مائارىپنىڭ ئادىللىقىدىن ھەر بىر بالىنى بەھرىمەن قىلايلى

ۋۇ بىۋېن

    10 يىل ئىلگىرى ، مەجبۇرىيەت مائارىپىنى تەكشى تەرەققىي قىلدۇرۇشنىڭ ئۆزى پەقەت بىر شوئار بولۇپ ، بارلىق بالىلارنى باراۋەر، سۈپەتلىك بولغان مائارىپتىن بەھرىمەن قىلىش بىزدىن ئانچە يىراق بولمىغان بىر ئارزۇ ئىدى . ۋاھالەنكى ، ھازىر بۇ ئارزۇلار بەزى شەھەر ۋە يېزا-كەنتلەردە رېئاللىققا ئايلاندى .

    تۈرلۈك سەۋەپلەر تۈپەيلىدىن ، ئېلىمىزنىڭ ئەلا مائارىپ بايلىقى ئىزچىل كەمچىل بولۇپ ، زور كۆپچىلىكى چوڭ شەھەرلەردىكى داڭلىق مەكتەپلەرگە مەرگەزلىشىپ قېلىپ ، مەكتەپلەر ئوتتۇرىسىدىكى ئوقۇ-ئوقۇتۇش شارائىتى ، ئوقۇ-ئوقۇتۇش سۈپىتى جەھەتتە پەرىق ناھايىتى زور بولۇپ كەلدى .نۇرغۇنلىغان ئوقۇغۇچىلار گەرچە مائارىپ ھوقۇقىدىن بەھرىمەن بولۇپ كەلگەن بولسىمۇ ، بىراق باراۋەر ۋە يۇقىرى سۈپەتلىك بولغان مائارىپتىن بەھرىمەن بولالمىدى .

    مەجبۇرىيەت مائارىپىنىڭ تەكشى بولماسلىقى ئىزچىل تۈردە ھەر نۆۋەتلىك ھۆكۈمەتلەرنى قىيىن ئەھۋالغا چۈشۈرۈپ قويىۋاتقان مەسىلە . 10 يىل ئىلگىرى ، پارتىيەنىڭ 16-قورۇلتىيىدا ، «مائارىپتا يېڭىلىق يارىتىپ ، مائارىپ ئىسلاھاتىنى چوڭقۇرلاشتۇرۇش ، مائارىپ قۇرۇلمىسىنى ئەلالاشتۇرۇپ ، مائارىپ بايلىقىنى مۇۋاپىق تەقسىملەش ، مائارىپ سۈپىتى ۋە باشقۇرۇش سۈپىتىنى يۇقىرى كۆتۈرۈپ ، ساپا مائارىپىنى ئومۇميۈزلۈك ئىلگىرى سۈرۈش ، يۇقىرى ساپالىق ئەمگەكچىلەر ، مىليونلىغان كەسپىي ئىختىساس ئىگىلىرى ۋە زور بىر تۈركۈم سەر خىل يېڭىلىق ياراتقۇچىلارنى يېتىشتۈرۈپ چىقىش » تا قەتئىي چىڭ تۇرۇش ئوتتۇرىغا قويۇلغان ئىدى . شۇنىڭ بىلەن بىرگە « مائارىپنىڭ پەن-تېخنىكىنى تەرەققىي قىلدۇرۇش ۋە ئىختىساس ئىگىلىرىنى تەربىيەلەپ يېتىشتۈرۈشنىڭ ئاساسى ئىكەنلىكى ، زامانىۋىيلاشتۇرۇش قۇرۇلۇشىدىكى باشلامچىلىق ۋە ئومۇمىيلىق رولىغا ئىگە بولۇپ ، ئۇنى چوقۇم ئالدىن تەرەققىي قىلدۇرىدىغان ئىستراتېگىيەلىك ئورۇنغا قويۇشنىڭ زۆرۈرلىكى » كۆرسىتىلگەن ئىدى .

    بەش يىلدىن كېيىنكى17-قۇرۇلتايدا ، يەنىمۇ ئىلگىرلىگەن ھالدا «مائارىپ مىللەتنى گۈللەندۈرۈشنىڭ ئۇل تېشى، مائارىپتىكى ئادىللىق جەمئىيەت ئادىللىقىنىڭ مۇھىم ئاساسى » ، «مائارىپ قۇرۇلمىسىنى ئەلالاشتۇرۇپ ، مەجبۇرىيەت مائارىپىنىڭ تەكشى تەرەققىي قىلىشنى ئىلگىرى سۈرۈش لازىم » دەپ ئېنىق ئوتتۇرىغا قويۇلدى .

    2012-يىلى ئوتتۇرىغا چىقىرىلغان دۆلەتنىڭ مائارىپ يىرىك پىلانى پىروگراممىسىدا ، مەجبۇرىيەت مائارىپىنى تەكشى تەرەققىي قىلدۇرۇش ئىستراتېگىيەلىك ۋەزىپە قاتارىغا قويۇلدى . شۇنىڭدىن باشلاپ بۈگۈنگە قەدەر مائارىپ مىستىرلىقى پۈتۈن مەملىكەتتىكى 31 ئۆلكە (ئاپتونوم رايون ، شەھەر)ۋە شىنجاڭ ئىشلەپچىقىرىش–قۇرۇلۇش بىڭتۈەنى بىلەن مەجبۇرىيەت مائارىپىنى تەكشى تەرەققىي قىلدۇرۇش ئەسلەتمىسى ئىمزالاپ ، مائارىپ مىنىستىرلىقى بىلەن ھەرقايسى ئۆلكە ، ئاپتونوم رايون ۋە بىۋاستە قاراشلىق شەھەرلەرنىڭ مەسئۇلىيىتى ۋە ۋەزىپىسى ، مەرگەز ئورۇنلىرى بلەن يەرلىك ھۆكۈمەتلەرنىڭ مەجبۇرىيەت مائارىپىنى تەكشى تەرەققىي قىلدۇرۇش مېخانىزمى قۇرۇلمىسىنى ماسلىشىپ ئىگىرى سۈرۈش ئېنىق بەلگىلەندى .

    2011-يىلى جىياڭشى ئۆلكىلىك خەلق ھۆكۈمىتى مائارىپ مىنىستىرلىقى بىلەن مەجبۇرىيەت مائارىپىنى تەكشى تەرەققىي قىلدۇرۇش ئەسلەتمىسى ئىمزالىدى .مائارىپ مىنىستىرلىقى مەجبۇرىيەت مائارىپىنىڭ مەبلىغىگە كاپالەتلىك قىلىپ ، ئوتتۇرا ، باشلانغۇچ مەكتەپلەرنىڭ ياتاق بىخەتەرلىك قۇرۇلۇشى ، يېزا-كەنت مەجبۇرىيەت مائارىپىدىكى ئاجز مەكتەپلەرنى ئۆزگەرتىش ، ئوقۇتقۇچىلار قوشۇنى قۇرۇلۇشى ، مائارىپنى ئۇچۇرلاشتۇرۇش قاتارلىق جەھەتلەردە ياردەم قىلىدىغان ، جىياڭشى ئۆلكىسى كەسىپلەر بويىچە ياردەم بېرىشنى قانات يايدۇرۇپ ، يېزا-كەنت مەكتەپلىرىدىكى ئاجىز مەكتەپلەر قۇرۇلۇشىنى كۈچەيتىش ، مەكتەپ مۇدىرلىرى بىلەن ئوقۇتقۇچىلارنىڭ ئۆز ئارا ئالماشتۇرۇش ئېلىپ بېرىشىنى ئىلگىرى سۈرۈش ، مائارىپ بايلىقىنى تەكشى تەقسىملەش قاتارلىق تەدبىر-چارىلەر ئارقىلىق ، ئىلگىرى سۈرۈش سالمىقىنى زورايتىدىغان بولدى .

    تيەنجىن شەھەرلىك ھۆكۈمەت مائارىپ مىنىستىرلىقى بىلەن مەجبۇرىيەت مائارىپىنى تەكشى تەرەققىي قىلدۇرۇش ئەسلەتمىسى ئىمزالاپ ، «كۈچلۈكلەر ئاجىزلارنى ئېلىپ مېڭىپ ، ئورتاق تەرەققىي قىلىش » تەك مەكتەپلەرنىڭ ھەمكارلىق يېڭى ئەندىزىسىنى قۇرۇپ چىقتى .ئوچۇق دەرس ئوقۇتۇشى ، تەتقىقات تېمىلىرى ھەمكارلىقى ، ئىلمىي تەكشۈرۈش ، سۈپەت ئانالىزى ، شۇنداقلا ئەزا مەكتەپلەر ئوتتۇرىسىدىكى ئوقۇتقۇچىلارنىڭ مەكتەپ ئاتلاپ دەرس ئۆتۈش ئۇسۇلى ئارقىلىق ئورتاق بەھىرلىنىش مېخانىزمىنى شەكىللەندۈردى .

    نىڭشىيا خۇيزۇ ئاپتونوم رايونى «يەتتىنى چىڭ تۇتۇپ ، يەتتىنى ئىلگىرى سۈرۈش » ئارقىلىق ، مەجبۇرىيەت مائارىپىنىڭ تەكشى تەرەققىي قىلىشىنى زور كۈچ بىلەن ئىلگىرى سۈرگەن ، خۇنەن ئۆلكىسى لاياقەتلىك مەكتەپ قۇرۇلۇشى ئارقىلىق مەجبۇرىيەت مائارىپىنىڭ تەكشى تەرەققىي قىلىشىنى ئىلگىرى سۈرگەن ، ئەنخۇي ئۆلكىسى مائارىپنىڭ ئادىل ، تەكشى تەرەققىي قىلىشىنىڭ باشلىنىش نۇقتىسىغا كاپالەتلىك قىلىشنى ئىلگىرى سۈرگەن ، شەنشى ئۆلكىسى ھۆكۈمەتنىڭ فۇنكسىيەسىنى كۈچەيتىپ، مەجبۇرىيەت مائارىپىنىڭ تەكشى تەرەققىي قىلىشىنى زور كۈچ بىلەن ئىلگىرى سۈرگەن........

    مەجبۇرىيەت مائارىپىنى تەكشى تەرەققىي قىلدۇرۇش ئاللىقاچان ھەر دەرىجىلىك ھۆكۈمەتنىڭ ئەمەلىي ھەرىكىتىگە ئايلاندى . بىراق بىز چۇقۇم شۇنى كۆرۈپ يېتىشىمىز كېرەككى ، مەجبۇرىيەت مائارىپىنىڭ تەكشى تەرەققىي قىلىشىنى ئىلگىرى سۈرۈش ۋەزىپىسى يەنىلا جاپالىق ۋە مۇرەككەپ .ئۇ مەكتەپلەر ئوتتۇرىسىدىكى ئوقۇ-ئوقۇتۇش سەۋىيەسىدىكى پەرىقنىڭ كىچىكلىشىگە ئەگىشىپ ، مائارىپ سۈپىتىنى ئومۇميۈزلۈك يۇقىرى كۆتۈرۈشتىكى بىر پۈتۈن جەريان ، شەھەر-يېزىلارنىڭ بىر گەۋدىلىشىش تەرەققىياتىغا ئەگىشىپ ، شەھەر-بازارلار پەرقىنىڭ پەيدىن پەي كىچىكلىشىدىكى پۈتۈن بىر جەريان .

    مائارىپتىكى ئادىللىقنى ئەمەلگە ئاشۇرۇپ ، مەجبۇرىيەت مائارىپىنىڭ تەكشى تەرەققىي قىلىشىدەك قۇياش نۇرىدىن ھەر بىر بالىنى بەھرىمەن قىلىش ، پۈتكۈل جەمئىيەتنىڭ باش تارتىپ بولالمايدىغان مەسئۇلىيىتى .

()

• . مائارىپ مىنىستىرلىقى: ئېلىمىز ئوقۇغۇچى
• . ئوزۇقلۇق تامىقى «چالا پىشقان تاماق»قا ئ
• . تاپشۇرۇق كۆپ،ئۈنۈمى شۇنچە تۆۋەن
• . ‹‹ئازاد قىلىش›› ئوقۇتقۇچىلارنى ئەڭ ي
• . خەت چېكىش شەكلىدىكى تەربىيەلەشنى توختا
• . ‹‹70-يىللار›› دىكى شەھەر بىلەن يېزا ما
• . يېزا مائارىپى بايلىقتىن ئالدىن بەھرىمە
• . يېزا مائارىپى مەسىلىسىنى چوقۇم بىراقلا
• . يېزىلاردىكى مەكتەپلەرنىڭ يوقىلىش ئەكىس
• . ماشىنا ئوقۇتقۇچىلار ھەقىقىي ئوقۇتقۇچىل
• . مائارىپنىڭ ئادىللىقىدىن ھەر بىر بالىنى
• . مىجەز يوقلۇقمۇ ياكى ھۇرۇنلۇقمۇ؟
• . ئوقۇش تارىخى ئوقۇغۇچىنىڭ ئىقتىدارى بىل
• . ئامېرىكىلىقلارنىڭ تولۇق كۇرس ئۇنۋانىغا
• . گوۋۇيۈەن مائارىپ نازارەتچىلىك كومىتېتى
• . ‹‹نۇقتىلىق سىنىپ››نىڭ ئالاھىدىلىكى