‹‹نۇقتىلىق سىنىپ››نىڭ ئالاھىدىلىكى

　قىزىم تولۇقسىز ئوتتۇرا مەكتەپنى پۈتكۈزگەندىن كېيىن ئادەتتىكى بىر تولۇق ئوتتۇرا مەكتەپكە قوبۇل قىلىندى. مەن ئۇنى ئىلھاملاندۇرۇپ، گەرچە نۇقتىلىق ئوتتۇرا مەكتەپكە ئۆتەلمىگەن بولسىمۇ، تىرىشىپ ئالدىغا ئۈزۈپ چىقالىسىلا ياخشى ئالىي مەكتەپكە ئۆتەلەيدىغانلىقىنى ئېيتتىم. ئۇ گېپىمنى ئاڭلاپ، باش لىڭشىتىپ ماقۇللۇق بىلدۈردى.

جاپالىق ئۆگىنىش ۋە نۇرغۇنلىغان سىناقلار ئارقىلىق قىزىمنىڭ ھەقىقىي قابىلىيىتى ئاخىرى نامايەن بولدى. نەچچە كۈن ئىلگىرى، مەكتەپتىن تېلېفون قىلىپ، قىزىمنىڭ نۇقتىلىق سىنىپقا يۆتكەلگەنلىكىنى، ئىككى كۈندىن كېيىن ئاتا-ئانىلار يىغىنى ئىچىلىدىغانلىقىنى ئۇقتۇردى.

يىغىن كۈنى سىنىپ ساۋاقداشلار ۋە يېغىنغا كەلگەن ئاتا-ئانىلار بىلەن لىق تولدى. مەكتەپ مۇدىرى سىنىپ ئايرىشنىڭ ئەھمىيىتى ۋە ئوقۇغۇچىلار تىرىشىپ ئۆگەنسە، ئاتا-ئانىلارمۇ ئاكتىپ ماسلاشسىلا، ساۋاقداشلارنىڭ ئالىي مەكتەپكە ئۆتۈش نىسبىتىنىڭ % 80 تىن كەم بولمايدىغانلىقى، ئەلاچىلارنىڭ ھەتتا داڭلىق ئۇنىۋېرسىتېتلارغا كىرەلەيدىغانلىقى ھەققىدە سۆز قىلدى. سىنىپ مۇدىرى بۇ سىنىپنىڭ ئوقۇتۇش تۈزۈمى ۋە مەكتەپنىڭ ئەڭ قابىل ئوقۇتقۇچىلارنى مۇشۇ سىنىپقا تەقسىم قىلغانلىقى ھەققىدە تەپسىلىي چۈشەنچە بەردى.

يىغىندىن تارىغاندا ئاتا-ئانىلارنىڭ ھەممىسى ناھايىتى ھاياجان ئىلكىدە، تاكى مەكتەپ دەرۋازىسىدىن چىققانغا قەدەر بۈگۈنكى يېغىن توغرىسىدا پاراڭلىشىپ ماڭدى.

مەن يېنىمدىكى بىر ئائىلە باشلىقىدىن: سىزنىڭچە بۇ نۇقتىلىق سىنىپنىڭ قانداق ئالاھىدىلىكى باركەن؟ ـــ دەپ سورىدىم.

ھېلىقى ئائىلە باشلىقى گاڭگىرىغان ھالدا كۆز ئەينىكىنى ئارقىغا سۈرۈپ قويدى-دە: ئېنىق بىرنەرسە دېيەلمەيمەن، ئەمما ساناپ باقسام، سىنىپتىكى 56 نەپەر ئوقۇغۇچىنىڭ تۆتىدىن باشقىلارنىڭ ھەممىسى كۆزەينەك تاقايدىكەن، بەلكىم بۇ مۇشۇ ‹‹نۇقتىلىق سىنىپ››نىڭ ئالاھىدىلىكى بولسا كېرەك؟

()

• . مائارىپ مىنىستىرلىقى: ئېلىمىز ئوقۇغۇچى
• . ئوزۇقلۇق تامىقى «چالا پىشقان تاماق»قا ئ
• . تاپشۇرۇق كۆپ،ئۈنۈمى شۇنچە تۆۋەن
• . ‹‹ئازاد قىلىش›› ئوقۇتقۇچىلارنى ئەڭ ي
• . خەت چېكىش شەكلىدىكى تەربىيەلەشنى توختا
• . ‹‹70-يىللار›› دىكى شەھەر بىلەن يېزا ما
• . يېزا مائارىپى بايلىقتىن ئالدىن بەھرىمە
• . يېزا مائارىپى مەسىلىسىنى چوقۇم بىراقلا
• . يېزىلاردىكى مەكتەپلەرنىڭ يوقىلىش ئەكىس
• . ماشىنا ئوقۇتقۇچىلار ھەقىقىي ئوقۇتقۇچىل
• . مائارىپنىڭ ئادىللىقىدىن ھەر بىر بالىنى
• . مىجەز يوقلۇقمۇ ياكى ھۇرۇنلۇقمۇ؟
• . ئوقۇش تارىخى ئوقۇغۇچىنىڭ ئىقتىدارى بىل
• . ئامېرىكىلىقلارنىڭ تولۇق كۇرس ئۇنۋانىغا
• . گوۋۇيۈەن مائارىپ نازارەتچىلىك كومىتېتى
• . ‹‹نۇقتىلىق سىنىپ››نىڭ ئالاھىدىلىكى