نۇرغۇن كىشى: ‹‹قىزىغاندا، ئورۇنۇپ تەرلەنسىلا ساقىيىپ كېتىدۇ››، دەپ قارايدۇ. ئەمەلىيەتتە بۇنداق قىزىتمىنى ياندۇرۇش ئۇسۇلى مۇۋاپىق ئەمەس. بولۇپمۇ قىزىتما ئۆرلەپ، قىزىتما ياندۇرۇش دورىسىنى ئىچكەندىن كېيىن، ئورۇنىۋالغاندا قىزىقلىقنىڭ تارقىلىشى توسقۇنلۇققا ئۇچراپ، قىزىتما ئەكسىچە ئۆرلەپ كېتىدۇ. يەنە كۆپ تەر چىقىپ كەتكەنلىكتىن سۇسىزلىنىش كېلىپ چىقىدۇ. شۇڭا، قىزىپ قالغاندا ئورۇنۇۋالماي، كېيىملەرنى يېشىۋېتىش كېرەك. سۇغۇق تەككۈزمىگەن ئەھۋالدا، مۇشۇنداق قىلىش قىزىتمىنى ياندۇرۇشنىڭ ئەڭ ياخشى ئۇسۇلىدۇر.
