ئامېرىكىلىقلار:ئامېرىكىلىقلارنىڭ تولۇق كۇرس ئۇنۋانىغا ئېرىشىش

نىسبىتى يەنىلا تۆۋەن

ئامېرىكا ياشلىرىنىڭ ئىچىدە تولۇق كۇرس ئۇنۋانىغا ئېرىشىش نىسبىتى 2010-يىلىدىكىدىن ئازراق ئۆرلىگەن بولسىمۇ، ئەمما ئوبامانىڭ بېكىتكەن ئۇنۋان ئېلىش نىسبىتى %60 بولۇشتەك خەلقئارادىكى ئەڭ يۇقىرى نىسبەتكە يېتىشتە يەنىلا ئارىلىق بار. ئامېرىكا مائارىپ ئىدارىسىنىڭ يېقىندا ئېلان قىلغان سانلىق مەلۇماتىدا، 2010-يىلى، ئامېرىكىدىكى 25 ياشتىن 34 ياشقىچە بولغان ياشلارنىڭ ئارىسىدا، 39.3% ئوقۇغۇچى مەخسۇس كۇرس، تولۇق كۇرس ۋە ماگىستىرلىق ئۇنۋانىغا ئېرىشكەن بولۇپ، ئالدىنقى يىلدىكىدىن 0.5 پوئىنت ئۆرلىگەن. ئىقتىسادىي ھەمكارلىق ۋە تەرەققىيات تەشكىلاتىنىڭ 2011-يىللىق دوكلاتىدا كۆرسىتىلىشىچە، ئامېرىكىدىكى ياشلارنىڭ تولۇق كۇرس ئۇنۋانىغا ئېرىشىش نىسبىتى دۇنيا بويىچە 16-ئورۇندا بولۇپ، كورىيە، كانادا، ياپونىيە ۋە رۇسىيەدىن تۆۋەن ئورۇندا تۇرىدىكەن. كورىيەدە 25 ياشتىن 34 ياشقىچە بولغان ياشلارنىڭ ئارىسىدا تولۇق كۇرس ئۇنۋانىغا ئېرىشكەنلەر %63 ئىگەللەيدىكەن، ئامېرىكىدا ئاران %41 ئىگەللەيدىكەن.

گەرچە ئامېرىكىدىكى تولۇق كۇرس ئۇنۋانىغا ئېرىشكەن ياشلارنىڭ نىسبىتى، ئەمگەك بازىرىدىن چېكىنىپ چىقىۋاتقان پېشقەدەملەرنىڭ نىسبىتى بىلەن ئوخشىشىپ كەتسىمۇ، لېكىن تولۇق كۇرس ئۇنۋانىغا ئېرىشكەنلەر سانىنىڭ ئېشىش سۈرئىتىنىڭ ئاستا بولۇشى- كۆپچىلىكنىڭ دىققىتىنى تارتماقتا. ئىقتىسادىي ھەمكارلىق ۋە تەرەققىيات تەشكىلاتىنىڭ ئېيتىشىچە، ئامېرىكىدا، قۇرامىغا يەتكەن تولۇق كۇرس ئۇنۋانىغا ئېرىشكۈچىلەرنىڭ نىسبىتى، 1997-يىلىدىكى %34 تىن  2009-يىلىدىكى %41 كە ئۆرلىگەن، ئەگەر بارلىق ياش قاتلىمىدىكىلەرنىڭ ئۇنۋانغا ئېرىشىش نىسبىتىنى قوشقاندا، ئامېرىكا خەلقارا بويىچە تۆتىنچى ئورۇندا تۇرىدۇ. ئەمما باشقا دۆلەتلەرمۇ زور ئىلگىرلەشلەرگە ئېرىشتى، مەسىلەن، كانادادىكى يېرىمدىن كۆپرەك قۇرامىغا يەتكەنلەرنىڭ تولۇق كۇرس ئۇنۋانى بار. ئامېرىكا پىرېزىدېنتى ئوباما ۋەزىپىسىگە يېڭىدىن ئولتۇرغاندا 2020-يىلىغىچە، %60 ئامېرىكىلىق ياشلار چوقۇم تولۇق كۇرس ئۇنۋانىغا ئېرىشىشى كېرەك دەپ نىشان بېكىتكەن. ئەمما يېقىندا ئېلان قىلغان سانلىق مەلۇماتلاردىن قارىغاندا، يېرىمدىن كۆپرەك شتاتدا زور تىرىشقاندىلا ئاندىن بۇ نىشانغا يەتكىلى بولىدىكەن. مەسىلەن، نيۇيورك شتاتى ئەگەر بۇ نىشانغا يەتمەكچى بولسا ئادەم سانىنى بىر مىليون300 مىڭدىن بىر مىليون 670 مىڭغا كۆپەيتىشكە توغرا كېلىدۇ. پۈتكۈل ئامېرىكىدىكى رايون ۋە شەھەرلەر ئارىسىدا كولومبىيە ئالاھىدە رايونىنىڭ مائارىپ سەۋىيىسى ئەڭ يۇقىرى بولۇپ، تەخمىنەن %69 ياشلار تولۇق كۇرس ئۇنۋانىغا ئىگە. تەھلىل قىلىشلاردىن قارىغاندا، ئوقۇش پۇلىنىڭ ئۆسۈپ كېتىشى نۇرغۇن ياشلارنىڭ ئالىي مەكتەپنى پۈتتۈرەلمەسلىك سەۋەبلىرىنىڭ بىرى ئىكەن.

()

• . مائارىپ مىنىستىرلىقى: ئېلىمىز ئوقۇغۇچى
• . ئوزۇقلۇق تامىقى «چالا پىشقان تاماق»قا ئ
• . تاپشۇرۇق كۆپ،ئۈنۈمى شۇنچە تۆۋەن
• . ‹‹ئازاد قىلىش›› ئوقۇتقۇچىلارنى ئەڭ ي
• . خەت چېكىش شەكلىدىكى تەربىيەلەشنى توختا
• . ‹‹70-يىللار›› دىكى شەھەر بىلەن يېزا ما
• . يېزا مائارىپى بايلىقتىن ئالدىن بەھرىمە
• . يېزا مائارىپى مەسىلىسىنى چوقۇم بىراقلا
• . يېزىلاردىكى مەكتەپلەرنىڭ يوقىلىش ئەكىس
• . ماشىنا ئوقۇتقۇچىلار ھەقىقىي ئوقۇتقۇچىل
• . مائارىپنىڭ ئادىللىقىدىن ھەر بىر بالىنى
• . مىجەز يوقلۇقمۇ ياكى ھۇرۇنلۇقمۇ؟
• . ئوقۇش تارىخى ئوقۇغۇچىنىڭ ئىقتىدارى بىل
• . ئامېرىكىلىقلارنىڭ تولۇق كۇرس ئۇنۋانىغا
• . گوۋۇيۈەن مائارىپ نازارەتچىلىك كومىتېتى
• . ‹‹نۇقتىلىق سىنىپ››نىڭ ئالاھىدىلىكى