شىنجاڭ خوتەن قاشتېشى مۇسابىقە كەپتىرى ئاممىۋى كەپتەرخانىسى قۇرغۇچىسى- ئابدۇللا مەتتۇرسۇن

ئابدۇللا مەتتۇرسۇن 1974-يىلى خوتەن شەھرىدە توغۇلغان ، كىچىكىدىن كەپتەر بېقىشقا قىزىقىدىغان بولۇپ ، 15 يېشىدا ئۆزىنىڭ تۇنجى كەپتەرخانىسىنى ياساپ ، ئۆيىدە كەپتەر بېقىشقا باشلىغان .

2000-يىلىدىن باشلاپ قاشتېشى سودىسى قىلىشقا باشلىغان ، 2009-يىلى 200 مو كۆلەمدىكى خوتەن شەھەر قېرىنداشلار قۇم-شېغىل زاۋۇتىنى قۇرغان .

ئابدۇللا مەتتۇرسۇن 2007-يىلىدىن باشلاپ كەسپى پوچتا كەپتىرى مۇسابىقىسى ئويناشنى باشلىغان ، ھەمدە ئۇ يىتىشتۈرگەن كەپتەرلەر نۇرغۇن قېتىم ياخشى نەتىجىلەرنى قولغا كەلتۈرگەن .

2014-يىلى 8-ئايدىن باشلاپ شىنجاڭ خوتەن قاشتېشى مۇسابىقە كەپتىرى ئاممىۋى كەپتەرخانىسىنى قۇرۇش خىزمىتىنى باشلاپ ، 2015-يىلى 2-ئايدا 1100 كۋادرات كۆلەمدىكى 6000 كەپتەر بېقىشقا بولىدىغان چوڭ تىپتىكى زامانىۋى ئاممىۋى كەپتەرخانىنى قۇرۇپ چىقىپ ، 2015-يىلى كۈزلۈك پوچتا كەپتىرى مۇسابىقىسىگە تەييارلىق قىلغان .

شىنجاڭ خوتەن قاشتېشى مۇسابىقە كەپتىرى ئاممىۋى كەپتەرخانىسى 2015-يىلى 3-ئاينىڭ 10-كۈنى مۇۋەپپەقىيەتلىك ئىش باشلاپ، كەپتەر قۇبۇل قىلىشقا باشلىدى .