يۇقىرى سەپلىمىلىك Galaxy S5 ئالتىنچى ئايدا ئېلان قىلىنىشى مۇمكىن

سىنا پەن-تېخنىكىسىنىڭ 28-ئاپرېل خەۋىرى: چەتئەل مېدىيەلىرىنىڭ ئاشكارىلىشىغا ئاساسلانغاندا، يۇقىرى سەپلىمىلىك سامسۇڭ Galaxy S5 Prime يانفونى ئالتىنچى ئايدا تارقىتىلىشى مۇمكىن ئىكەن.

سامسۇڭ Galaxy S5 Prime نۇسخىسىنىڭ ئىچكى ۋاكالەت نومۇرى Samsung KQ بولۇپ، ھازىر تەتقىقات باسقۇچىنىڭ كېيىنكى مەزگىلىدە تۇرماقتا. بۇ ياناون ھازىرقى سامسۇڭ Galaxy S5 دا بولمىغان سەپلىمە 2K ئېكرانىنى تولۇقلايدۇ.

بۇ يانفونغا Exynos 5430 سەككىز يادرولۇق بىر تەرەپ قىلغۇچ سەپلەنگەن، ئىچىگە Cortex-A15 يادروسى سەپلەنگەن بولۇپ، 8K UHD فىلىم قويۇشنى قوللايدۇ.

بىرلا ۋاقىتتا بىر تەرەپ قىلغۇچقا ھەمدەمچى بىر تەرەپ قىلغۇچ SEIREN كىرگۈزۈلگەن، ئاۋاز كودى، كود يېشىش ۋە ئاۋاز چاستوتىسى تەڭپۇڭلاشتۇرۇش قاتارلىقلارغا ئىشلىتىلىدۇ.

Galaxy S5 نىڭ سېتىلىش باھاسىغا ئاساسلانغاندا، بۇ يانفوننىڭ سېتىلىش باھاسى 5000 يۈەندىن تۆۋەن بولمايدۇ.

تەرجىمان: ئوكيان