ئاق شېكەر ئاق شېكەر تىپىك كىسلاتالىق يېمەكلىك بولۇپ، بالىلار كۆپ ئىستېمال قىلسا سەمرىتىۋېتىدۇ ۋە چىشىنى چېرىتىۋېتىدۇ، بەدەن ۋە مېڭىنىڭ كىسلاتالىقىنى ئاشۇرۇپ، ئەقلىي ئىقتىدارىنىڭ يېتىلىشىگە تەسىر يەتكۈزىدۇ.
   ئالاھىدە ئىشلەنگەن گۈرۈچ، ئۇن ئالاھىدە ئىشلەنگەن گۈرۈچ، ئۇنلار پىششىقلاپ ئىشلىنىش جەريانىدا ئوزۇقلۇق تەركىبلىرى ئاساسەن زىيانغا ئۇچراپ، كاربون سۇ بىرىكمىلىرىلا ساقلىنىپ قىلىپ »يېقىلغۇ« لۇق رول ئوينايدۇ، شۇڭا بۇنىڭدىن تەييارلانغان يېمەكلىكلەرنىڭ مېڭىگە ھېچقانداق پايدىسى يوق.
   قەھۋە بىر قىسىم كىشىلەر قەھۋەنى بىر خىل روھلاندۇرۇش خۇرۇچى، چوڭ مېڭىنى سەگەكلەشتۈرىدۇ، دوپ قارايدۇ. ئەمەلىيەتتە ئۇنداق ئەمەس. چۈنكى قەھۋە تەركىبىدىكى كوففېئېن بىر خىل ئۆسۈملۈك ئىشقارى بولۇپ، چوڭ مېڭىنى غىدىقلاش رولىغا ئىگە بولغاچقا، روھلىنىش پەيدا قىلىدۇ. ئەمما قەھۋەنىڭ تەسىرى بىلەن چوڭ مېڭىگە يېتىپ بارىدىغان قان ئازلاپ كېتىدۇ. ئەگەر بالىلار قەھۋەنى كۆپ ئېچسە، ئەقلىي ئىقتىدارىنىڭ يېتىلىشىگە ئېغىر تەسىر يېتىدۇ.
   گۆش تۈرىدىكىلەر كۆپلىگەن ئاتا -ئانىلار بالىلىرىنىڭ ساغلام ئۆسۈپ يېتىلىشى ئۈچۈن، كۈندە دېگۈدەك گۆش تۈرىدىكى يېمەكلىكلەرنى يېگۈزىدۇ. ئىلمى ئانالىزغا ئاساسلانغاندا، ئادەم بەدىنى تۆۋەن ئىشقارلىق ھالەتتە تۇرسا بىر قەدەر مۇۋاپىق بولىدىكەن. گۆش تائاملىرىنى كۆپ يېگەندە، بەدەن سۇيۇقلۇقى كىسلاتالىققا يۈزلىنىپ، چوڭ مېڭىنىڭ ئىنكاسى ئاستا بولۇپ قالىدۇ.
      خەنزۇچە « ساقلىقنى ساقلاش » گېزىتىدىن تەرجىمە قىلىندى