شىنجاڭ ئىمتىھان ئۇچۇر تورى مەركىزىنىڭ خەۋىرىدىن ئىگىلىنىشىچە،  ئاپتونوم رايونلۇق خەلق ھۆكۈمىتى رايونىمىزدىكى ئالىي مەكتەپ پۈتتۈرگەن ئاز سانلىق مىللەت ئوقۇغۇچىلىرىنىڭ ئىشقا ئورۇنلىشىش مەسىلىسىنى ھەل قىلىش، كارخانىلارنىڭ ئالىي مەكتەپ پۈتتۈرگەن تېخىمۇ كۆپ ئوقۇغۇچىلارنى قوبۇل قىلىشىغا ئىلھام بېرىش ۋە يېتەكچىلىك قىلىش شۇنداقلا ئالىي ۋە ئوتتۇرا تېخنىكومدا ئوقۇش تاماملىغانلار بىلەن خادىم ئىشلەتكۈچى ئورۇنلار ئوتتۇرىسىدىكى تەمىنلەش ۋە ئېھتىياجنى ئۇچراشتۇرۇش سۇپىسى ھازىرلاش مەقسىتىدە 2015-يىلى ئالىي ۋە ئوتتۇرا تېخنىكومنى پۈتتۈرگەنلەرگە قارىتىلغان خادىم قوبۇل قىلىش يىغىلىشى ئۆتكۈزۈشنى قارار قىلغان بولۇپ، خادىم قوبۇل قىلىش يىغىلىشى 3-ئاينىڭ 28-كۈنى چۈشتىن بۇرۇن ئۈرۈمچى ۋاقتى 8:30 دىن 11:00 گىچە ئاپتونوم رايونلۇق ئادەم كۈچى بايلىقى بازىرىدا ئېلىپ بېرىلىدىكەن.