ئىشىنىمەنكى، بىزدە مۇشۇنداق يۇقىرى سۈپەتلىك بىر كامېرا بولسا، بۇنداق كۆرۈنۈشلەردىن ئادەتتە ھەر ۋاقىت ھوزۇرلىنىش تامامەن مۇمكىن. ئىلگىرىمۇ بىر قىسىم ئاستىلىتىلغان كۆرۈنۈشلەردىن ھوزۇرلىنىپ ئۆتكەن ئىدۇق، بۈگۈن كۆپچىلىككە ئېلىپ كەلگىنىم بولسا، مۇزىكا بىرلەشتۈرۈلگەن، ئادەتتىكى كۆز بىلەن كۆرۈش نېسىپ بولمايدىغان يەنە بىر يۈرۈش ئاستىلىتىلغان كۆرۈنۈشلەر…

ۋاقىتنىڭ ھازىرقىدىن 400 ھەسسە ئاستا بولغاندىكى ئەھۋالنى پەرەز قىلىپ بېقىڭ، بۇ خىل ئەھۋالنى ئادەتتىكى كۆز بىلەن كۆرۈش مۇمكىن ئەمەس، بىزنىڭ ئادەتتە تېز سۈرئەتتە يۈز بەرگەن ھادىسىلەردىن بايقايدىغىمىز پەقەت كۆزنى يۇمۇپ ئاچقۇچىلا يوق بولىدۇ، تۆۋەندىكى تەجرىبە بىر قىسىم ئىشلارنىڭ جەريانىنىڭ سىزگە نەقەدەر گۈزەل ئىكەنلىكىنى ھېس قىلدۇرالىشى مۇمكىن، شارنى تېشىۋېتىش، شارنى كۆيدۈرىۋېتىش، چاقماقنىڭ ئوتىنى ياندۇرۇش ۋە يا ئوقىنىڭ كۆلچەكنى تېشىپ ئۆتكەن كۆرۈنىشى، ئەلۋەتتە ئاخىرىدىكى ئاۋۇ بىر شاپىلاق تەككەن كۆرۈنۈشتە، ئاۋۇ سېمىزنىڭ چىرايى خۇددى ھازىرلا بۇزۇلۇپ چۈشۈپ كېتىدىغاندەك كۆرۈنىدۇ.