Windows قانچىلىك تەرجىمە قىلىندى؟

• ئىشلەتكۈچى :    بۇ باھاغا پىكرىم بار

  windows8 نىڭ كۆرۈنمە يۈزنى سولدىن ئوڭغا تەڭشىمەكچى ئىدىم قانداق تەڭشەيمىز؟

  يوللانغان ۋاقىت: 2013-يىلى 5-ئاينىڭ 10-كۈنى pm 16:30
• مۇھەممەدئەمىن :    بۇ باھاغا پىكرىم بار

  ھەي ئالىپئەۋەر، ھەي ئالىپئەنۋەر(ئالىم مۇئەللىمنىڭ مۇشۇ يازمىسىنىڭ يېزىلىشىغا ئاساسلىق تۈرتكە بولغان كىشى).
  سىزنىڭ تور بېكىتىڭىزگە يازغىنىڭىزنى ئۆتكەندە كۆرگەن ئىدىم، ئۇ چاغدا تېلېفوندىلا كۆرگەن ئىدىم، ھازىر بىر نەرسە ئىزدەۋېتىپ يەنە مۇشۇ يازما ئۇچراپ قېلىپ، ئازراق بىر نەرسە يازاي دەپ، تور بېكىتىڭىزگە قانداقلا قىلسام كىرەلمەيۋاتىمەن، مۇشۇ يەرگىلا يازاي.
  ئېسىمدە قېلىشىچە Windows 8 نى يەرلىكلەشتۈرۈش جەريانىدا، سىز بىلەنمۇ مەلۇم شەكىلدە ئالاقىلاشتۇققۇ دەيمەن، شۇنداق بولغان سىزمۇ ۋاستىلىق(ۋاستىلىك دەپ يېزىلامدۇ يا) قاتناشتىڭىز، 2010-يىلى قۇربان ھېيتتىن ئاۋۋالقى ۋاقىتلاردا، قىلايلىمۇ ياكى قىلمايلىمۇ، سىناپ باقامدۇق بولمىسا دېگەندەك خىياللار بىلەن ئۇرۇنۇپ باققان ئىش ئاخىرقى بولىدىغان بولدى، شۇنىڭ بىلەن كىرىشىپ كەتكەن بولدۇق، 2011-يىلىنىڭ دەسپلەپكى ئايلىرىدا ئاتالغۇ، ئاي-ناملىرى ھەققىدە قاتتىق تالاش-تارتىشلار بولدى، ئاتالغۇ قېلىپلاشتۇرۇش يىغىنلىرى ئېچىلدى، شۇ چاغدا ئۇيغۇرچە ئاي ناملىرىنى كىرگۈزۈپ قويغۇمىز كەلدى، بىراق شۇنى بېكىتىدىغانغا بىر نەچچە كۈن قالغاندا، بۇ ئىشنى دەسلەپ ئومۇملاشتۇرغۇچىلار ئۆزلىرىمۇ پىششىق بىلمەيدىغانلىقىنى، ئېنىق بىر ئۆلچەمنىڭ يوقلۇقىنى ئوتتۇرىغا قويۇشتى، ھەم ئەسلى ئاي ناملىرىنى ئۇيغۇرچە ئاتاپ قويغانغىلا بولمايدىكەن، ئۇ ئەسلى 21-مارت كۈنىنى يېڭى يىل كۈنى قىلىپ بېكىتپ باشلايدىغان مىلادىيە كالېندارىدىن پەرقلىق بىر كالېنداردىكى ئايلارنىڭ نامى ئىكەن، شۇڭا بۇنداق ئېنىقسز نەرسىنى Windows قا قوشۇشقا بولمايدىكەن، خۇددى مۇشۇنىڭغا ئوخشاش نۇرغۇن نەرسىلىرىمىز قېلىپسىز ئىكەن، جېك بۇرۇن دەپ ئۆتكەن «ئۇيغۇرنىڭ نەرسىسى ئۇيغۇرغا چۇشلۇق بولىدىكەن» دېگەن گەپكە ئاجايىپ قايىل بولۇپ كېتىمەن.
  ئاخىر بۇ تۈر پۈتتى، ناھايىتى كۆپ كىشىلەر بەك خۇشال بولدى، تۈرنى توختام بويىچە مەخپىي ئېلىپ بېرىۋاتقىنىمىزدا 2012-يىلى ئانا تىل كۈنى Microsoft شىركىتى ئۇيغۇر تىلىنى ئۆز ئىچىگە ئالغان بىر قانچە تىلنىڭ Windows قا يېڭىدىن قوشۇلغىنىنى ئېلان قىلدى، شۇنىڭدىن كېيىن كىشىلەر تۆتكۆز بىلەن كۈتۈشكە باشلىدى، 25-ئۆكتەبىر كۈنى 248 يۈەن باھا بىلەن ئېلان قىلىنغاندىن كېيىن، كىشىلەر بەس-بەستە سېتىۋېلىشتى، Windows 8 نىڭ دۇنيا مىقياسىدا سېتىلىشى ياخشى بولمىدى دېگەندەك باھالارنى تولاراق ئاڭلاپ قالدۇق، بىراق ئەتراپىمىزغا قارىساق، ئۇيغۇرچە تورلارغا قارىساق بۇ گەپكە مېنىڭ ھېچ ئىشەنگۈم كەلمىدى، شۇنداق قىلىپ كىشىلەر سېتىۋېلىپ تەييار قىلىپ قويۇشتى، كىشىلەر كۈتە-كۈتە 12-دېكابىر كۈنى ئۇيغۇرچە ئارا يۈز تىل بولىقى ئېلان قىلىندى.
  تەرجىمە جەريانى ئاجايىپ بىر جەريان بولدى، ئەڭ ئاۋۋال تەرجىمە ئۇسلۇبىنى بېكىتىپ چىقتۇق، بۇنىڭدا ئوخشاش مەزمۇن ھەرخىل شەكىللەر بىلەن كۆرسىتىلىپ ئەڭ مۇۋاپىقلىرى تاللاپ كۆرسىتىپ، مۇشۇ بويىچە بولىدۇ دەپ بېكىتتۇق، تەرجىمە ۋەزىپىسىنى تاپشۇرغۇچىلار، ۋاقتىمىزنى ئۆزىمىز ئىختىيارىي ئورۇنلاشتۇرۇپ تاماملايدىغانغا ئەمەس، شەرقى 2-رايون ۋاقتى مۇنچىدە تۈگىتىپ بولۇشنى تەلەپ قىلىدۇ، بۇ جەرياندا ھېرىپ قالغاندا ئارام كۆڭۈل خۇشى ئىشلەش دېگەن گەپ مەۋجۇت بولماي قالىدۇ، چوقۇم مۇنچە سائەت ئىچىدە پۈتتۈرۈپ تاماملاش كېرەك، ئاتالغۇلارنىڭ تەرجىمىسىنى ئەڭ ئاۋۋال بېكىتىدىغانلىقىمىز ئۈچۈن، كېيىن بۇ ي ئاتالغۇنى باشقىچە ئاتاش مۇمكىن بولماي قالىدۇ، مەسىلەن لۇغەتلىرىمىزدە : «ئامېرىكا قوشما ئىشتاتلىرى(United States of America)» بىلەن «ئەرەب بىرلەشمە خەلپىلىكى(United Arab Emirates)» نىڭ United دېگەن ئەينى بىر سۆز بىرسىدە «قوشما» يەنە بىرسىدە «بىرلەشمە» دەپ تەرجىمە قىلىنغان، (جەنۇبىي كورىيە ۋە شىمالىي كورىيە دېگەن سۆزلەردىمۇ ئوخشاش) بىراق ئۇلار بۇنداق يەرلەردە بىزنىڭ لۇغەتلىرىمىزدەك ھەر خىل ئېلىشىمىزغا يول قويمايدىكەن، بۇلار كىچچىنە بىر مەسىلە، بەزى ئۇچۇرلارنىڭ كەڭلىكىگە چەكلىمە يوق ئىكەن، بەزى ئۇچۇرلارنى تەرجىمە قىلىپ بولغاندىن كېيىن ئېكرانغا پاتىمىدى دەپ، قايتا تەرجىمىلەشكە بۇيرۇيدىكەن، تەرجىمە جەريانى بىر ياقتىن كۆرۈپ، بىر ياقتىن قىلىدىغان ئىشمۇ ئەمەس ئىكەن، قايسى ئۇچۇرنىڭ نەدە چىقىدىغانلىقىنى ئەڭ ئاخىرىدا ئۈلگە قىلىپ نەچچە ئون پارچە رەسىمنى(مەخپىي تۇتۇش شەرتى ئاستىدا) تەمىنلەيدىكەن، تەرجىمە جەريانىدا كۈندىلىك تاماملانغان تەرجىمىلەرنى قەغەزگە بېسىپ چىققاندا A4 قەغەزدە ئىككى سان ژۇرنالچىلىك ياكى ئۇنىڭدىنمۇ چوڭراق كېلىدۇ، ئاندىن بۇ بېسىپ تۈپلەپ چىققان تەرجىمىلەرنى ئالماشتۇرۇپ تەكرار ئوقۇپ، بولماپتۇ، راۋان چىقماپتۇ دەپ قارىغان جۈملىلەرنى قىزىل سىزىپ ئۆزگەرتىمىز، بۇنى يەنە ئاخىرىدا مالىم كۆرىدۇ، مالىم بىزنىڭ چولتا قىلغانلىرىمىزدىن رازى بولماي، ئۆزى باشتىن ئۆزگەرتىپ چىقىدۇ، قەغەزدە ئۆزگەرتكىنىمىز بويىچە كومپيۇتېردىكىسىنىمۇ ئۆزگەرتىپ چىقىمىز، ئاندىن ئىملا تەكشۈرىمىز، يەنە باسىمىز، يەنە خاتالىقلار بايقىلىپ قالىدۇ، بۇ چاغدا ۋەزىپە ئۈچۈن بەلگىلەپ بەرگەن ئاخىرقى چەك توشۇپمۇ قالىدۇ، شۇنداق بولسىمۇ ئۇخلىماي تۇرۇپ، ئىشخانىغا ئارمان قۇۋۋەت تالقىنى، نان دېگەندەكلەرنى ئەكىرىپ قويۇپ تۇرۇپ، ئىشلەيمىز، پۇخادىن چىققاندەك بولىمىز، ئەتىسى يەنە يېڭى ۋەزىپىلەر كېلىپ پالاقشىتىۋېتىدۇ، يەنە ئوخشاش يۇسۇندا ئىشلەيمىز، شۇڭا بۇ ئىشنىڭ خاراكتېرى يانتېلېفوننىڭ ROM ىنى تەرجىمە قىلغاندەك ئەركىن-ئازادە، ئالدىرىماي ئېلىپ بارىدىغان، ئوخشاش سۆزنى ئوخشىمىغان ئورۇندا ھەر خىل ئالغىلى بولىدىغان، تەرجىمىنى پۈتتۈرۈپ بولۇپ نەتىجىسىنى ئۆزىمىز كۆرۈپ باقالايدىغان ئىش ئەمەس. بۇ توغرىسىدا يازسام ھەقىقەتەن بەك جىق يېزىپ كېتىمەن،

  يوللانغان ۋاقىت: 2013-يىلى 4-ئاينىڭ 6-كۈنى pm 23:34