1. دائىم قاپىقىنى تۈرۈپ يۈرۈش
ئاسانلا تېرىگە ئوزۇقلۇق يېتىشمەسلىكنى كەلتۈرۈپ چىقىرىپ، تېرىنى قۇرغاقلاشتۇرۇپ، ئۇنىڭ ئىلاستىكىلىغىنى تۆۋەنلىتىۋېتىدۇ ھەم ئاسانلا قورۇق پەيدا قىلىدۇ.
2. كەچلىك ئۇيقۇغا ئەھمىيەت بەرمەسلىك:
كەچتە ئۇخلىماسلىق تېرىنىڭ ئەڭ ئەشەددىي دۈشمىنى، ئۇيقۇ يىتەرلىك بولمىسا تېرىدىكى ھۈجەيرىلەرنىڭ تەڭشەش ئىقتىدارى قالايمىقانلىشىپ، ئىپتىلىيە ھۈجەيلىرىگە زىيان يەتكۈزىدۇ. شۇڭا خانىم قىزلار چۇقۇم كۈندە يەتتە- سەككىز سائەت ئۇخلاشقا كاپالەتلىك قىلىشى كېرەك. ئۇيقۇ يىتەرلىك بولغاندا، تېرىدىكى ھۈجەيرىلەرنىڭ ھاياتى كۈچىنى ئاشۇرۇپ، قېرىشنىڭ ئالدىنى ئالغىلى بولىدۇ.
3. دائىم ئاپتاپتا يۈرۈش:
قۇياش نۇرى تېرىنىڭ ئىلاستىكىلىقى ۋە ھاياتى كۆچىنى ئاشۇرۇشتا مۇھىم رول ئوينايدىغان ئىلاستىك توقۇلمىلار ۋە ئاقسىل تەركىبلىرىنى بىۋاستە زىيانغا ئۇچۇرتۇپ، يۈز تېرىسىنى يىرىك قىلىپ قويىدۇ ۋە تېرىدە قورۇق پەيدا قىلىدۇ.
4. ھاراق ئىچىش:
ھاراق ئىچىش خانىم- قىزلارغا نىسبەتەن ناچار ئادەت. خانىم -قىزلار ھاراق ئىچىشنى ئادەت قىلىۋالسا، ۋاقىتنىڭ ئۇزۇرۇشىغا ئەگىشىپ ھاراق تېرىدىكى ياغ تەركىبىنى ئازايتىپ، تېرىنىڭ سۇسىزلىنىشىنى ئىلگىرى سۈرۈپ، تېرىنىڭ ئىقتىدارىغا زىيان يەتكۈزىدۇ
5. سۇ ئىچمەسلىك:
سۇ ئىچىپ بېرىشكە ئادەتلەنمىگەندە، تېرىنىڭ سۇسىزلىنىشىنى كەلتۈرۈپ چىقىرىدۇ ۋە قورۇق پەيدا قىلىپ، تېرىنىڭ ئىلاستىكىلىقىنى ئاجىزلاشتۇرۋىتىدۇ. شۇڭا ھەر كۈنى بەش- ئالتە ئىستاكان سۇ ئىچىپ بېرىش تېرىگە پايدىلىق. بىراق قەھۋە تۈرىدىكى ئىچىملىكلەرنى ئىچمەسلىك، سۇغۇق ئىچىملىكلەرنى ئاز ئىچىش كېرەك.
6. ھەركەت قىلىشنى ياقتۇرماسلىق:
مۇۋاپىق ھەركەت قىلىپ، يېنىك پائالىيەتلەر بىلەن شۇغۇللىنىپ چېنىقىپ بەرگەندە، قان ئايلىنىشنى تېزلىتىپ، بەدەننىڭ ھەركەت ئىقتىدارىنى، تېرىنىڭ نەملىكىنى ئاشۇرغىلى بولىدۇ. بۇ ئارقىلىق تېرىنىڭ ئاجىزلىشىشى، قېرىشنىڭ ئالدىنى ئالغىلى بولىدۇ.
7. گىرىمنى پاكىز يۇماسلىق:
گىرىم بۇيۇملىرى تېرىدە ئۇزۇن تۇرۇپ قالسا، تېرىگە ئەكىس تەسىر كۆرسىتىپ، تېرىنىڭ نورمال ئىقتىدارىغا زىيان يەتكۈزىدۇ، ھەتتا ھەر خىل تېرە كىسەللىكلىرىنى پەيدا قىلىدۇ. شۇڭا كەچتە ياتىدىغان چاغدا چۇقۇم گىرىمنى پاك- پاكىز يۇيىۋىتىش كېرەك. ئەگەر گىرىم تولۇق چىقىرۋېتىلمىسە، تۈك تۈشۇكچىلىرى ئىتىلىپ قىلىپ، تېرىنىڭ نەپەسلىنىشىگە تەسىر يەتكۈزىدۇ.
8. ئۆز تېرىسىگە مۇۋاپىق كەلمەيدىغان گىرىم بۇيۇملىرىنى ئىشلىتىش:

بەزىلەرنىڭ تېرىسى قۇرغاق، بەزىلەرنىڭ تېرىسى ياغلىق بولىدۇ. گىرىم بۇيۇملىرىمۇ، سۇپۇنلارمۇ مۇشۇنىڭغا ماس ھالدا ئىشلەنگەن. ئەگەر ئىشلەتكەن گىرىم بۇيۇملىرى تېرىگە مۇۋاپىق كەلمىە، ئەكسىچە تېرىنى ناچارلاشتۇرۋېتىدۇ. شۇڭا خانىم -قىزلار ئۆزىنىڭ تېرىسى زادى قانداق تىپقا كىرىدۇ، قانداق ئاسىرسا توغرا بولىدۇ، دېگەندەك نۇقتىلارنى ئوبدان چۈشۈنۈپ، تېرىگە ماس كېىلىدىغان گىرىم بۇيۇملىرىنى ۋە سۇپۇنلارنى ئىشلىتىشى كېرەك.
9. غىدىقلۇغۇچى يېمەكلىكلەرنى كۆپ يېيىش، ۋىتامىن تولۇقلاشقا سەل قاراش:

تېرىنىڭ ئادەم بەدىننىڭ ئىچكى ئاجىرتىش سېستىمىسى بىلەن بولغان مۇناسىۋىتى ئىتايىن زىچ. مۇچ، ياغدا پىشۇرۇلغان يېمەكلىكلەر ئادەم بەدىنىنىڭ ئىچكى ئاجىراتما سىستېمىسىغا تەسىر كۆرسىتىپ، تېرىنىڭ پاقىراق، سىلىقلىقىغا ئېغىر تەسىر يەتكۈزىدۇ. كۆكتات، مېۋە-چىۋىلەر تەركىبىدە ھەر خىل ۋىتامىن كۆپ بولۇپ، تېرىنىڭ ئىلاستىكىلىقىنى ئاشۇرۇپ، نەملىكنى تەڭشەيدۇ. شۇڭا غىدىقلۇغۇچى يېمەكلىكلەرنى ئاز يىيىش، كۆكتات ، مېۋە چىۋىلەرنى كۆپ يېيىشكە ئادەتلىنىش كېرەك.