بالىلار رەڭگارەڭ ۋىتامىن تابلېتكىسى ياكى دورىلارنى كۆرگەندە ئۇلارنى قەنت-گېزەك دەپ ئويلاپ ئاغزىغا سېلىۋېلىشى مۇمكىن، ئىستاتسىتكىسىغا ئاساسلانغاندا، ئاتا-ئانا ۋە بالا باققۇچىلارنىڭ بىخەستەلىكىدىن ھەر يىلى نۇرغۇن بالا مۇشۇنداق تاسادىپىيلىقتىن جىددىي قۇتقۇزۇش بۆلىمىگە كىرىپ قالىدىكەن. شۇڭا ئاتا-ئانىلار تۆۋەندىكى بىر قانچە نۇقتىغا دېققەت قىلىشى كېرەك:
دورا ساندۇقىنى ئىشكاپنىڭ ئۈستى تەرىپىگە قويۇشى كېرەك. دورىلارنى بالىلارنىڭ بويى يەتمەيدىغان ئېگىز جايلارغا قويۇش كېرەك. بەزى بالىلار ئورۇندۇققا تايىنىپ دورا ئىشكاپىنى ئېچىۋالىدۇ، شۇڭا ئەڭ ياخشىسى دورا ئىشكاپىنى قۇلۇپلاپ قويۇش كېرەك.
ھەر قېتىم دورىنى ئىچىپ بولغاندىن كېيىن ياخشى ساقلاش كېرەك. مەيلى دورا ياكى ۋىتامىن تابلېتكىسى بولسۇن ئۇلارنى ھەرگىزمۇ ئۈستەللەرگە قالايمىغان تاشلاپ قويماسلىق كېرەك. بىردەملىك بىخەستەلىكمۇ بالىلارغا بالا ئېلىپ كېلىدۇ.
دورا قۇتىسىنىڭ ئاغزىنى مەھكەم ئېتىش كېرەك. ناۋادا سىز دورىنى ئۈستەلگە تاشلاپ قويۇپ ئۇنتۇلۇپ قالغۇدەك بولسىڭىز، چوقۇم دورا قۇتىسىنىڭ ئاغزىنى مەھكەم ئېتىۋېتىڭ.
بالىلارغا دورىنىڭ خەتىرىنى چۈشەندۈرۈش كېرەك. بالىڭىزغا دورىنىڭ نېمىلىكىنى، نېمە ئۈچۈن دورا ئىستېمال قىلىدىغانلىقىمىزنى چۈشەندۈرۈپ قويۇڭ. ئېسىڭىزدە بولسۇنكى، بالىلارغا دورا ئىچكۈزۈش ئۈچۈن ھەرگىزمۇ ئۇلارنى دورا دېگەن قەنت-گېزەك، دەپ ئالدىماڭ.
