ئەقىدە شىركىتى مەرۋايىت زىننەتلىرى بۆلىمىدىن ئادالەت ئابلىكىم تەرجىمىسى

جۇڭگۇدا خوتەن قاش مەستانىلىرى 300 مىليۇندىن ئاشىدۇ . كۈندىن-كۈنگە كۆپىيىۋاتقان بۇ مەستانىلەر ئارىسىدا خوتەن قاشقا نىسپەتەن ئانچە-مۇنچە خاتا قاراشلارمۇ بولۇپ قالىدۇ ، ئەلۋەتتە ! بىز بۈگۈن بىرلىكتە بۇ خاتا قاراشلارنىڭ بىر قانچىسىگە قۇلاق سېلىپ باقايلى !

1 . چاپان سالغان قاشلارنى ھېچقانداق ئورگان تەكشۈرۈپ ئېنىقلىيالمايدۇ

نۇرغۇن كىشىلەر << چاپان سالغان قاشلارنى ھېچقانداق ئورگان تەكشۈرۈپ ئېنىقلىيالمايدۇ >> دەپ قارايدۇ . ئەمما تەكشۈرۈش ئورۇنلىرى بۇ خىل قاراشقا ئاللىبۇرۇن خاتىمە بەرگەن بولۇپ ، سىزنىڭ قېشىڭىزغا چاپان سېلىنغانلا بولسا سۈپەت تەكشۈرۈش گۇۋاھنامىسىنىڭ ئۈستىدە نەتىجىسى نامايەن بولىدۇ.

2 . زىرە قاشلار پەقەت شىنجاڭدىنلا چىقىدۇ

نۇرغۇن كىشىلەر زىرە قاشلار پەقەت شىنجاڭدىنلا چىقىدۇ دەپ قارايدۇ.ئەمەلىيەتتە خېمۇ قاشلىرى ، شىيۇۋيەن قاشلىرى ۋە لۇشۈن قاشلىرىدىنمۇ زىرە قاش چىقىدۇ.روسىيە قاشلىرىدىنمۇ ئارىلاپ زىرە قاش ئۇچرايدۇ.

3.چار قاشلارنىڭ ھەممىسى زىرە قاش

<< چار قاشلارنىڭ ھەممىسى زىرە قاش >> بۇ گەپ بۇرۇن كەسىپتىكى قويمىچىلارنىڭ خېرىدار ئالدايدىغان پاراڭلىرى ئىدى.21-ئەسىرنىڭ باشلىرىدا قاغىلىقتىن بايقالغان چار كان قاش بۇ سۆزگە خاتىمە بەردى.

بىراق قاغىلىقتىن چار كان قاش بايقىلىشتىن بۇرۇنمۇ چەرچەن رايۇنلىرىدا ۋە قاراڭغۇ تاغدا بۇ خىل قاش بايقالغان ، لېكىن سۈپىتى كۆڭۈلدىكىدەك بولمىغانچا كىشىلەرنىڭ نەزىرىگە ئىلىنمىغان.

4.چىڭخەي قاشلىرىنى بىر مەزگىل تاقىسا رەڭگى ئۆڭۈپ كېتىدۇ

بىر كۈنى ، بىر قاش ھەۋەسكارى ئۆزى بىر مەزگىل تاقىغان چىڭخەي قاش تەمتەكنى ساتقۇچىنىڭ قېشىغا ئەكىلىپ :<<بۇ قاش تەمتەكنىڭ رەڭگى ئۆڭۈپ كەتتى !؟>>دەپ داۋا قىلغان.ساتارمەن ھەيرانلىق ئىلىكىدە تەمتەكنى قولىغا ئېلىپ سىنچىلاپ قارىغاندىن كېيىن تەمتەكنىڭ ئويۇلغان يەرلىرىگە توپا-چاڭ كىرلەرنىڭ يىغىلىپ كەتكەنلىكىنى كۆرۈپ ، نەق مەيداندا پاكىز چوتكىلاپ ،يۇيۇپ تازلىغاندىن كېيىن تەمتەك بۇرۇنقى ئاق ، پارقىراق ھالىتىگە قايتقان.

شۇڭا چىڭخەي قاشلىرىنى پات-پات چوتكىلاپ ، تازلاپ تۇرساقلا ئۆڭۈپ كەتمەيدۇ.

 5.قاپقارا تۇرۇشىدىن بۇ چۇقۇم قارا قاش

نۇرغۇن كىشىلەر قاشنىڭ رەڭگى قارا بولسىلا قارا قاش دەپ دىئاگنوز قويىۋېتىدۇ. بىراق رەڭگى قارا كەلگەن قاشلارنىڭ ھەممىسى قارا قاش بولۇپ كېتىشى ناتايىن. كۆكۈش قارا قاش ، قارامتۇل قاش ، شىيۇۋيۈ قارا قاشلىرى ، قارا كاۋاش ھەم روسىيە قارا قاشلىرىمۇ ئوخشاشلا قارا رەڭدە كېلىدۇ.

6.بۇ ئويمىنىڭ زىرە ئىكەنلىكىدە مەسىلە يوق.لېكىن ئويمىچى ئۇيۇش جەريانىدا ئېھتىياتسىزلىقتىن چاپىنىنى قىرىۋېتىپ قاپتۇ.

90% خوتەن قاش ئويمىلاردا چاپان ئىنتايىن مۇھىم ئورۇندا تۇرىدۇ.چاپىنى يوق قاشلارنى ئويمىچىلار ئويما ئۇيۇشقا ئىشلەتمەيدىغان ئەھۋاللارمۇ بولۇپ تۇرىدۇ.شۇڭا : << بۇ ئويمىنىڭ چاپىنى ئۇيۇش جەريانىدا قىرىلىپ كېتىپتۇ ! >> دىگەن ئاساسەن يوق گەپ.

مەنبە : جۇڭگۇ خوتەن قاش تورى