ئەڭ يېڭى تەتقىقات نەتىجىسىدىن قارىغاندا، ئانا بولغۇچى بالىسىنى ئالتە ئايدىن ئارتۇق ئېمىتىپ بەرسە، فىگۇرىسى تېز ئەسلىگە كېلىدىكەن.
تەتقىقاتچىلار 740مىڭ ئايالنى تەكشۈرۈپ، ئاياللارنىڭ ئالتە ئاي بالا ئېمىتسە 0.9كىلوگرام ئورۇقلايدىغانلىقىنى بايقىغان. شۇنىڭ بىلەن بىللە، بالىسىنى ئالتە ئايدىن ئارتۇق ئېمىتكەن ئاياللارنىڭ تېز ئورۇقلايدىغانلىقى ھەمدە سېمىزلىك ۋە سېمىزلىك بىلەن مۇناسىۋەتلىك بولغان راك، يۈرەك كېسەللىكلىرىگە گىرىپتار بولۇش خەۋپىنىڭ ئىنتايىن تۆۋەن بولىدىغانلىقىنى بايقىغان.
بالا ئېمىتكەندە ئانىنىڭ تېنىدىكى ئارتۇقچە ئېنېرگىيەنى تېز خورىتىدىكەن، مۇتەخەسسىسلەرنىڭ ھېسابلىشىچە، بالا ئېمىتىدىغان ئاياللاردا كۈنىگە 500 كالورىيە ئېنېرگىيە خورايدىكەن، بۇ بىر سائەت بەدەن چېنىقتۇرۇش بىلەن ئوخشاش بولىدىكەن. مۇتەخەسسىسلەرنىڭ دېيىشىچە، ئانا سۈتى بالىغا نىسبەتەن ئەڭ ياخشى ئوزۇق بولۇپ، ئۇ ئانىنىڭ سالامەتلىكىگىمۇ پايدىلىق ئىكەن.
ـــ ماتېرىيالدىن
