ئۆگىنىش ئۇسۇلى ئوقۇغۇچىلارنىڭ ئۆگىنىش قىزغىنلىقى بىلەن ئۆگىنىش نەتىجىسىنىڭ قانداق بولۇشىغا بىۋاسىتە تەسىر كۆرسىتىدۇ. ئۆگىنىش ئۇسۇلىنىڭ ئۆگىنىش ئۈنۈمىگە بولغان تەسىرى، ئاساسلىقى، ئوقۇغۇچىلارنىڭ ئۆگىنىشكە قانداق پوزىتسىيە تۇتۇشىدا گەۋدىلىنىدۇ. ئىلمىي، توغرا ئۆگىنىش ئۇسۇلى ئوقۇغۇچىنى يۇقىرى نەتىجىگە ئېرىشتۈرىدۇ.

ئەنئەنىۋى مائارىپىمىزدا قوبۇل قىلىش شەكلىدىكى ئۆگىنىش ئۇسۇلى ئىمتىھانغا تاقابىل تۇرۇش ئوقۇتۇشىنىڭ «ئەڭ ياخشى ئۆگىنىش ئۇسۇلى» دەپ قارىلاتتى. بۇنداق ئۆگىنىش ئۇسۇلى ئوقۇغۇچىلارنىڭ تەپەككۇرى ۋە يېڭىلىق يارىتىش ئىقتىدارىنى بوغۇپ، قىزىقىشى ۋە قىزغىنلىقىنى چەكلەپ قويىدۇ. ساپا مائارىپى بولسا پاسسىپ قوبۇل قىلىش شەكلىدىكى ئۆگىنىش ئۇسۇلىنى ئۆزگەرتىپ، ئۆگىنىشنىڭ توغرا ئۇسۇلىنى ئۆگىتىپ، ئوقۇغۇچىلاردا ئىلمىي تەپەككۇر قىلىش ئادىتىنى يېتىلدۈرىدۇ.

مۇستەقىل ئۆگىنىش، ئىزدىنىپ ئۆگىنىش، ھەمكارلىشىپ ئۆگىنىش، تەتقىقات خاراكتېرلىك ئۆگىنىش ھازىر كۆپرەك قوللىنىلىۋاتقان ئۆگىنىش ئۇسۇللىرى بولۇپ، مۇستەقىل ئۆگىنىش ئوقۇغۇچىلاردا ئۆگەنگەنسىرى ئۆگەنگىسى كېلىدىغان ياخشى پىسخىكا ھالىتىنى يېتىلدۈرۈپ، ئوقۇغۇچىلارنىڭ تەپەككۇرىنى ئېچىشتا، ئۆزىگە ئىشىنىش تۇيغۇسىنىڭ چوڭقۇرلىشىشىدا تۈرتكىلىك رول ئوينايدۇ.

ئىزدىنىپ ئۆگىنىش ئۇسۇلى بولسا ئوقۇغۇچىلارنىڭ يېڭى بىلىم ئىگىلەش جەريانىدا مەسىلىلەرنى بايقاش، ئوتتۇرىغا قويۇش ۋە ئۇنى ھەل قىلىشىدا يېتىلىدۇ. ئىزدىنىپ ئۆگىنىش مول ئىندىۋىدۇئاللىققا ئىگە ئۆگىنىش ئۇسۇلى بولۇپ، ئوقۇغۇچىلارنى ئۆزىگە خاس ئۆگىنىش ئۇسلۇبى يارىتىشقا ئىلھاملاندۇرىدۇ.

ھەمكارلىشىپ ئۆگىنىش ئوقۇغۇچىلارنىڭ كىچىك گۇرۇپپىلارنى بىرلىك قىلغان ئۆگىنىش پائالىيىتى بولۇپ، بۇنداق ئۇسۇل ئوقۇغۇچىلارنىڭ ھەمكارلىق ئېڭى ۋە ھەمكارلىشىش ماھارىتىنى يېتىلدۈرۈشكە پايدىلىق بولۇپلا قالماي، مەسىلىنى ئەڭ تېز، ئەڭ توغرا ھەل قىلىشنىڭ ياخشى ئۆگىنىش ئۇسۇلى، دەرسلىكتىكى ئوقۇغۇچىلار ئايرىم جاۋاب بېرىشتە قىينىلىدىغان بەزى مەسىلىلەر توغرىسىدا ئۆزئارا مۇنازىرە قىلىشىپ ئورتاق ھەل قىلىدىغان ئۆگىنىش ئۈسلۇبى بولۇپ، ئوقۇغۇچىلارنى ئورتاق ئىزدىنىشكە يېتەكلەيدۇ.

تەتقىقات خاراكتېرىدىكى ئۆگىنىشتە ئوقۇغۇچىلار ئوقۇتقۇچىنىڭ يېتەكچىلىكىدە مەكتەپ ۋە جەمئىيەتتىن مەخسۇس تېما تاللاپ، مەسىلىلەرگە جاۋاب بېرىدۇ. بۇنداق ئۆگىنىش ئۇسلۇبى ئوقۇغۇچىلارنىڭ ئەمەلىيەتتىن ئۆتكۈزۈش، ئەمەلىي مەسىلىلەرنى ھەل قىلىش ئىقتىدارىنى يېتىلدۈرۈپ، ئوقۇغۇچىلارنى مەلۇم دەرىجىدە مەكتەپ ۋە جەمئىيەت تۇرمۇشىغا دائىر ساۋاتقا ئىگە قىلىپ، ئىزدىنىپ ئۆگىنىش روھىنى يېتىلدۈرىدۇ.

قىسقىسى، ئوقۇغۇچىلارنىڭ بىلىمىنى چوڭقۇرلاشتۇرۇپ، ئىقتىدار ۋە ماھارىتىنى يېتىلدۈرۈشنى مەقسەت قىلىپ، ئوقۇغۇچىلارنىڭ قىزىقىش ئالاھىدىلىكىگە ئاساسەن، ئىلمىي، توغرا ئۆگىنىش ئۇسۇلىنى يېتىلدۈرۈش كېرەك.

(تەھرىر : سەپەر)

• ئوقۇتقۇچىلار بىلەن ئائىلە باشلىقلىرىنى
• سىنىپ مۇدىرى ئوقۇغۇچىلار ئارىسىدىكى زى
• ئوقۇغۇچىلارنىڭ توغرا ئۆگىنىش ئۇسۇلى
• قانداق قىلغاندا دەرسخانا ئوقۇتۇشىدىكى
• ئوقۇتقۇچىلار ئەخلاقىنىڭ ئوقۇغۇچىلارغا
• مەكتەپ ئائلە باشلىقلرى ھەمكارلىشىپ ئوق
• پىسخىكىسىدا توسالغۇ كۆرۈلگەن ئوقۇغۇچىل
• ئائىلە سۆھبىتىنىڭ رولى
• ئوقۇتقۇچى بىلەن ئوقۇغۇچىلار قانداق سال
• ئوتتۇرا–باشلانغۇچ مەكتەپ ئوقۇغۇچىلىرى
• باشلانغۇچ مەكتەپ تەربىيەسىنىڭ بالىلارغ
• ئوقۇتقۇچىلار قانداق ئوبراز يارىتىشى كې
• ئارقىدا قالغان ئوقۇغۇچىلارنى يېتەكلەش
• ئوقۇتقۇچى قانداق ئوقۇغۇچىن
• ئوقۇتقۇچى، ئوقۇغۇچىلارنىڭ ئۈلگىسمۇ ياك
• دەرىسخانىدا ئوقۇغۇچىلارنى سۇئال ئارقىل