺍﻳﻐﺎﻧﺪﺍ ﻳﯧﺘﻪﺭﻟﯩﻚ ﺋﯩﻘﺘﯩﺴﺎﺩ ﻳﯧﺘﻪﻛﭽﻰ ﺋﻮﺭﯗﻧﻐﺎ ﺋﯚﺗﯩﺪﯗ. ﺑﯘ ﺧﯩﻞ ﺋﯩﻘﺘﯩﺴﺎﺩ ﻛﯩﺸﯩﻠﻪﺭﻧﯩﯔ ﻳﯧﻤﻪﻛﻠﯩﻜﻜﻪ ﺋﯧﺮﯨﺸﯩﺶ، ﺳﺎﻻﻣﻪﺕ ﺑﻮﻟﯘﺵ، ﺋﻮﻗﯘﺵ ﺷﺎﺭﺍﺋﯩﺘﯩﻐﺎ ﺋﯩﮕﻪ ﺑﻮﻟﯘﺵ ﻗﺎﺗﺎﺭﻟﯩﻖ ﺋﺎﺳﺎﺳﯩﻲ ﻫﻮﻗﯘﻗﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺪﯗ. ﻳﯧﺘﻪﺭﻟﯩﻚ ﺋﯩﻘﺘﯩﺴﺎﺩﻧﻰ ﺩﯙﻟﻪﺗﻨﯩﯔ ﺋﯘﻝ ﺗﻪﺭﻩﻗﻘﯩﻴﺎﺗﯩﻐﺎ ﺋﯚﻟﭽﻪﻡ ﻗﯩﻠﯩﺸﻘﺎ ﺑﻮﻟﯩﺪﯗ.

ﻛﯜﭼﻠﯜﻙ ﺋﯧﻼﻥ ﺗﻮﺭﻯ ﺋﯧﺸﯩﻨﭽﻪ ﺋﯩﻘﺘﯩﺴﺎﺩﻧﻰ ﭘﻪﻳﺪﺍ ﻗﯩﻠﻐﺎﻥ ﺑﻮﻟﯘﭖ، ﺗﯧﺨﻨﯩﻜﯩﺪﯨﻜﻰ ﺋﯜﺯﻟﯜﻛﺴﯩﺰ ﺋﯩﻠﮕﯩﺮﻟﻪﺵ ﺋﯧﺸﯩﻨﭽﻪ ﺋﯩﻘﺘﯩﺴﺎﺩﻧﯩﯔ ﯞﯗﺟﯘﺗﻘﺎ ﻛﯧﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺑﯘ ﺧﯩﻞ ﺋﯩﻘﺘﯩﺴﺎﺩ ﺗﺎﯞﺍﺭﻻﺭﻧﻰ ﻛﯜﻧﺴﺎﻳﯩﻦ ﻳﯧﯖﯩﻼﭖ ﻛﻪﻟﺪﻯ. ﺗﯧﺨﻨﯩﻜﺎ ﯞﯗﺟﯘﺗﻘﺎ ﻛﻪﻟﮕﻪﻥ ﺗﺎﯞﺍﺭﻻﻧﻰ ﺩﺍﯞﺍﻣﻠﯩﻖ ﺋﯩﻠﮕﯩﺮﻟﯩﺘﯩﺸﻜﻪ ﺋﺎﻣﺎﻟﺴﯩﺰ ﻗﺎﻟﻐﺎﻧﺪﺍ، ﺑﯘ ﺗﺎﯞﺍﺭﻻﺭ ﺳﯩﺮﺗﻘﻰ ﻛﯚﺭﯛﻧﯩﺸﻰ ﺋﺎﺭﻗﯩﻠﯩﻖ ﺧﯧﺮﯨﺪﺍﺭﻻﺭﻧﻰ ﺟﻪﻟﭗ ﻗﯩﻠﯩﺶ ﺋﯜﭼﯜﻥ ﻗﺎﻳﺘﯩﺪﯨﻦ ﺋﯚﺯﮔﻪﺭﺗﯩﻠﯩﭗ ﻻﻳﯩﻬﯩﻠﯩﻨﯩﺸﻜﻪ ﺋﯧﻬﺘﯩﻴﺎﺟﻠﯩﻖ ﺑﻮﻟﯩﺪﯗ. ﺋﯧﻼﻥ ﺑﯩﺮ ﺧﯩﻞ ﻣﻪﻫﺴﯘﻻﺗﻨﻰ ﻫﻪﻣﻤﻪ ﺋﺎﺩﻩﻣﮕﻪ ﺑﯩﻠﺪﯛﺭﯨﯟﯦﺘﯩﺪﯗ، ﺋﺎﻧﺪﯨﻦ ﻛﯧﻴﯩﻦ ﺑﯘ ﺧﯩﻞ ﺋﯧﺸﯩﻨﭽﻪ ﺗﺎﯞﺍﺭﻻﺭ ﺋﯩﺴﺘﯧﻤﺎﻟﭽﯩﻼﺭﻧﯩﯔ ﺋﯧﻬﺘﯩﻴﺎﺟﯩﻐﺎ ﺋﺎﻳﻠﯩﻨﯩﺪﯗ.

ﺑﺎﻳﻠﯩﻖ، ﻧﺎﻡ- ﺋﺎﺗﺎﻕ ﯞﻩ ﭘﯘﻝ ﻫﻪﺷﻪﻣﻪﺕ ﺋﯩﻘﺘﯩﺴﺎﺩﯨﻨﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﯨﺪﯗ. ﺋﯩﻤﺘﯩﻴﺎﺯﻟﯩﻖ ﺋﺎﺯ ﺳﺎﻧﺪﯨﻜﻰ ﺋﺎﺩﻩﻣﻠﻪﺭ ﭘﯘﻟﻨﻰ ﭘﺎﺧﺎﻟﺪﻩﻙ ﺑﯘﺯﯗﭖ ﭼﺎﭼﯩﺪﯗ، ﻫﻪﺷﻪﻣﻪﺗﻠﯩﻚ ﻳﺎﺷﺎﻳﺪﯗ، ﺋﯘﻻﺭﻧﯩﯔ ﺗﯘﺭﻣﯘﺷﻰ ﺋﻮﺗﺘﯘﺭﯨﭽﻪ ﺳﻪﯞﯨﻴﯩﺪﯨﻦ ﺋﯧﺸﯩﭗ ﭼﯜﺷﯩﺪﯗ؛ ﺑﯘ ﺟﻪﻫﻪﺗﺘﯩﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﻛﯩﺸﯩﻨﻰ ﭼﯚﭼﯩﺘﯩﺪﯗ: ﺑﯧﻞ ﮔﺎﻳﺘﯩﺲ ﻗﺎﺗﺎﺭﻟﯩﻖ ﺗﯚﺕ ﺋﺎﺩﻩﻣﻨﯩﯔ ﺋﻮﻣﯘﻣﯩﻲ ﺑﺎﻳﻠﯩﻘﻰ 600 ﻣﯩﻠﻴﻮﻥ ﺋﺎﻫﺎﻟﯩﮕﻪ ﺋﯩﮕﻪ 42 ﺩﯙﻟﻪﺗﻨﯩﯔ ﺋﯩﭽﻜﻰ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ ﻳﯩﻐﯩﻨﺪﯨﺴﯩﺪﯨﻦ ﺋﺎﺷﯩﺪﯨﻜﻪﻥ. ﺋﯩﺴﭙﺎﻧﯩﻴﻪ ﻣﺎﺩﺭﯨﺪ ﭘﯘﺗﺒﯘﻟﭽﯩﻼﺭ ﻛﯘﻟﯘﺑﯩﺪﯨﻜﻰ ﺋﯘﭺ ﭘﯘﺗﺒﻮﻝ ﭼﻮﻟﭙﯩﻨﯩﻨﯩﯔ ﻳﯩﻠﻠﯩﻖ ﺋﻮﻣﯘﻣﯩﻲ ﻛﯩﺮﯨﻤﻰ 42 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺑﻮﻟﯘﭖ، 1 ﻣﯩﻠﻴﻮﻥ 800 ﻣﯩﯔ ﺋﺎﻫﺎﻟﯩﺴﻰ ﺑﺎﺭ ﺳﺎﻟﯟﺍﺩﻭﺭﻧﯩﯔ ﭘﺎﻳﺘﻪﺧﺘﯩﻨﯩﯔ ﺑﯩﺮ ﻳﯩﻠﻠﯩﻖ ﺧﺎﻡ ﭼﻮﺗﯩﻐﺎ ﺑﺎﺭﺍﯞﻩﺕ ﻛﯧﻠﯩﺪﯨﻜﻪﻥ

ماتىريالدىن ..

باي دادام تور خاتىرىسى