بالىلارنىڭ چوڭ بولۇشىغا ئەگىشىپ، ئۇلارغا تەبىئىي ھالدا بەزى جىنسىي ساۋات ۋە جىنسىي بىلىملەر ھەققىدە تەربىيە بېرىش كېرەك. ئەگەر بالىلار جىنسىي جەھەتتە سوئال سوراپ قالسا ئاتا-ئانىلار ئۇنىڭدىن قىلچە يوشۇرماي، ھەقىقى ۋە ئوبيېكتىپراق قىلىپ جاۋاپ بېرىشى كېرەك. لېكىن، بالىلارغا ئۇلارنىڭ ياش قۇرامىدىن ھالقىپ كېتىدىغان ئىشلارنى بەك بالدۇر بىلدۈرۈپ قويماسلىق ۋە ئۇلارنىڭ كۆز ئالدىدىن ئۆتكۈزۈپ قويماسلىق لازىم.

         بالىلارنىڭ جىنسىي ئەزاسىنى نېرى-بېرى قىلىپ ئوينىشى بىلەن كارى بولماسلىق لازىم، ئۇنىڭغا باش قاتۇرۇپ كېتىشىمۇ ھاجەتسىز. ھازىر ئاتا-ئانىلار بۇنىڭ ئانچە زىيىنى يوقلۇقىنى بىلىپ قالغان بولسىمۇ، ئەمما بەزى كىشىلەر بىر تەرەپلىمە ۋە دەسلەپكى كۆز قاراشتا تۇرۇۋېلىپ، بۇ ئىشتىن يەنىلا ئەندىشە قىلىشىدۇ. 

         ئىلگىرى، ئاتا-ئانىلار بالىلارنىڭ جىنسىي ئەزاسىنى ئوينىغانلىقىنى سىزىپ قالسا، ئۇلارنىڭ دىققىتىنى باشقا ياققا بۇرىۋېتىشىنىڭ ئامالىنى قىلاتتى. بۇنداق قىلىشنىڭ ھاجىتى يوق، چۈنكى ئۇ بالىلاردا، جىنسىي ئەزانىڭ بولغىنى ياخشى ئەمەس، بەلكى زىيانلىق ئىكەن، دېگەن يامان تەسىر پەيدا قىلىپ قويىدۇ. شۇنىڭ ئۈچۈن جىسمانىي ۋە ئەقلى جەھەتتە يىتىلىۋاتقان بالىلاردا ئۆز بەدىنىنىڭ تەبىئىي گۈزەللىكىنى يوقىتىپ قويماسلىق تۇيغۇسىنى قوزغاش كېرەك.

         لېكىن، ئەگەر بالىلارنىڭ دىققىتىنى جىنسىي ئەزاسى تەرەپكە تەرەپكە بەكرەك تارتىلىپ كەتسە، ئۇلارنى غەم بېسىۋالىدۇ-دە، يامان ئاقىۋەت كېلىپ چىقىدۇ. ئەگەر بالىلاردا جىنسىي ئەزاسى تەرەپكە بېرىلىپ كېتىش ھادىسىلىرى كۆرۈلسە، ئۇنىڭ سەۋەبىنى سۈرۈشتۈرۈش كېرەك. بەزىلەرنىڭ شۇ ئەزايى بىئارام بولۇپ تۇرۇشى مۇمكىن. مەسىلەن، يۇمشاق ئورگانلار چاپلىشىۋېلىش قاتارلىق ئەھۋاللار، ئەگەر يۇشۇرۇن ئىچكى ئامىل بولىدىكەن، ئۇنى بىر ئامال قىلىپ ھەل قىلىش كېرەك.

مەزكۈر ماتېرىيال شىنجاڭ ياش-ئۆسمۈرلەر نەشرىياتى تەرىپىدىن 1987-يىلى نەشىر قىلىنغان «سالامەتلىك ۋە جىنسىيەت» ناملىق كىتابتىن ئېلىندى
تىببىي پەن دوكتورى لىمون كېراك (ئامېرىكا)
يازغۇچى، مائارىپ ماگىستىرى ئىسادور روبىن (ئامېرىكا)